გეი გაცნობის აპლიკაციის, Romeo-ს მომხმარებლები მზად არიან უკრაინელი დევნილების დასახმარებლად

რუსეთის უკრაინაში შეჭრის შემდეგ გეი გაცნობის აპლიკაცია Romeo-ში შეიქმნა ჯგუფი – Shelter for Ukraine (თავშესაფარი უკრაინისთვის). ჯგუფში ძალიან სწრაფად შეგროვდა ათასობით ადამიანი.

ჯგუფის შექმნის მიზანი იმ ადამიანების გაერთიანება იყო, რომლებიც სხვა უსაფრთხო ქვეყნებში ცხოვრობენ და მზად არიან, დაეხმარონ უკრაინელ დევნილებს საცხოვრებელი ადგილითა და სხვა საჭიროებებით.

გეი გაცნობის აპლიკაციის მომხმარებლები მზად არიან, გაიარონ მრავალი კილომეტრი, რათა საზღვრებზე დახვდნენ როგორც უკრაინელ დევნილებს, ასევე იმ რუსებს, რომლებიც ეწინააღმდეგებიან ომს და გაურბიან პუტინის მთავრობას.

გაცნობის აპლიკაციის სპიკერი Queerty-სთან ინტერვიუში ამბობს: ,,როცა გავიგეთ უკრაინის დაბომბვის შესახებ, როგორც ბევრ სხვას, ჩვენც გაგვიჩნდა სურვილი, რამე გაგვეკეთებინა და დავხმარებოდით უკრაინელ ხალხს. ჩვენ ვართ ინტერნაციონალური გუნდი სხვადასხვა ეროვნების ადამიანით, ბევრ ჩვენგანს განუცდია ომი და ჩაგვრა. ადამიანების დაკავშირება ჩვენი საქმეა, ჩვენ ბევრი ვიფიქრეთ, როგორ შეგვეძლო ჩვენი პლატფორმის გამოყენება გაჭირვებაში მყოფი ადამიანების იმ ადამიანებთან დასაკავშირებლად, ვისაც დახმარება შეუძლია”.

აპლიკაციის წარმომადგენელმა ასევე თქვა, რომ ,,დღეს უამრავი მამაკაცი რჩება უკრაინაში და აგრძელებს სამშობლოსთვის ბრძოლას. Romeo-ს მომხმარებლები არ სთავაზობენ დახმარებას მხოლოდ გეი მამაკაცებს, ისინი მზად არიან, შეიფარონ მათი მშობლები, დები, შვილები”.

Romeo, იგივე PlanetRomeo, გეი გაცნობის აპლიკაციაა, რომელიც 2002 წელს შეიქმნა ბერლინში და მისი მიზანი გეი მამაკაცების ერთმანეთთან დაკავშირებაა. აპლიკაცია თავდაპირველად მხოლოდ გერმანიაში ფუნქციონირებდა, დღესდღეობით, ის მრავალ ქვეყანაშია ხელმისაწვდომი, მათ შორის, საქართველოში.

 

წინა

უკრაინის მხარდაჭერა ლგბტქი ადამიანების დასაცავად უმნიშვნელოვანესია – GLAAD

შემდეგი

ქალთა საერთაშორისო დღის წარმოშობის ისტორია

ბოლო სიახლეები

რუსული ტერორისტული რეჟიმი ადამიანების წინააღმდეგ

FacebookTweetLinkedInEmail საქართველოში დემოკრატია შეიძლება გადაიხედოს და ბოლო ათწლეულში დამყარებული დღის წესრიგი 2024 წლის წინასაარჩევნო პერიოდში კიდევ

რუსული კანონის წინააღმდეგ დაგეგმილი აქციების განრიგი საქართველოს მასშტაბით

FacebookTweetLinkedInEmail რუსული კანონის წინააღმდეგ მოქალაქეები ყოველდღე იკრიბებიან სხვადასხვა ლოკაციებზე. უწყვეტი აქციების ფონზე გთავაზობთ სტუდენტებისა და ორგანიზაციების

არავის დავტოვებთ მარტო უსამართლობის პირისპირ

FacebookTweetLinkedInEmail წელს მსოფლიოს მასშტაბით 17 მაისის წამყვანი გზავნილი ერთობისკენ მოწოდებაა, რადგან მხოლოდ ერთმანეთის მიმართ სოლიდარობითაა შესაძლებელია

საპროტესტო აქციების განრიგი საქართველოში და ფარგლებს გარეთ

FacebookTweetLinkedInEmail მიმდინარე დღეებში რუსული კანონის წინააღმდეგ აქციებია დაგეგმილი როგორც საქართველოს სხვადასხვა ქალაქში, ასევე ქვეყნის ფარგლებს გარეთაც.