სენატში ადგილის მოპოვების შემდეგ, დანიკა როემმა კიდევ ერთხელ დაწერა პოლიტიკური ისტორია. ის გახდა პირველი სენატორი ტრანსგენდერი ქალი, რომელიც აირჩიეს ვირჯინიის ზედა პალატაში და მეორე ტრანსგენდერი სენატორი ქალი აშშ-ს სენატში, სარა მაკბრაიდის შემდეგ (2020).
დანიკა როემი დემოკრატიულ პარტიას წარმოადგენს. მან არჩევნებში 3%-ით დაამარცხა რესპუბლიკელი ოპონენტი – ბილ ვულფი.
როემი 39 წლის არის, პროფესიით ჟურნალისტი. 6 წლის წინ ის საკანონმდებლო ორგანოში აირჩიეს. არჩევნები ტრანსფობიური ნარატივის ფონზე მიმდინარეობდა, თუმცა როემმა შეძლო ღირსეული გამარჯვება. ვირჯინიის შტატში მცხოვრები ქვიარები, განსაკუთრებით კი, ტრანსგენდერი ადამიანები და მათი ოჯახის წევრები იმედით უყურებენ დანიკა როემის სენატორად არჩევას. აქტივისტები კი მიიჩნევენ, რომ ტრანსგენდერი ქალის გამარჯვება ნიშნავს ანტი-ლგბტქი პოლიტიკის დასუსტებას.
მიმდინარე კვირის განმავლობაში როემის გარდა ვირჯინიის შტატის საკანონმდებლო ორგანოში კიდევ რვა ქვიარ კანდიდატი იქნა არჩეული.
გამოყენებული მასალა: https://www.nbcnews.com/nbc-out/out-politics-and-policy/danica-roem-become-virginias-1st-transgender-state-senator-rcna124175
