მარიო ალკალდე წარმოშობით ესპანელი, 31 წლის მატადორია. ცოტა ხნის წინ მან ცნობილ ესპანურ გამოცემა El Mundo-სთან ინტერვიუში ქამინგ აუთი გააკეთა, როგორც პანსექსუალმა. მარიო პირველი მატადორია, ვინც ღიად ისაუბრა თავის სექსუალურ ორიენტაციაზე.
პანსექსუალი არის ტერმინი, რომელიც აღნიშნავს ადამიანს, რომელსაც რომანტიკული, სექსუალური ან ემოციური მიზიდულობა აქვს სხვა ადამიანების მიმართ, განურჩევლად მათი გენდერული იდენტობისა თუ სქესისა.
მატადორის თქმით, მისი ქამინგ აუთი სპონტანური იყო, რომელსაც არ გეგმავდა, თუმცა ის გულიდან წამოსული იყო და შვების მომგვრელი. მარიო ალკალდეს იმედი აქვს, სხვა მატადორებისთვის იქნება ისპირაციის წყარო, რადგან კორიდა ცალსახად მასკულინური და კონსერვატიული ბრძოლის სახეობაა, რომელიც არ ტოვებს სივრცეს ქვიარებისთვის.
