ახალი ჰობი ფხიზელი ცხოვრებისთვისა და რეაბილიტაციისთვის

ფსიქოაქტიური ნივთიერებების (ნიკოტინი, ალკოჰოლი, ბენზოდიაზეპინის ჯგუფის მედიკამენტები, სხვა ნარკოტიკული საშუალებები) მოხმარების აშლილობისგან გამოჯანმრთელება ხანგრძლივი პროცესია. ამ გზაზე, ნივთიერებების მოხმარებისგან თავშეკავება, სიფხიზლის შენარჩუნება გრძელვადიან პერსპექტივაში ყველაზე რთულ ამოცანას წარმოადგენს. 

ერთ-ერთი მეთოდი, რომლის მეშვეობით ადამიანები ახერხებენ საკუთარი თავის მხარდაჭერას რეაბილიტაციის პროცესში, ესაა სასარგებლო ჰობის ათვისება. ამის შესაძლებლობა არის სტაციონარული მკურნალობის პერიოდშიც და შემდგომ, როდესაც პაციენტები უბრუნდებიან ჩვეული ცხოვრების რითმს, სამსახურს და ყოველდღიურ მოვალეობებს. შესაძლოა ძალიან სასარგებლო იყოს ახალი ჰობის შესახებ ინფორმაციის მიღება, რადგან ახალი საინტერესო საქმიანობა ეხმარება ადამიანებს აირიდონ ნივთიერებების მოხმარების რეციდივი. 

ადიქციის დაძლევა პროცესია

რეაბილიტაცია, აღდგენა, ხანგრძლივი პროცესია, რომელიც მკურნალობით იწყება. ცხადია, ადიქციის მქონე ადამიანების საჭიროებები, ასევე მკურნალობის მიზნები ძალიან განსხვავდება. თერაპიაც შესაბამისად უნდა იყოს შერჩეული. აღკვეთის სინდრომის, ძლიერი ლტოლვის და უკონტროლო იმპულსების მქონე ადამიანები საჭიროებენ სტაციონარულ თერაპიას, ნაკლებად მძიმე სიმპტომების შემთხვევაში შესაძლებელია ამბულატორიული მკურნალობა. 

ჰობის როლი რეაბილიტაციის პროცესში

მიუხედავად იმისა, თუ მკურნალობის რა ეტაპზეა ადიქციის მქონე ადამიანი, ახალი ჰობის ათვისება ყოველთვის კარგი იდეაა. რეაბილიტაციის გზაზე, ჰობი უმნიშვნელოვანეს რესურსს წარმოადგენს შემდეგი მიზეზების გამო:

  • ჰობი ეხმარება ადიქციის მქონე ადამიანს შეავსოს გამოთავისუფლებული დრო, რომელსაც ადრე მოხმარებაზე ხარჯავდა. 
  • ჰობი ხელს უწყობს თავის ტვინის დაჯილდოვების სისტემის გადახალისებას და დაბალანსებული მდგომარეობის აღდგენას. ნორმალიზდება დოპამინისა და სერატონინის გამომუშავება, ბრუნდება მარტივი საქმიანობით განპირობებული სიხარულის და ბედნიერების შეგრძნებები. 
  • ჰობი შეიძლება იქცეს სტრესისა და ცხოვრებისეული სირთულეების დაძლევის კარგ საშუალებად ფსიქოაქტიური ნივთიერებების მოხმარების სანაცვლოდ. 
  • ჰობის საშუალებით შესაძლებელია ინტერესების მიხედვით სოციალიზაცია, ახალი ნაცნობების, მეგობრების შეძენა. შედეგად კი იზოლაციის, მარტოობის განცდის შემცირება. 

ზოგი ადამიანი იბნევა, როდესაც ჰობის არჩევაზე იწყებს ფიქრს. სინამდვილეში, თუ კარგად დავფიქრდებით, მათი რიცხვი ამოუწურავია და აქ მხოლოდ ნაწილს შემოგთავაზებთ:

ფიზიკური აქტივობები:

  • მარტივი ვარჯიში
  • ფეხით სიარული 
  • სპორტულ კლუბში მონაწილეობა
  • იოგას კლასი
  • ცეკვა

სოციალური აქტივობები:

  • მოხალისეობრივი ჩართულობა ადგილობრივ ორგანიზაციებში
  • სიფხიზლის ჯგუფებში მონაწილეობა
  • ლიტერატურულ კლუბში მონაწილეობა
  • თვითდაცვის ტრენინგის გავლა
  • მუსიკალურ, სპორტულ ღონისძიებაზე დასწრება
  • კულინარიული შეჯიბრის მოწყობა

სოლო აქტივობები

  • მადლიერების დღიურის წარმოება
  • შემოქმედებითი პოტენციალის აღმოჩენა (ხატვა, ძერწვა, ქსოვა, კერვა და ა. შ.)
  • ონლაინ ტრენინგის გავლა
  • მებაღეობა (თუნდაც მეგობრის აგარაკზე საკუთარი ძალებიც ცდა)
  • გაცნობიერების მედიტაცია
  • ბუნების შემეცნება
  • მოგზაურობის დაგეგმვა
  • ახალი წიგნის წაკითხვა
  • ახალ ინსტრუმენტზე დაკვრის სწავლა
  • ოთახის რეორგანიზაცია

ძალიან მნიშვნელოვანია, ჰობის ძიების პროცესში გავითვალისწინოთ საკუთარი ტრიგერები და ზედმეტად არ გამოვიწვიოთ თავი. ამასთან, ჰობი უნდა იყოს გამოჯანმრთელების სახალისო ნაწილი. ჰობი არა მხოლოდ რეციდივის არიდებაში დაგვეხმარება, არამედ გამოჯანმრთელებას ახალ საზრისს შესძენს.

 

გამოყენებული მასალა: NEW HOBBIES FOR SOBER LIVING IN ADDICTION RECOVERY, Authentic Recovery Center

წინა

პაკო – პირველ რიგში, რასაც აქ გრძნობ ესაა თავისუფლება

შემდეგი

ლუის რუბიალესს თანხმობის გარეშე კოცნის გამო უფლებამოსილება შეუჩერეს

ბოლო სიახლეები

რუსული კანონის წინააღმდეგ დაგეგმილი აქციების განრიგი საქართველოს მასშტაბით

FacebookTweetLinkedInEmail რუსული კანონის წინააღმდეგ მოქალაქეები ყოველდღე იკრიბებიან სხვადასხვა ლოკაციებზე. უწყვეტი აქციების ფონზე გთავაზობთ სტუდენტებისა და ორგანიზაციების

არავის დავტოვებთ მარტო უსამართლობის პირისპირ

FacebookTweetLinkedInEmail წელს მსოფლიოს მასშტაბით 17 მაისის წამყვანი გზავნილი ერთობისკენ მოწოდებაა, რადგან მხოლოდ ერთმანეთის მიმართ სოლიდარობითაა შესაძლებელია

საპროტესტო აქციების განრიგი საქართველოში და ფარგლებს გარეთ

FacebookTweetLinkedInEmail მიმდინარე დღეებში რუსული კანონის წინააღმდეგ აქციებია დაგეგმილი როგორც საქართველოს სხვადასხვა ქალაქში, ასევე ქვეყნის ფარგლებს გარეთაც.

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი