//

ამერიკის ფსიქოლოგთა ასოციაციის (APA) მხარდამჭერი დოკუმენტი ტრანსგენდერი ადამიანების სასარგებლოდ

28 თებერვალს ამერიკის ფსიქოლოგთა ასოციაციამ (APA) მიიღო მნიშვნელოვანი გადაწყვეტილება, მხარი დაუჭიროს ტრანსგენდერი და არაბინარული ადამიანების გენდერის დადასტურების პროცედურას, რაც მოიცავს ემპირიულ და მტკიცებულებაზე დაფუძნებულ ინკლუზიურ ზრუნვას.

აშშ-ს რამდენიმე შტატში აიკრძალა ახალგაზრდა ტრანსგენდერი ადამიანების გენდერის დადასტურების პროცედურები, რაც მოიცავს სამედიცინო, საკანონდებლო, სოციალური და ფსიქოლოგიური პროცედურების ერთობლიობას, რომლებიც განსაზღვრავს ადამიანის გენდერული იდენტობის მიღებისა და დადასტურების პროცესს.

ამერიკის ფსიოქლოგთა ასოციაციის ხელმძღვანელი სინტია დე ლას ფუენტესი აცხადებს, რომ ფსიქოლოგთა ასოიციაციის გადაწყვეტილება, მხარი დაუჭიროს ტრანსგენდერ და არაბინარულ ადამიანებს, არის გზავნილი იმ სამთავრობო უწყებისა და თანამდებობის პირების მიმართ, რომლებიც უგულებელყოფენ ადამიანების საბაზისო საჭიროებებს. სამედიცინო და ფსიქოლოგიური მხარდაჭერა აუცილებელია იმ ადამაინებისთვის, ვინც გადის ტრანზიციის და გენდერის დადასტურების პროცესს, ხოლო ინკლუზიური ზრუნვის აკრძალვა დიდ ზიანს მიაყენებს მათ ჯანმრთელობას და ცხოვრების ხარისხს.

ამერიკის ფსიქოლოგთა ასოციაციის მიერ შემუშავებული დოკუმენტი, რომელიც მხარს უჭერს არაბინარული და ტრანსგენდერი ადამიანების გენდერის დადასტურების ზრუნვას, მოიცავს შემდეგ პუნქტებს:

  •  აუცილებელია ახალგაზრდა ტრანსგენდერებს ჰქონდეთ ხელმისაწვდომობა სამედიცინო დახმარებაზე. დაუშვებელია სამედიცინო სერვისების აკრძალვა.
  • აუცილებელია ტრანსგენდერ/არაბინარულ ადამიანებს ჰქონდეთ ფსიქოლოგიური დახმარების ხელმისაწვდომობა და დაუშვებელია მსგავსი სერვისების აკრძალვა, რადგან ეს ეწინააღმდეგება ადამიანის ძირითად უფლებებსა და თავისუფლებას, იყოს ჯანმრთელი და მიიღოს შესაბამისი სერვისები.
  • ტრანსგენდერ ადამიანად ყოფნა არ არის გამოწვეული აუტისტური სპექტრის ან პოსტ ტრავმული სტრესის შედეგად. გენდერის დადასტურების პროცედურებზე ხელმისაწვდომობის აკრძალვა ხდება შეცდომაში შემყვანი ნარატივის გავრცელებით, როგორიცაა ტრასნგენდერი ადამიანების წარმოჩენა, როგორც ძლიერო სტრესის ან ძალადობის შედეგად გამოწვეული მდგომარეობის.
  • დისკრიმინაცია იწვევს ტრასნგენდერი ადამიანების ჯანმრთელობისა და სიცოხლის ხარისხის გაუარესებასა და სუიციდის გაზრდილ რისკებს. ასევე, საფრთხეს უქმნის ტრანსგენდერი/არაბინარული ადამიანების ოჯახის წევრების ჯანმრთელობასა და ცხოვრების ხარისხს.

ამჟამად აშშ-ს 20-ზე მეტ შტატში აკრძალული ან შეზღუდულია გენდერის დადასტურების პროცედურები და შესაბამისი სერვისები.

 

წინა

პირადი ცხოვრების ხელყოფის ფაქტზე ორი კაცი დააკავეს

შემდეგი

წიგნის “ცისფერი – ქვიარ ამბავი ქართულ ხელოვნებაში” პრეზენტაცია ჩაიშალა

ბოლო სიახლეები

რუსული ტერორისტული რეჟიმი ადამიანების წინააღმდეგ

FacebookTweetLinkedInEmail საქართველოში დემოკრატია შეიძლება გადაიხედოს და ბოლო ათწლეულში დამყარებული დღის წესრიგი 2024 წლის წინასაარჩევნო პერიოდში კიდევ

რუსული კანონის წინააღმდეგ დაგეგმილი აქციების განრიგი საქართველოს მასშტაბით

FacebookTweetLinkedInEmail რუსული კანონის წინააღმდეგ მოქალაქეები ყოველდღე იკრიბებიან სხვადასხვა ლოკაციებზე. უწყვეტი აქციების ფონზე გთავაზობთ სტუდენტებისა და ორგანიზაციების

არავის დავტოვებთ მარტო უსამართლობის პირისპირ

FacebookTweetLinkedInEmail წელს მსოფლიოს მასშტაბით 17 მაისის წამყვანი გზავნილი ერთობისკენ მოწოდებაა, რადგან მხოლოდ ერთმანეთის მიმართ სოლიდარობითაა შესაძლებელია

საპროტესტო აქციების განრიგი საქართველოში და ფარგლებს გარეთ

FacebookTweetLinkedInEmail მიმდინარე დღეებში რუსული კანონის წინააღმდეგ აქციებია დაგეგმილი როგორც საქართველოს სხვადასხვა ქალაქში, ასევე ქვეყნის ფარგლებს გარეთაც.