//

მწერლები, მთარგმნელები და გამომცემლები კინოცენტრის თანამშრომლებს მხარდაჭერას უცხადებენ

ქართველი მწერლები, მთარგმნელები და გამომცემლები კინოცენტრის თანამშრომლებს მხარდაჭერას უცხადებენ. მხარდამჭერ წერილს გამოცემა პუბლიკა ავრცელებს.

ისინი წერენ:

“ბოლო რამდენიმე წელია ქართული კულტურის სადამსჯელო ოპერაცია მიმდინარეობს:

გვახსოვს წიგნის ცენტრის დახურვა.

გვახსოვს ეროვნული მუზეუმის თანამშრომლების დაუსაბუთებელი და უსამართლო გათავისუფლება და მეცნიერების საეჭვო გამოცდილების მქონე ხალხით ჩანაცვლება. მათთვის საცავებზე წვდომის შეზღუდვა.

გვახსოვს სამინისტროსთვის მიუღებელი ლიტერატურული პერიოდიკისთვის დაფინანსების შემცირება და საბოლოოდ შეჩერება.

გვახსოვს თეატრების ხელმძღვანელების გათავისუფლება და ხელისუფლების ერთგული ჩინოვნიკებით ჩანაცვლება.

გვახსოვს ლიტერატურული კონკურსი „ლიტერა“, რომლის კონტროლიც სამინისტრომ სცადა და კოვზი ნაცარში ჩაუვარდა.

გვახსოვს გელათის გადარეცხილი და ასევე მიტოვებული ფრესკები.

და სხვა მრავალი.

სანაპიროს ქუჩაზე მდგარი კულტურის სამინისტროს შენობა იქცა ციხედ, სადაც ხმა აღარც შედის და აღარც გამოდის.

კულტურის სამინისტროს ბიუჯეტი მინისტრმა პირად ქონებად ჩათვალა და თავისი შეხედულებისამებრ ანაწილებს.

ახლა საქართველოს ეროვნული კინოცენტრის ჯერია. კინოცენტრი ერთ-ერთი წარმატებული ინსტიტუციაა, რომელიც ქართულ კინოინდუსტრიაში მნიშვნელოვან როლს ასრულებდა.

კინოცენტრიდან გაათავისუფლეს და ახლაც ათავისუფლებენ პროფესიონალებს, რომლებიც წლების განმავლობაში ამ წარმატებისთვის მუშაობდნენ. მათ ანაცვლებენ სასჯელაღსრულების ოფიცრებით და საეჭვო გამოცდილების, პოლიტიკურად ანგაჟირებული ხალხით.

ქართველი მწერლები, მთარგმნელები და გამომცემლები სრულად ვუჭერთ მხარს კინოს პროფესიონალებს დამოუკიდებელი კინოცენტრის შენარჩუნებისთვის ბრძოლაში.

მოგიწოდებთ ყველას სოლიდარობისკენ – გუშინ მუზეუმი გაქრა, დღეს კინოცენტრი ქრება, ხვალ კი შეიძლება თქვენთანაც მოვიდნენ”, – ნათქვამია წერილში.

წერილს ხელს აწერენ:

  • ეკატერინე ტოგონიძე
  • ნინია ნადირაძე
  • ნესტან კვინიკაძე
  • რატი ამაღლობელი
  • რატი მუჯირი
  • ნინა სურამელაშვილი
  • თამთა მელაშვილი
  • მაია კუდავა
  • ზვიად კვარაცხელია
  • რუსუდან რუხაძე
  • ლანა კალანდია
  • თაკო ლონდარიძე
  • თამარ კვიჟინაძე
  • ნატო ალხაზიშვილი
  • ნატო გორდელაძე
  • შოთა იათაშვილი
  • დალილა გოგია
  • მიხეილ ციხელაშვილი
  • ანა კოპალიანი
  • ეკა ქევანიშვილი
  • ზაალ ანდრონიკაშვილი
  • ირაკლი კაკაბაძე
  • თეონა დოლენჯაშვილი
  • მანანა მათიაშვილი
  • მარი ბექაური
  • თეონა ჭანიშვილი
  • ლექსო ქურხული
  • ლელა კოდალაშვილი
  • მაია ცირამუა
  • ვასო გულეური
  • ლელა დუმბაძე
  • თორნიკე სიბაშვილი
  • ტორესა მოსი
  • ლაშა ბუღაძე
  • მაკო ჯანჯიბუხაშვილი
  • ნიკა ჩერქეზიშვილი
  • ია ჯინჭარაძე
  • გვანცა ჯობავა
  • ნათია გიორგაძე
  • ქეთი ქანთარია
  • ზურა პაპიაშვილი
  • ბესო სოლომანაშვილი
  • გია გოკიელი
  • გიო ლომიძე
  • ხათუნა თავდგირიძე
  • გიორგი შონია
  • კოკა ქამუშაძე
  • სოფიო შამანიდი
  • ბელა ჩეკურიშვილი
  • ლელა კურტანიძე
  • ნათია მიქელაძე
  • მარინა ცხადაია
  • მაია ალუდაური
  • გიორგი არაბული
  • მათე სარალიშვილი
  • ანი მილაშვილი

11 ივნისს კინოცენტრის დირექტორის მოადგილე ნინო კუხალაშვილმა განაცხადა, რომ კულტურის სამინისტრომ მისი შტატი გააუქმა და თანამდებობიდან ათავისუფლებენ. ასევე, ცნობილი გახდა, რომ წულუკიანმა კინოცენტრის დირექტორის მოვალეობის შემსრულებლად პრობაციის ეროვნული სააგენტოს ხელმძღვანელის ყოფილი მოადგილე, კულტურის სამინისტროს ეკონომიკური დეპარტამენტის უფროსი კობა ხუბუნაია დანიშნა, რომელმაც კინოცენტრის დირექტორის მოადგილის პოსტები გააუქმა და რეორგანიზაცია გამოაცხადა.

იქამდე განცხადება გაავრცელეს ცენტრის თანამშრომლებმა, რომლებიც წერდნენ, რომ ცენტრის დამოუკიდებლობას ითხოვდნენ, ეს განცხადება მალევე წაიშალა.

ამავე პერიოდში ცნობილი გახდა, რომ სამთავრობო პროპაგანდისტული POSTV-ის ჟურნალისტი ბაჩო ოდიშარია კინოცენტრში კინოწარმოების დეპარტამენტის უფროსის მოადგილედ დაინიშნა. მან ფორმულასთან თქვა, რომ კინოცენტრში “რეორგანიზაციაში ჩაერთვება”.

წინა

საია: სტრასბურგმა ოჯახში ძალადობის საქმეზე დაადგინა, რომ საქართველომ მსხვერპლი ვერ დაიცვა

შემდეგი

მაკდონალდსმა ელტონ ჯონზე წიგნის გამო ბოდიში მოიხადა

ბოლო სიახლეები

რუსული კანონის წინააღმდეგ დაგეგმილი აქციების განრიგი საქართველოს მასშტაბით

FacebookTweetLinkedInEmail რუსული კანონის წინააღმდეგ მოქალაქეები ყოველდღე იკრიბებიან სხვადასხვა ლოკაციებზე. უწყვეტი აქციების ფონზე გთავაზობთ სტუდენტებისა და ორგანიზაციების

არავის დავტოვებთ მარტო უსამართლობის პირისპირ

FacebookTweetLinkedInEmail წელს მსოფლიოს მასშტაბით 17 მაისის წამყვანი გზავნილი ერთობისკენ მოწოდებაა, რადგან მხოლოდ ერთმანეთის მიმართ სოლიდარობითაა შესაძლებელია

საპროტესტო აქციების განრიგი საქართველოში და ფარგლებს გარეთ

FacebookTweetLinkedInEmail მიმდინარე დღეებში რუსული კანონის წინააღმდეგ აქციებია დაგეგმილი როგორც საქართველოს სხვადასხვა ქალაქში, ასევე ქვეყნის ფარგლებს გარეთაც.

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი