არიანა დებოუსიმ ოსკარის 94-ე დაჯილდოების ცერემონიაზე მეორეხარისხოვანი როლის შესრულებისთვის ოსკარი მოიგო და პირველი ფერადკანიანი ქვიარ ქალი გახდა, რომელმაც ამ ჯილდოს მოპოვება შეძლო, ასევე ის არის მეორე ლათინოამერიკელი მსახიობი ქალი, რომელსაც ეს პატივი
გუშინ, 12 მარტს, ოსკარების 95-ე ცერემონია გაიმართა, რომელზე ნომინირებულ არაერთ ფილმშიც ლგბტქი პერსონაჟები და თემები მნიშვნელოვან როლს ასრულებდნენ. მოდით, მიმოვიხილოთ ამ წლის ქვიარ ნომინაციები და გამარჯვებულები. Everything Everywhere All At Once — 11 ნომინაცია, 7 გამარჯვება საუკეთესო ფილმის კატეგორიაში გამარჯვებული
ამერიკის კინოაკადემიამ ოსკარის ნომინანტთა სრული სია დღეს გამოაქვეყნა. დაჯილდოება კი 27 მარტს, დოლბის თეატრში შედგება. ოსკარის წლევანდელ ცერემონიაზე, ყველაზე მეტი, 12 ნომინაცია, ქვიარ გრძნობების
გუშინ, 12 მარტს, ოსკარების 95-ე ცერემონია გაიმართა, რომელზე ნომინირებულ არაერთ ფილმშიც ლგბტქი პერსონაჟები და თემები მნიშვნელოვან როლს ასრულებდნენ. მოდით, მიმოვიხილოთ ამ წლის ქვიარ ნომინაციები და გამარჯვებულები.
საუკეთესო ფილმის კატეგორიაში გამარჯვებული „Everything Everywhere All At Once“ პირველი ფილმია, რომელშიც ქვიარ ქალი პერსონაჟი ერთ-ერთ წამყვან როლს ასრულებს და რომელმაც აკადემიის ყველაზე მნიშვნელოვანი ჯილდო მოიპოვა. წლების განმავლობაში, საუკეთესო ფილმის კატეგორიაში გამარჯვებულ ფილმებში არაერთხელ ყოფილა ნაგულისხმევი ან მინიშნებული ქვიარ ქალ პერსონაჟებზე, მაგალითად, მის დენვერსი 1940 წლის ფილმში „რებეკა“, მატრონ მამა მორტენი 2002 წლის „ჩიკაგოში“ და კლერის სტერლინგი 1991 წლის ფილმში „კრავთა დუმილი“. თუმცა, „Everything Everywhere All At Once“ ამ კატეგორიის პირველი გამარჯვებულია, რომელშიც ქვიარ ქალი პერსონაჟი ღიად ფიგურირებდა და მისი ქვიარობა ფილმის სიუჟეტის მნიშვნელოვანი ნაწილი იყო.
სტეფანი სიუს განსახიერებული პერსონაჟი ჯოი ვონგი / ჯობუ ტუპაკი არის ფილმის მთავარი პერსონაჟების, ეველინ ვონგის (მიშელ იო), და ვეიმონდ ვონგის (კე ჰიუ კვანი) გეი ქალიშვილი. სტეფანი სიუმ ნომინაცია მოიპოვა მეორეხარისხოვანი როლის შემსრულებელი საუკეთესო ქალი მსახიობის კატეგორიაში, რომელიც საბოლოოდ მის კოლეგასთან, ჯეიმი ლი კერტისთან, დათმო.
სიუ ქვიარ თემის წარმომადგენელია და მას რამდენჯერმე ღიად უსაუბრია საკუთარ იდენტობაზე. Out-თან ინტერვიუში მან განაცხადა: „როდესაც სცენარი წავიკითხე, ქვიარ სიყვარულის ამბავი იმდენად აშკარად ვიგრძენი და აზიური ოჯახიც ჩემთვის იმდენად აშკარა იყო, რადგან ეს ასევე ჩემი ცხოვრებაცაა“. ოსკარებმა სიუ ასევე შეიყვანა თავის სიაში „15 ლგბტქ+ რეჟისორი და მსახიობი დიდი პოტენციალით“.
ფილმმა ჯამში ოსკარზე 11 ნომინაცია მოიპოვა და მათგან 7-ში მოიგო. ეს მეორე შემთხვევაა, როდესაც ქვიარ ფილმმა საუკეთესო ფილმის კატეგორიაში გაიმარჯვა — პირველი იყო ფილმი „Moonlight“ 2016 წელს.
დარენ არონოფსკის დრამა „The Whale“ მოგვითხრობს ჭარბწონიანი გეი კაცის შესახებ, რომელსაც მწვავე დეპრესია აქვს. მთავარი როლის შემსრულებელმა ბრენდან ფრეიზერმა ამ როლისთვის კრიტიკოსების აღიარება და ოსკარი მოიპოვა. ჰონგ ჩაუ ნომინაციას დასჯერდა მეორეხარისხოვანი როლის შემსრულებელი საუკეთესო მსახიობი ქალის კატეგორიაში, ფილმმა კი კიდევ ერთი ოსკარი მოიპოვა საუკეთესო გრიმისა და ვარცხნილობის კატეგორიაში.
თუმცა, აღსანიშნავია, რომ ფრეიზერის პერსონაჟი მაყურებლისთვის საკამათო აღმოჩნდა და ბევრმა გააკრიტიკა ის, თუ როგორ იყენებდა „The Whale“ ჭარბწონიან კოსტიუმს და მთავარი პერსონაჟის ქვიარობას.
წელს 6 ნომინაცია, მათ შორის საუკეთეო ფილმის კატეგორიაში, მოიპოვა ასევე ფილმმა „Tár“, რომლის მთავარ როლშიც ლესბოსელი პერსონაჟი იყო. კეიტ ბლანშეტის განსახიერებული ლიდია ტარი ცნობილი დირიჟორია, რომელიც ძალაუფლებასა და ავტორიტეტს ბოროტად იყენებს, თუმცა ფილმი „Tár“ საკმარისად ჭკვიანია საიმისოდ, რომ პერსონაჟის ქვიარობა მისი ქმედებების მიზეზად არ აქციას და, ამის ნაცვლად, უბრალოდ წარმოჩენილია ადამიანი, რომელიც თან ქვიარია.
აღსანიშნავია, რომ სარა პოლის ფილმმა „Women Talking“, რომელშიც ერთ-ერთი საკვანძო ტრანსი პერსონაჟის როლს ტრანსი კაცი (ოგუსტ ვინტერი) ასრულებდა, საუკეთესო ადაპტირებული სცენარის კატეგორიაში მოიგო და ნომინაცია მოიპოვა საუკეთესო ფილმის კატეგორიაში.
წელს გაგა კიდევ ერთხელ დაუბრუნდა ოსკარებს და აკადემიის ჯილდოზე ნომინაცია მეოთხედ მოიპოვა. პოპ-სუპერვარსკვლავი საუკეთესო ორიგინალური სიმღერის კატეგორიაში უკვე მესამედ ნომინირდა — ამჯერად „Top Gun: Maverick-ისთვის“ შექმნილი სიმღერით „Hold My Hand“. შეგახსენებთ, რომ ბისექსუალმა მომღერალმა აკადემიის ჯილდო რამდენიმე ცერემონიის წინ მიიღო სიმღერისთვის „Shallow“ ფილმიდან „A Star Is Born“.
საუკეთესო საერთაშორისო ფილმის კატეგორიაში ნომინაცია მოიპოვა ბელგიურმა ფილმმა „Close“, რომელიც ორი ახალგაზრდა ბიჭის ისტორიას გვიყვება. ფილმში დიდი როლი ეთმობა ჰომოფობიისა და სუიციდის თემებს, რაც მას ამ წლის ერთ-ერთ ყველაზე სევდიან ფილმად აქცევს.
საუკეთესო ადაპტირებული სცენარის კატეგორიაში ნომინირდა „Knives Out-ის“ სიქველი „Glass Onion: A Knives Out Mystery“, რომელშიც ქვიარ მომღერალი და მსახიობი ჟანელ მონე შეუერთდა დენიელ კრეიგს, რომელიც გეი დეტექტივის, ბენუა ბლანკის, როლს ასრულებს.
საუკეთესო სრულმეტრაჟიანი დოკუმენტური ფილმის კატეგორიაში ნომინაცია მოიპოვა ფილმმა „All the Beauty and the Bloodshed“, რომელიც მოგვითხრობს ფოტოგრაფისა და აქტივისტის, ნან გოლდინის, ისტორიას და მის ბრძოლას ძლევამოსილი საკლერის ოჯახის წინააღმდეგ. წლების წინ გამოქვეყნებულ ინტერვიუში გოლდინმა განაცხადა, რომ ის პანსექსუალია.
წლევანდელი ოსკარის ქვიარ ნომინანტებიდან ტონი კუშნერი იყო ერთადერთი, რომელსაც გამარჯვების ორი შანსი ჰქონდა. ის ფილმის „The Fabelmans“ თანასცენარისტი და თანაპროდიუსერია, ფილმი კი, სხვა ნომინაციებს შორის, ასევე საუკეთესო ფილმის და საუკეთესო ორიგინალური სცენარის კატეგორიაში ნომინირდა.
კუშნერი, რომელიც ღიად გეი კაცია და დაქორწინებულია ჟურნალისტ მარკ ჰერისზე, უკვე ოთხჯერ იყო ოსკარზე ნომინირებული.
საუკეთესო მოკლემეტრაჟიანი Live Action ფილმის კატეგორიაში ნომინირებული იყო ნორვეგიული მოკლემეტრაჟიანი ფილმი „Night Ride“, რომელიც მოგვითხრობს ტრანსი ქალის ისტორიას, რომლის ცხოვრებაც მოულოდნელად იცვლება ტრავმაით მგზავრობისას. „Night Ride“ ერთადერთი ქვიარ მოკლემეტრაჟიანი ფილმი იყო წელს ნომინირებულებს შორის.
ქვიარ ნომინანტების წლევანდელი სია ცხადყოფს, რამდენად დიდი გზა გაიარა ლგბტქი ადამიანებისა და თემების წარმოჩენამ კინემატოგრაფიაში და ჯერ კიდევ რამდენად დიდი გზა აქვს გასავლელი. ისეთი ფილმები, როგორებიცაა Tár და Everything Everywhere All at Once ნათლად აჩვენებს, როგორ შეუძლიათ კარგად დაწერილ ქვიარ პერსონაჟებს, გასცდნენ სტერეოტიპებს.
წყარო: Autostraddle, Buzzfeed, Metroweekly, Advocate
არიანა დებოუსიმ ოსკარის 94-ე დაჯილდოების ცერემონიაზე მეორეხარისხოვანი როლის შესრულებისთვის ოსკარი მოიგო და პირველი ფერადკანიანი ქვიარ ქალი გახდა, რომელმაც ამ ჯილდოს მოპოვება შეძლო, ასევე ის არის მეორე ლათინოამერიკელი მსახიობი ქალი, რომელსაც ეს პატივი ხვდა წილად.
პირველი ლათინოამერიკელი ოსკაროსანი ქალი რიტა მორენო გახდა 60 წლის წინ, იმავე როლის შესრულებისთვის, რომლითაც არიანა დებოუსიმ გაიმარჯვა. არიანა დებოუსიმ ოსკარი სტივენ სპილბერგის West Side Story-ში შესრულებული როლისთვის მოიპოვა, რომელიც 1961 წლის ფილმის ხელახალი ადაპტაციაა.
„წარმოიდგინეთ პატარა გოგო ფორდ ფოკუსის უკანა სავარძელეზე, ჩახედეთ თვალებში: თქვენ ხედავთ ქვიარს, ღიად ქვიარ ფერადკანიან ქალს, აფრო-ლათინას, რომელმაც სასიცოცხლო ძალა ხელოვნებაში იპოვა. და, ვფიქრობ, აქ სწორედ იმისთვის ვართ, რომ ეს ვიზეიმოთ. და, ასე რომ, ყველას, ვისაც ოდესმე საკუთარ იდენტობასთან დაკავშირებით კითხვები გაგჩენიათ ან თვლით, რომ გარდამავალ რეალობაში ცხოვრობთ, პირობას გაძლევთ: ამ სამყაროში ჩვენთვის ადგილი არის“, – აღნიშნა მსახიობმა ჯილდოს მიღებისას.
ამერიკის კინოაკადემიამ ოსკარის ნომინანტთა სრული სია დღეს გამოაქვეყნა. დაჯილდოება კი 27 მარტს, დოლბის თეატრში შედგება.
ოსკარის წლევანდელ ცერემონიაზე, ყველაზე მეტი, 12 ნომინაცია, ქვიარ გრძნობების შესახებ გადაღებულმა ვესტერნმა – The Power of the Dog-მა მოიპოვა, ფილმის რეჟისორი ჯეინ კემპიონი კი პირველი ქალი გახდა, რომელიც საუკეთესო რეჟისორის ტიტულისთის მეორედ იბრძოლებს.
საუკეთესო ფილმის კატეგორიაში წარდგენილნი არიან: Belfast; CODA; Don’t Look Up; Drive My Car; Dune; King Richard; Licorice Pizza; Nightmare Alley; The Power of the Dog და West Side Story.
საუკეთესო რეჟისორის კატეგორიაში კი ისეთ სახელოვან რეჟისორებთან ერთად, როგორიც სტივენ სპილბერგი და პოლ თომას ენდერსონი არიან, პირველად ნომინირებულ რეჟისორებსაც შევხვდებით.
საუკეთესო რეჟისორის ტიტულისთვის იბრძოლებენ: კენეტ ბრანა; რიუსუკე ჰამაგუჩი; პოლ თომას ენდერსონი; ჯეინ კემპიონი და სტივენ სპილბერგი.
მამაკაცის მთავარი როლის საუკეთესოდ შესრულებისთვის ნომინირებულები არიან: ხავიერ ბარდემი; ბენედიქტ კამბერბეჩი; ენდრიუ გარფილდი; უილ სმიტი და დენზელ უოშინგტონი.
ქალის მთავარი როლის საუკეთესო შესრულებისთვის უკვე ნომინირებულ მსახიობებთან ერთად ბისექსუალ მსახიობ კრისტენ სტიუარტსაც ვიხილავთ, რომლისთვისაც ეს პირველი ნომინაციაა, დანარჩენი ნომინანტები ჯესიკა ჩესტეინი, ოლივია კოლმანი, პენელოპე კრუზი და ნიკოლ კიდმანი არიან.
მამაკაცის მეორეხარისხოვანი როლის საუკეთესოდ შესრულებისთვის, იბრძოლებენ: კირიან ჰაინდსი, ტროი კაცორი, ჯეს პლემონსი, ჯ.კ. სიმონსი და კოდი სმიტ-მაკფი.
პირველი ნომინაცია იქნება ღიად ქვიარი არიანა დებოსესთვისაც, რომელიც ქალის მეორეხარისხოვანი როლის საუკეთესო შესრულებისთვის არის წარდგენილი, სხვა ნომინანტები კი ჯესი ბაკლი, ჯუდი დენჩი, კირსტენ დანსტი და ანჟანუ ელისი არიან.
ყველაზე მოულოდნელი ანიმაციური ფილმების კატეგორიაა, რომელშიც 3 ანიმაციური ფილმი ასახავს ქვიარ გამოცდილებებს, მათ შორის, ავღანელი ემიგრანტის შესახებ გადაღებული Flee, რომელიც საუკეთესო დოკუმენტური ფილმის და საუკეთესო საერთაშორისო ფილმისთვისაც არის წარდგენილი, სხვა ნომინანტები Encanto; Luca; The Mitchells vs. the Machines და Raya and the Last Dragon არიან.
ოსკარის ნომინანტთა სრული სიის ნახვას დაჯილდოების საიტზე შეძლებთ.
