პოლონეთის კონსერვატიული ანტი-ლგბტქი პარტიისთვის 15 ოქტომბრის არჩევნებით, როგორც ჩანს, სრულდება 8 წლიანი ყოფნა უმრავლესობაში.
ეგზიტპოლის შედეგებმა აჩვენა, რომ 2023 წლის არჩევნებში მოქალაქეთა რეკორდულმა მაჩვენებელმა მიიღო მონაწილეობა – 72,9%-მა. ეგზიტპოლის მიხედვით, სამი ოპოზიციური პარტია ლიდერობს: „სამოქალაქო კოალიცია“, „მესამე გზა“ და „მემარცხენეები“, რომლებიც პარლამენტში ერთობლივად 248 ადგილს მოიპოვებენ. აღნიშნულ პარტიებს შორის ყველაზე მეტი ხმა „სამოქალაქო კოალიციამ“ მოიპოვა (31,6%), რომელსაც პოლონეთის ყოფილი პრემიერ მინისტრი დონალდ ტუსკი ხელმძღვანელობს. მან ეგზიტპოლების შედეგებს “ცუდი დროის დასასრული” უწოდა. “გაიმარჯვა პოლონეთმა, გაიმარჯვა დემოკრატიამ” – ამბობს ტუსკი.
პოლონეთში კონსერვატიული პარტია „კანონი და სამართალი“ 2015 წლიდან მთავრობაში დღემდე უმრავლესობით იყო წარმოდგენილი. ამ პერიოდში მათ მიიღეს აბორტის საწინააღმდეგო კანონი, ასევე ანტი-ლგბტქი კანონი, რომელიც მნიშვნელოვნად აუარესებდა ქვიართა უფლებებს. 2020-2023 წლებში ILGA-Europe-ის მიერ პოლონეთი დასახელდა, როგორც ყველაზე არასასურველი ქვეყანა ქვიარ ადამიანებსთვის, ევროკავშირის ქვეყნებს შორის. ქვეყნების შეფასება კეთდებოდა თანასწორობის, დისკრიმინაციის, გენდერის აღიარების, სიძულვილით მოტივირებული დანაშაულებების, სიძულვილის ენისა და სხვა მაჩვენებლების მიხედვით.
პოლონელი ქვიარ აქტივისტები ეგზიტპოლების შედეგებს გახარებული ხვდებიან და აფასებენ მას, როგორც “კოშმარის დასასრულს”.
