სამხრეთ კორეის უზენაესმა სასამართლომ სამხედრო სასამართლოს გადაწყვეტილება დაგმო, რომლითაც გეი ჯარისკაცები სამხედრო ბაზის გარეთ სქესობრივი კავშირისთვის დამნაშავედ სცნეს. უზენაესი სასამართლოს განმარტებით, გადაწყვეტილება სცდებოდა სამხედრო კანონმდებლობაში „სოდომის ცოდვის“ ჩარჩოებს, რომელსაც სამოქალაქო ჯგუფები აქტიურად
სამხრეთ კორეის უზენაესმა სასამართლომ სამხედრო სასამართლოს გადაწყვეტილება დაგმო, რომლითაც გეი ჯარისკაცები სამხედრო ბაზის გარეთ სქესობრივი კავშირისთვის დამნაშავედ სცნეს. უზენაესი სასამართლოს განმარტებით, გადაწყვეტილება სცდებოდა სამხედრო კანონმდებლობაში „სოდომის ცოდვის“ ჩარჩოებს, რომელსაც სამოქალაქო ჯგუფები აქტიურად აკრიტიკებენ.
უზენაესის გადაწყვეტილება, რომ საქმე შეიარაღებული ძალების სასამართლოსთვის განსახილველად კიდევ ერთხელ გადაეცათ, ადამიანის უფლებებზე მომუშავე ჯგუფებმა მოიწონეს. აქტივისტები ქვეყნის მიერ 1962 წელს მიღებულ კანონმდებლობას დიდი ხანია აპროტესტებენ, რომელიც სამხრეთ კორეის კაცების სიმრავლით გამორჩეულ შეიარაღებულ ძალებში გეი სექსს კრძალავს.
კანონმდებლობით ჯარისკაცებს შორის „ანალური სქესობრივი კავშირი“ და „ნებისმიერი სხვა მიუღებელი აქტი“ ორ წლამდე პატიმრობით ისჯება. მოსამართლის მსჯელობის თანახმად, არასამუშაო საათებში ნებაყოფლობით სექსზე შეზღუდვები არ უნდა ვრცელდებოდეს.
„ის იდეები, რომლებიც მიუღებლად ითვლებოდა, დროის და საზოგადოების ცვლილებასთან ერთად შეიცვალა. ხედვა, რომ კაცებს შორის სქესობრივი კავშირი დამამცირებელი და ამორალურია, წინააღმდეგობაში მოდის ჩვენი დროის მორალურ სტანდარტებთან და მისაღები არ არის“, — აღნიშნა უზენაესი სასამართლოს მოსამართლემ.
სასამართლომ მოგვიანებით პრესრელიზიც გაავრცელა, რომელშიც აღნიშნულია, რომ გადაწყვეტილება მნიშვნელოვანია, რადგან „მიუთითებს, რომ ერთი და იმავე სქესის სამხედრო მოსამსახურეებს შორის ნებაყოფლობითი სექსი დასჯადი აღარ უნდა იყოს“.
ისტორიული საქმე ლეიტენანტსა და სერჟანტს შორის არსამუშაო დროს სქესობრივ კავშირს შეეხებოდა. 2017 წლის საქმე ერთ-ერთია, სულ მცირე, ცხრა ჯარისკაცის საქმისგან, რომლებსაც „არმიის მიერ გეი კაცებზე აგრესიული თავდასხმა“ უწოდეს.
სამხრეთ კორეულმა სასამართლომ გასული წლის ოქტომბერში ტრანსგენდერი ჯარისკაცის წინააღმდეგ არაკანონიერი დისკრიმინაციაც დაადგინა. ჯარისკაცი ჯარიდან ქირურგიული ოპერაციის გაკეთების გამო გაათავისუფლეს. სასამართლომ გადაწყვეტილება მას შემდეგ მიიღო, რაც ჯარისკაცი საკუთარ სახლში გარდაცვლილი იპოვეს.
წყარო: abc News
Don't Miss
თემიდა ქვიარ-აქტივისტური, ტრანს* სათემო ორგანიზაციაა, რომელიც ორგანიზდება, მუშაობს და იბრძვის ტრანს* და ქვიარ ადამიანებისთვის უსაფრთხო, თანასწორი და ღირსეული პოლიტიკური, უფლებრივი
თბილისი პრაიდი არის ლგბტქი ადამიანებისა და მხარდამჭერების სამოქალაქო გაერთიანება. ორგანიზაცია ყოველწლიურად ატარებს პრაიდ კვირეულს თბილისში, პოლიტიკურ დღის წესრიგში აყენებს ლგბტქი საკითხებს,
ქალთა ფონდი საქართველოში 2005 წლიდან არსებობს და მისი მისიაა ქალთა ორგანიზაციებისა და ჯგუფების გაძლიერება ცენტრსა და რეგიონებში ქალთა უფლებების განხორციელების,
თბილისი პრაიდმა და საქართველოს დემოკრატიულმა ინიციატივამ (GDI) ერთობლივი ღონისძიება გამართეს, რომლის მიზანიც პროექტ აქტივიზმის სკოლა ლგბტქი+ თემის გაძლიერებისათვის შედეგების შეჯამება და დაინტერესებული პირებისათვის წარდგენა