GLAAD-ის ახალი კვლევის მიხედვით, რომელიც სატელევიზიო სივრცეში ლესბოსელი, გეი, ბისექსუალი, ტრანსგენდერი და ქვიარ პერსონაჟების რეპრეზენტაციას ეხება, ლგბტქი პერსონაჟების გამოცდილებების ასახვამ რეკორდულ ნიშნულს (11.9%) მიაღწია. კვლევის შედეგები „პრაიმტაიმ“ (საღამოს 8 საათიდან 11 საათამდე
ახალი კვლევის მიხედვით ლგბტქი ინკლუზიური ფილმები კინოგაქირავებაში ბევრად დიდ წარმატებას აღწევენ. კვლევის ფარგლებში 4126 ფილმის შემოსავალი შეისწავლეს, რომლითაც დადგინდა, რომ ლგბტქი ფილმები ან ფილმები, რომლებშიც ქვიარ პერსონაჟებიც გვხვდებიან, ბევრად მაღალშემოსავლიანები არიან. „ჩვენი მიგნების თანახმად, ლგბტქი ინკლუზიურ ფილმებს 29%-ით უფრო მაღალი
სცენარისტი, რეჟისორი და მსახიობი, სერიალ Black-ish-ის შემქმნელი, კენია ბარისი Warner Bros.-თან თანამშრომლობით 1939 წლის საკულტო ფილმის, The Wizard of Oz-ის (ოზის ჯადოქარი) ახალი ვერსიის
სცენარისტი, რეჟისორი და მსახიობი, სერიალ Black-ish-ის შემქმნელი, კენია ბარისი Warner Bros.-თან თანამშრომლობით 1939 წლის საკულტო ფილმის, The Wizard of Oz-ის (ოზის ჯადოქარი) ახალი ვერსიის გადაღებას აპირებს. მისი თქმით, განახლებული ფილმი 21-ე საუკუნის გამოწვევებსა და სოციალურ ცვლილებებს ასახავს და ლგბტქი პერსონაჟების რეპრეზენტაციასაც ვიხილავთ.
“ორიგინალი ვერსია იმდროინდელი მდგომარეობის, მათ შორის, დიდი დეპრესიის ალეგორია იყო. ახლა ყურადღებას მივმართავთ ლგბტქი მრავალფეროვნებისკენ. მათ შორის, კულტურული განსხვავებებისა და სოციო-ეკონომიკური ფონის ასახვას ვეცდებით. მოვყვებით ამბავს, რომელიც მსოფლიოს ირეკლავს. ვფიქრობ, ახლა საუკეთესო დროა ამის გასაკეთებლად”, — აღნიშნა ბარისმა Variety-ისთან საუბრისას.
კენიას თქმით, საკულტო ფილმის ახალი ვერსიის გადაღება საპასუხისმგებლო საქმეა და იმედი აქვს, რომ მისი ფილმი “ისეთივე დაუვიწყარი იქნება, როგორიც ორიგინალია”.
აღსანიშნავია, რომ The Wizard of Oz-ის კიდევ ერთი ვერსიის გადაღებას New Line Cinema გეგმავს, რომლის რეჟისორიც ნიკოლ კასელი იქნება.
ახალი კვლევის მიხედვით ლგბტქი ინკლუზიური ფილმები კინოგაქირავებაში ბევრად დიდ წარმატებას აღწევენ. კვლევის ფარგლებში 4126 ფილმის შემოსავალი შეისწავლეს, რომლითაც დადგინდა, რომ ლგბტქი ფილმები ან ფილმები, რომლებშიც ქვიარ პერსონაჟებიც გვხვდებიან, ბევრად მაღალშემოსავლიანები არიან.
„ჩვენი მიგნების თანახმად, ლგბტქი ინკლუზიურ ფილმებს 29%-ით უფრო მაღალი შემოსავალი აქვთ, ვიდრე იმ ფილმებს, რომლებიც ქვიარ გამოცდილებებს არ ასახავენ. 2019 წლის ლგბტქი ინკლუზიური ფილმების საერთაშორისო შემოსავალმა $42 მილიარდი შეადგინა“, – აღნიშნავს იამინ ჩენგი, კვლევის ხელმძღვანელი.
კვლევამ ასევე დაადგინა, რომ ლგბტქი ფილმები, რომლებიც სრულად არიან ორიენტირებული ქვიარ გამოცდილებების ასახვაზე ნაკლებ შემოსავალს მოიპოვებენ. ამის მიზეზი ის არის, რომ ინკლუზიური ფილმები ბევრად დიდ აუდიტორიასთან ახერხებენ კავშირის დამყარებას.
GLAAD-ის ახალი კვლევის მიხედვით, რომელიც სატელევიზიო სივრცეში ლესბოსელი, გეი, ბისექსუალი, ტრანსგენდერი და ქვიარ პერსონაჟების რეპრეზენტაციას ეხება, ლგბტქი პერსონაჟების გამოცდილებების ასახვამ რეკორდულ ნიშნულს (11.9%) მიაღწია. კვლევის შედეგები „პრაიმტაიმ“ (საღამოს 8 საათიდან 11 საათამდე საეთერო დრო) შოუების შესწავლას ეყრდნობა.
ამასთან, 2021-2022 წლების სატელევიზიო ეთერში შოუების ძირითად შემადგენლობაში ლესბოსელ პერსონაჟებს (40%) ხშირად ვხვდებით, რაც ტელევიზიის ისტორიაში პირველად აღემატება გეი პერსონაჟების ოდენობას. 42-მდე გაიზარდა ტრანსგენდერი პერსონაჟების რიცხვი, რაც წინა კვლევის მონაცემებს 13-ით აღემატება. 637 ლგბტქი პერსონაჟიდან 183 ბისექსუალია.
GLAAD-ის ბოლო კვლევა ბევრად მასშტაბურია და ფარავს Amazon-ს, Hulu-ს, Netflix-ს, Apple TV+-ს, Disney+-ს, HBO Max-ს, Paramount+-ს, Peacock-ს, სხვა სტრიმინგ პლატფორმებსა და სატელევიზიო არხებს. კვლევის მიხედვით, ლგბტქი პერსონაჟების რეპრეზენტაციით სატელევიზიო არხებიდან CW (17,1%) ლიდერობს, მეორე ადგილზე Fox-ია (13,3%), მესამეზე კი ABC (12,5%).
სტრიმინგ სერვისებზე რეპრეზენტაციით ისევ გეი პერსონაჟები ლიდერობენ 33%-ით, ამას ბი+ პერსონაჟები მოსდევენ – 32%-ით და ლესბოსელი პერსონჟები – 27%-ით. სტრიმინგ პლატფორმებიდან ლგბტქი პერსონაჟები ყველაზე მრავლად Netflix-ის შოუებში გვხვდებიან, მომდევნო კი HBO Max-ია, რომელსაც Amazon და Hulu მოჰყვებიან.
სატელევიზიო არხების 775 ძირითადი როლის შემსრულებლების მეოთხედი შავკანიანია, რაც ისტორიული მაქსიმუმია, ლათინოამერიკელი პერსონაჟები კი 8%-ს შეადგენენ, აზიელი პერსონაჟების რიცხვი სულ რაღაც 7%-ია.
კვლევამ შშმ პირების რეპრეზენტაციაც შეისწავლა. აღმოჩნდა, რომ რეგულარული პერსონჟების მხოლოდ 2,8%-ია შეზღუდული შესაძლებლობების მქონე, რაც მნიშვნელოვნად ჩამორჩება რეალური პოპულაციის მაჩვენებელს. მიმდინარე სატელევიზიო სეზონში მხოლოდ 2 აივ-დადებითი პერსონაჟი გვხვდება.
წყარო: TVLine
