პუტინი ლგბტქი დროშის ფონზე: ჰაკერების მორიგი თავდასხმა ბულგარეთის სატელევიზიო არხებზე

გასულ კვირას, 6 მარტს ჰაკერების ჯგუფმა ბულგარეთის რამდენიმე სატელევიზიო არხის ონლაინ მაუწყებლობა რუსეთის პრეზიდენტის, ვლადიმერ პუტინის ცნობილი მიმით Gay Clown Putin-ით ჩაანაცვლეს.

Gay Clown Putin ბულგარეთის ეთერში ანტისაომარი წარწერით, Make Love, Not War გამოჩნდა. ვირუსული მიმი რამდენიმე ბულგარულ ნაციონალურ სატელევიზიო არხზე იყო, მათ შორის NOVA TV-ზე, Bloomberg TV Bulgaria-ზე, Bulgaria On Air-ზე და ბულგარეთის ნაციონალურ ტელევიზიაზე.

ფოტო / Getty Images

Novinite.com-ის, ბულგარეთის უმსხვილესი ინგლისურენოვანი საინფორმაციო სააგენტოს და Bulgaria On Air-ის ინფორმაციით, ჰაკერული თავდასხმის შედეგად ვირუსული მიმი რამდენიმე საათის განმავლობაში იყო გამოსახული ეკრანზე, ზოგიერთმა ტელეარხმა ორშაბათამდე შეწყვიტა მაუწყებლობა, Bloomberg-მა და Bulgaria On Air-მა კი დატოვა გამოსახულება მაუწყებლობაში.

ჰაკერებმა, რომელთა ვინაობა ჯერ კიდევ არ არის ცნობილი მოახერხეს სატელევიზიო არხების სერვისის პროვაიდერის დომენის სისტემაში შეღწევა არსებული ხარვეზების გამოყენებით.

კიბერშეტევა მას შემდეგ მოხდა რაც უკრაინის ციფრული ტრანსფორმაციების მინისტრმა, მიხაილო ფედოროვმა 26 თებერვლას გამოაქვეყნა განცხადება თვითერზე  და მოუწოდა მოყვარულ თუ პროფესიონალ ჰაკერებს გაერთიანებულიყვნენ რუსულ ძალებთან საბრძოლველად.

ფედოროვის განცხადებაში წერია, რომ უკრაინას სურს შექმნას ერთგვარი IT არმია რუსეთთან საბრძოლველად და განცხადებას თან დაურთო ტელეგრამის ჯგუფის ლინკი, რომელმაც მალევე დააგროვა 35 000-ზე მეტი მომხმარებელი.

მას შემდეგ რაც ჯგუფი შეიქმნა, უკრაინაში მიმდინარე ომის კადრების გასავრცელებლად მოხალისე ჰაკერებმა არაერთი რუსული მედიის გვერდები გატეხეს და მოიპარეს ფაილები რუსეთის სამთავრობო უწყებებიდან.

ცნობილი ინტერნეტ მიმი, რომელზეც ვლადიმერ პუტინია გამოსახული ლგბტქი დროშის ფონზე 2013 წელს რუსეთის “გეი პროპაგანდის” კანონის პროტესტის ნიშნად გაჩნდა  სოციალურ ქსელ Tumblr-ზე. მას შემდეგ ვირუსულ მიმს ხშირად იყენებენ საპროტესტო აქციებზე სხვადასხვა ქვეყნაში.

რუსეთის იუსტიციის სამინისტრომ 2017 წელს სურათი ექსტრემისტულად მონათლა და შავ სიაში შეიყვანა, რადგან მათი განმარტებით სურათი მიუთითებს “რუსეთის ფედერაციის პრეზიდენტის სავარაუდო არასტანდარტულ სექსუალურ ორიენტაციაზე”

 

 

 

წინა

ქვიარ ღონისძიებიდან შემოსული თანხა სრულად გადაირიცხება უკრაინის დასახმარებლად

შემდეგი

ოზურგეთში პრორუსული ალტ-ინფოს ოფისის გახსნას მოქალაქეთა პროტესტი მოჰყვა

ბოლო სიახლეები

თავცდაცვის სამინისტროს მაღალჩინოსანი თანამშრომელი ქალის სექსუალური შევიწროებისთვის გაათავისუფლეს

Facebook1Tweet0Share1 ქალთა უფლებადამცველი ორგანიზაცია საფარის ცნობით, თავდაცვის სამინისტროს თანამშრომელი, რომელიც თანამშრომელ ქალს სექსუალურად ავიწროებდა, თანამდებობიდან გაათავისუფლეს.

ნია გვათუა და საქსესი — “ყველაფერი, რაც ქვიარ ადამიანებისგან ვისწავლე”

Facebook119Tweet0Shares119 მე ვარ ნია გვათუა, პირველ რიგში დედა, მეორე რიგში ფოტოგრაფი. ბავშვობიდან დაინტერესებული ვარ ფოტოგრაფიით, ვარ

სოლიდარობა ირანელ ქალებს — აქციები თბილისშიც ტარდება

Facebook58Tweet0Shares58 ირანში მიმდინარე საპროტესტო აქციების პარალელურად, ირანელი ქალებისთვის სოლიდარობის გამოსახატად აქციები თბილისშიც ტარდება. ერთი აქცია დღეს,