ძვირფასო ქვიარებო და არა მხოლოდ,
2 წელია რაც ონლაინ გამოცემა https://queer.ge/ არსებობს
ინიციატივა დავიწყეთ საკმაოდ შეზღუდული ფინანსური რესურსით, თუმცა მაინც შევძელით განვითარება.
გასული დროის განმავლობაში ქვიარისთვის იმუშავა 36-მა ადამიანმა, ხოლო რესპონდენტის სახით ჩართული იყო 200-ზე მეტი ადამიანი.
გასული 12 თვის განმავლობაში ქვიარის ვებსაიტს ესტუმრა 200 000-ზე მეტი უნიკალური მომხმარებელი 160 ქვეყნიდან (ჩვენი გამოცემა 3 ენაზეა).
ეს რაც დღემდე გაკეთდა, თუმცა ყველაზე მნიშვნელოვანი მიღწევები ჯერ წინაა. ქვიარს აქვს კარგი პოტენციალი გახდეს წარმეტებული მედია, შეიძინოს ჟურნალისტური საქმიანობისთვის აუცილებელი ყველა მახასიათებელი.
მზად ვართ ამისთვის ბევრი ვიშრომოთ.
თუმცა დღეს ქვიარს თქვენი დახმარება სჭირდება. მეტი მოხალისეობრივი ჩართულობა იმისთვის რომ ქვიარმა გადალახოს შექმნილი ფინანსური კრიზისი. იმისთვის რომ ქვიარის პლატფორმა რთულ დროში არა თუ არ შეჩერდეს, არამედ გააგრძელოს საკუთარი მიზნებისკენ სვლა, საჭიროა შემდეგი:
- ქვიარის რუბრიკებისთვის “ქვიარ სიახლეები”, “პოლიტიკა”, “თანასწორი უფლებები”, “ქვიარ ხელოვნება”, “გართობა” ,“ქვიარ ისტორია”, “ქვიარ ზრუნვა” – პუბლიკაციების შექმნა;
- ქვიარის რუბრიკისთვის “ქვიარი ამბობს” – ქვიარებთან ინტერვიუების სერიის გაგრძელება და ასევე ბლოგების სერიის გაგრძელება;
- რესპონდენტების აქტიურობა – ნებისმიერ საკითხებთან დაკავშირებით, რაც საქართველოში ქვიარ მოძრაობის განვითარებას თუ სამოქალაქო საზოგადოების, ასევე სოციალურ-ეკონომიკურ თუ პოლიტიკურ განვითარებას ეხება;
მარტივად რომ ვთქვათ თქვენ შეგიძლიათ ჩვენი დახმარება მოხალისეობრივ საწყისებზე:
- პუბლიკაციების შექმნით (სტატიები, ბლოგები, ინტერვიუები, ვიდეოები, ილუსტრაციები)
2. იყოთ ჩვენი რესპონდენტები ქვიარულ თუ ნებისმიერ სხვა საინტერესო საკითხებში.
თქვენი აქტიური ჩართულობის დიდი იმედი და მოლოდინი გვაქვს!
იდეებით და შემოთავაზებებით დაგვიკავშირდით შემდეგ მეილზე: [email protected]
