არტისტი, ჯგუფ “ბულიონის” წევრი ნატალია ვაწაძე ფეისბუქის პირად გვერდზე წერს, რომ ის სახელმწიფო უსაფრთხოების სამსახურში გამოკითხვაზე დაიბარეს ე.წ. რევოლუციური სცენარით “ხელისუფლების დამხობის” საქმეზე.
ნატალია ვაწაძე 29 სექტემბერს ესწრებოდა თბილისში ჩატარებულ ტრენინგს, რომელიც “კანვას საქართველომ” USAID-ის სამოქალაქო საზოგადოების ჩართულობის პროგრამის ფარგლებში გამართა და რომლის მიზანიც სახელოვნებო სფეროს მეტი დამოუკიდებლობისა და ეფექტურობის მიღწევის გზების განხილვა იყო. სახელმწიფო უსაფრთხოების სამსახურში არტისტი სწორედ ამ ტრენინგზე დასწრების გამოა დაბარებული.
ამავე საქმეზე გამოსაკითხად დაიბარეს ტელეკომპანია ფორმულას ფოტოგრაფი ვახო ქარელი. მისი გამოკითხვა სასამართლოში დღეს, 12 ოქტომბერს, არის დაგეგმილი.
