მიუხედავად იმისა, რომ პანდემიამ ცნობილი თინეიჯერული სერიალის, Euphoria-ს მეორე სეზონის გამოსვლა მნიშვნელოვნად შეაყოვნა, ის მაყურებელთან შესახვედრად უკვე მზად არის.
სერიალის ოფიციალური თრეილერი 2021 წლის 20 დეკემბერს გამოვიდა სლოგანით – “REMEMBER THIS FEELING”
https://www.youtube.com/watch?v=JdwZwrs8Qt0
იპოვის თუ არა რუ ბედნიერებას? თუ გავითვალისწინებთ მის ბრძოლას ნარკოდამოკიდებულებასთან და ყურადღებას თრეილერზე გავამახვილებთ, ეს ნაკლებად მოსალოდნელია.
ბუნებრივია, რომ მაყურებლის საყვარელი პერსონაჟები მეორე სეზონში ისევ გამოჩნდებიან და გარდა ამისა, მსახიობთა ჯგუფს ახალი სახეებიც დაემატა.
პირველსა და მეორე სეზონებს შორის არსებული ინტერვალის შესამცირებლად, დამატებით ორი „სპეციალური კოვიდ ეპიზოდიც“ გამოუშვეს (2020 წლის 6 დეკემბერსა და 2021 წლის 24 იანვარს), რომელშიც მთავარი პერსონაჟები, რუ და ჯულსი მონაწილეობენ.
ახალი სეზონის პირველი სერიის პრემიერა HBO Max-ზე გუშინ შედგა.
