Reuters

ენდრიუ ტეიტი ადამიანებით ვაჭრობისა და გაუპატიურების ბრალდებით დააკავეს

მიზოგინი “ინფლუენსერი”, ენდრიუ ტეიტი რუმინეთში ადამიანებით ვაჭრობისა და გაუპატიურების ბრალდებით დააკავეს.

36 წლის ტეიტი ძმასთან, ტრისტანთან ერთად დააკავეს. პოლიციამ ტეიტის კუთვნილებაში მქონე სახლზე, რომელიც ბუქარესტში მდებარეობს, რეიდი განახორციელა. როიტერის ინფორმაციით, ტეიტების ადვოკატმა დაადასტურა მათი დაკავება, თუმცა ისინი კომენტარისგან თავს იკავებენ.

“ოთხმა ეჭვმიტანილმა შექმნა ორგანიზებული დანაშაულებრივი ჯგუფი იმ მიზნით, რომ ქალები დაექირავებინათ, საცხოვრებელი მიეცათ და მოგვიანებით ექსპლუატაცია გაეწიათ მათთვის პორნოგრაფიული შინაარსის შემცველი მასალების შექმნის იძულებით, რომლებიც გარკვეული ფასის სანაცვლოდ სპეციალურ ვებსაიტებზე გამოქვეყნდებოდა”, — განაცხადა პროკორორმა. პროკურორის თქმით, დაკავებულები აღნიშნული საქმიანობით დიდი რაოდენობით ფულს იხვეჭდნენ.

რუმინეთის პოლიციის ორგანიზებული დანაშაულის წინააღმდეგ ბრძოლის განყოფილების განცხადების მიხედვით, ტეიტები და რუმინეთის ორი მოქალაქე მომდევნო 24 საათის განმავლობაში დაკავებულები იქნებიან.

რუმინეთის ორგანიზებული დანაშაულისა და ტერორიზმის გამოძიების დირექტორატმა ოთხი ეჭვმიტანილის დაკავების შესახებ განცხადება გაავრცელა. განცხადებაში ტეიტების ვინაობა არ არის ნახსენები, თუმცა აღნიშნულია, რომ ბრიტანეთისა და რუმინეთის მოქალაქეები ეჭვმიტანილები არიან დანაშაულებრივი ჯგუფის შექმნაში, რომელიც ადამიანებით ვაჭრობდა.

ტეიტების შესახებ გამოძიება აპრილის შემდეგ მიმდინარეობს. ძმები პოლიციამ მას შემდეგ დაკითხეს, რაც ორმა ქალმა პოლიციაში განაცხადა, რომ ტეიტები ქალებს მათი სურვილის წინააღმდეგ ამყოფებდნენ გამოკეტილებს. ძმები გაათავისუფლეს, თუმცა გამოძიება გაგრძელდა.

ენდრიუ ტეიტი ჰომოფობი, რასისტი, ულტრა-მემარჯვენე, მიზოგინი კაცია, რომელმაც პოპულარობა 2016 წლიდან მოიპოვა. სწორედ ამ დროს  გასაჯაროვდა ვიდეო, რომელშიც ენდრიუ ტეიტი ქალს ესხმის თავს. შედეგად ის ბრიტანულ რეალითი შოუდან Big Brother-დან მოხსნენ.

ტეიტი ქალებზე ძალადობასა და გაუპატიურებაში არაერთხელ დაუდანაშაულებიათ. სიძულვილის ენის შემცველი და ძალადობრივი განცხადებების გამო, სოციალურმა ქსელებმა — ტვიტერმა, ფეისბუკმა, ინსტაგრამმა, ტიკტოკმა და იუთუბმა მას პირადი გვერდები გააუქმა. მის ძალადობრივ იდეოლოგიასა და ჩადენილ დანაშაულზე მეტის წაკითხვა ქვიარის მიერ მომზადებულ ვრცელ მასალაში შეგიძლიათ.

წყაროები: Reuters, BBC, The Guardian.

წინა

ამბები, რომლებიც გვაერთიანებს — მოკლემეტრაჟიანი ფილმები მოლდოვის ქვიარ კინოფესტივალიდან

შემდეგი

15 საუკეთესო სიმღერა, რომელიც ქვიარ მუსიკოსებმა 2022 წელს შექმნეს

ბოლო სიახლეები

ქვიარ ადამიანებისგან “მობეზრებული”კანადელი ულტრა-მემარჯვენე ოჯახი რუსეთში გადავიდა საცხოვრებლად

FacebookTweetLinkedInEmail კანადელმა ულტრა-მემარჯვენემ არენდ ფინსტრამ გადაწყვიტა, რომ მის ქვეყანაში ძალიან ბევრი ქვიარ ადამიანია, რომლებმაც თავი მოაბეზრეს.

რომის პაპი ფარისევლობას უწოდებს მის მიმართ კრიტიკას ქვიარ ადამიანების დალოცვის შესახებ

FacebookTweetLinkedInEmail რომის პაპმა ფრანცისკემ განაცხადა, რომ ფარისევლობაა მისი კრიტიკა ლგბტქი წყვილების დალოცვის გადაწყვეტილებასთან დაკავშირებით. დეკემბერში პაპმა

ტრანსგენდერი ფეხბურთელისა და მისი გუნდის წარმატების რეალური ისტორია

FacebookTweetLinkedInEmail ტაიკა ვაიტიტის ახალი ფილმი “Next Goal Wins” ნამდვილ ამბავზეა დაფუძნებული და მოგვითხრობს სამოას ეროვნულ საფეხბურთო

პოლონეთის სახელმწიფო ტელევიზიის წამყვანი ბოდიშს იხდის წარსულში ანტი-ლგბტქი პროპაგანდისთვის

FacebookTweetLinkedInEmail პოლონეთის სახელმწიფო ტელევიზიის,  TVP ინფოს წამყვანმა ბოდიში მოიხადა ქვიარ ადამიანების მიმართ ნათქვამი “სამარცხვინო სიტყვებისთვის” რომელიც