2021 წლის 26 ივნისს, სტამბულის პრაიდი პოლიციამ დაარბია და ქვიარ ადამიანებს შეკრებისა და გამოხატვის თავისუფლება შეუზღუდა. თურქეთში განვითარებულმა მოვლენებმა პოზიტიური ცვლილებაც მოიტანა და თურქი ქვიარ ადამიანების წინაშე არსებულ გამოწვევებზე მსოფლიო ალაპარაკდა, რაც ერთი ვირუსული ვიდეოს დამსახურებით მოხდა.
ლიანა გეორგიევა, რომელიც პრაიდზე იმყოფებოდა, პოლიციის კორდონს მიუძღოდა წინ და მიმართავდა: „პატარავ, ვერ ხედავ, ქუსლიანი ფეხსაცმელი მაცვია. როგორ ვივლი? როგორ და ნელა”. ვიდეო პრაიდის მონაწილეთა მშვიდ დემონსტრაციასა და პოლიციის ზეწოლას ზედმიწევით კარგად ასახავს.
თვეების შემდეგ, გეორგიევამ ვიდეოს ინსპირაციით სიმღერა ჩაწერა და აღნიშნა, რომ სიმღერით LGBTQI+ თემისთვის სიყვარულის ჩვენება სურდა.
„გეი ჰიმნის დაწერის სურვილი იმიტომ გამიჩნდა, რომ ჩემი თემისთვის სიყვარული ამეხსნა, მეთქვა, რამხელა იმედს და ძალას მაძლევენ, ასევე იმის დაფიქსირებაც მსურდა, რომ ვირუსული ვიდეო მე არ მეხება, ყველას გვეხება – ყველაფერს სიყვარულისთვის და თავისუფლად არსებობისთვის ვაკეთებთ“, – აღნიშნა სიმღერის გამოსვლისას მომღერალმა.
