პანსექსუალების საერთაშორისო დღე და მათი დროშის ისტორია

8 დეკემბერი პანსექსუალების საერთაშორისო დღეა.

პანსექსუალობა ბისექსუალობისგან იმით განსხვავდება, რომ ადამიანებს, რომლებიც თავს ბისექსუალებად აიდენტიფიცირებენ, ემოციურად და ფიზიკურად მხოლოდ ორი სქესი იზიდავთ, ხოლო პანსექსუალი ადამიანი რომანტიკულ, სექსუალურ, სულიერ და ფიზიკურ ლტოლვას განიცდის ნებისმიერი სქესისა და იდენტობის მქონე ადამიანის მიმართ. „პანსექსუალი“ მომდინარეობს ბერძნული პრეფიქსიდან „პან“, რაც  „ყველას“ ნიშნავს. ტერმინი 90-იან წლებში გაჩნდა, მაგრამ აქტუალური მოგვიანებით გახდა.

პანსექსუალების დროშა სამი ჰორიზონტალური ზოლისგან შედგება – ვარდისფერი, ყვითელი და ლურჯი. ვარდისფერი მდედრობით სქესს აღნიშნავს; ყვითელი წარმოადგენს მათ, ვინც თავს აიდენტიფიცირებს როგორც გენდერქვიარი, არაბინარული, აგენდერი, ანდროგინი;  ხოლო ლურჯი მამრობითი სქესის აღმნიშვნელია. ცნობილია, რომ დროშა ინტერნეტში 2010 წლისთვის გამოჩნდა და მას შემდეგ ინარჩუნებს პოპულარობას.

დღესდღეობით, ბევრი პანსექსუალი ადამიანი „გენდერულად ბრად“ მოიხსენიებს თავს, როდესაც საქმე სხვების მიმართ მათ რომანტიკულ ან სექსუალურ მიზიდულობას ეხება. პანსექსუალობამ საზოგადოება დააფიქრა იმაზე, თუ როგორ ვუყურებთ გენდერს, სექსუალობას, რომანტიზმს და გვიბიძგა, შეგვექმნა მეტი სივრცე, სადაც ნებისმიერი ჩვენგანი კომფორტულად იგრძნობდა თავს.

ბოლო წლებში ტერმინი  უფრო თვალსაჩინო გახდა, რადგან ისეთმა ცნობილმა სახეებმა, როგორებიც, მაგალითად, მაილი საირუსი და კარა დელევინი არიან, თავიანთ პანსექსუალობაზე საჯაროდ განაცხადეს.

წინა

ჩილემ ერთი და იმავე სქესის წყვილების ქორწინება დაუშვა

შემდეგი

სერიალი Queer as Folk 20 წლის შემდეგ ეკრანებზე ბრუნდება

ბოლო სიახლეები

სექსტინგი, ანუ ინტიმური სექს-მიმოწერა — რა უნდა ვიცოდეთ?

FacebookTweetLinkedInEmail ტერმინი „სექსტინგი“ არის სიტყვების „სექსი“ და „ტექსტინგი“ (ანუ „მიმოწერა“) გაერთიანება. სექსტინგი (ასევე „კიბერსექსი“ ან „ვირტუალური სექსი“) არის

რას ნიშნავს „პანსექსუალი“? — განმარტება, ისტორია და ქამინგაუთი

FacebookTweetLinkedInEmail „პანსექსუალი“ არის ტერმინი, რომელიც აღნიშნავს ადამიანს, რომელსაც რომანტიკული, სექსუალური ან ემოციური მიზიდულობა აქვს სხვა ადამიანების