მას შემდეგ, რაც ჩილეში თანასწორი ქორწინების კანონი ამოქმედდა, სამოქალაქო ქორწინება პირველად გააფორმა გეი წყვილმა. ხავიერ სილვამ და ხაიმე ნაზარმა ისტორიული საქორწინო ფიცი კათოლიკური ჩილეს დედაქალაქ სანტიაგოში დადეს. წყვილი ქორწინებაზე 6 წლის განმავლობაში
პირველი თანასწორი ქორწინება ჩილეში
მას შემდეგ, რაც ჩილეში თანასწორი ქორწინების კანონი ამოქმედდა, სამოქალაქო ქორწინება პირველად გააფორმა გეი წყვილმა. ხავიერ სილვამ და ხაიმე ნაზარმა ისტორიული საქორწინო ფიცი კათოლიკური ჩილეს დედაქალაქ სანტიაგოში დადეს. წყვილი ქორწინებაზე 6 წლის განმავლობაში ოცნებობდა – მათ სურდათ, თავიანთი შვილების, 20 თვის კლემენტესა და 4 თვის ლოლას სრულუფლებიანი მშობლები გამხდარიყვნენ, რაც კონსერვატიული სამხრეთ ამერიკის კანონების გამო აქამდე არ შეეძლოთ.
10 მარტს ხავიერსა და ხაიმეს კონსუელო და პაბლაც შეურთდნენ – ლესბოსელი წყვილი, რომელიც BBC-სთან ინტერვიუში ამბობს, რომ მიზეზი ისევ და ისევ მშობლის სტატუსის მიღება იყო. წყვილს 2 წლის შვილი ჯოზეფინა ჰყავს.
მიუხედავად იმისა, რომ ჩილეში ქვიარ წყვილებს შორებს სამოქალაქო პარტნიორობის გაფორმება 2015 წლიდანაა შესაძლებელი, კანონი მაინც არ იყო მორგებული ქვიარ ადამიანების საჭიროებებს, განსაკუთრებით, შვილის ყოლის საკითხებში.
კონსუელოს და პაბლას შვილი ინ-ვიტრო განაყოფიერებით შეეძინათ და კანონმა ბავშვის მშობლად მხოლოდ პაბლა მიიჩნია, რაც ნიშნავს, რომ თუ ოდესმე წყვილი დაშორდება, კონსუელო მეურვეობას დაკარგვას.
ლგბტქი უფლებების ჯგუფის, Fundacion Iguales თანახმად, ჩილეში 300-მდე ქვიარ ოჯახია, რომლებიც ამ კანონის ამოქმედებას და შვილებზე კანონიერი უფლების მოპოვებას ელოდებოდნენ.
,,დღეიდან ჩილეში არიან ქმარი და ქმარი, ცოლი და ცოლი”, – წერს ტვიტერზე Movilh, ლგბტქი უფლებების წამყვანი ორგანიზაცია ჩილეში.
2021 წლის დასაწყისში ჩილეს ყოფილმა პრეზიდენტმა, სებასტიან პინიერამ, თანასწორი ქორწინების ანგარიში დააჩქარა, რომელსაც 4 წლის განმავლობაში განიხილავდა ჩილეს კონგრესი. მან თქვა, რომ ჩილემ აუცილებლად უნდა უზრუნველყოს ყველა ადამიანის თავისუფლებისა და ღირსების დაცვა. კანონი საბოლოოდ 2021 წლის დეკემბერში დამტკიცდა და ამით ჩილე მსოფლიოში 31-ე და ლათინურ ამერიკაში მე-8 ქვეყანა გახდა, რომელმაც თანასწორი ქორწინების იდეას დაუჭირა მხარი.
Don't Miss
წელს ლივერპული უკრაინის სახელით კიევის ყოველწლიურ პრაიდის მსვლელობას უმასპინძლებს, ხოლო ქალაქის მარში უკრაინელ ორგანიზატორებთან KyivPride-თან ერთად გაიმართება. ამჟამად კიევში მსვლელობის
“დაიცავი გამოხატვის თავისუფლება” – ამ სახელწოდებით დღეს, 3 ივნისს, 21:00 საათზე პარლამენტთან საპროტესტო აქცია გაიმართება. აქციის მონაწილეები გუშინ ღამით განვითარებულ
თბილისი პრაიდის ინფორმაციით, კვირეული 1-8 ივლისს ჩატარდება და მოიცავს პოლიტიკური, კულტურული და აკედემიური ხასიათის დახურულ ღონისძიებებს, მათ შორის საერთაშორისო ლგბტქი
საქართველოს კინემატოგრაფიის ეროვნულმა ცენტრმა გაგა ჩხეიძის დირექტორობით ჩატარებული კინოფესტივალი, შესაძლოა, აღარ დააფინანსოს. ცენტრის უკმაყოფილება გამოიწვია გოეთეს ინსტიტუტის სტატიამ, რომელშიც, ცენტრის