შეერთებულმა შტატებმა პირველი გენდერულად ნეიტრალური პასპორტი გასცა.
განმცხადებლებს საშუალება ეძლევათ, თავად აირჩიონ სქესი და აღარ მოეთხოვებათ სამედიცინო სერტიფიკატის წარდგენა, თუ მათი სქესი არ ემთხვევა სხვა საიდენტიფიკაციო დოკუმენტებში მითითებულ სქესს.
სახელმწიფო დეპარტამენტმა არ გაასაჯაროვა პასპორტის მიმღების ვინაობა, მაგრამ კოლორადოს შტატში, ფორტ კოლინზში მცხოვრებმა დანა ზიმმა, Associated Press-ს სატელეფონო ინტერვიუში განუცხადა, რომ ეს მისი პასპორტი იყო.
ზიმი, რომელიც გენდერულად ნეიტრალურ ნაცვალსახელს იყენებს, 2015 წლიდან იბრძოდა, რომ გენდერულად ნეიტრალური პასპორტი მიეღო. ის ამბობს, რომ ამით ინტერსექსი ადამიანების მომავალ თაობას დაეხმარება, მოიპოვონ აღიარება, როგორც სრულუფლებიანმა მოქალაქეებმა.
