შოტლანდია ოფიციალურად გახდა მსოფლიოში პირველი ქვეყანა, რომელმაც გამოიყენა სავალდებულო ლგბტქ+ სასწავლო გეგმა სკოლებში. პედაგოგებს აქვთ წვდომა ვებგვერდზე, რომელიც სთავაზობს მათ ელექტრონული სწავლების კურსს ლგბტქ+ თემებთან დაკავშირებით. ასევე, ინკლუზიური გაკვეთილების გეგმებსა და დამხმარე საგანმანათლებლო მასალებს.
გაკვეთილები მოიცავს ლგბტქ+ თემასთან დაკავშირებულ ისეთ საკითხებს, რომელიც ყოველდღურ სწავლებაშიც გამოიყენება, მაგალითად: ერთ-ერთი მათემატიკური სავარჯიშოს შინაარსია ის, რომ ახალგაზრდა გოგონა ყიდულობს ბარათებს თავისი ორი მამისთვის.
აღნიშნული სასწავლო გეგმის შემუშავება განაპირობა ლგბტქ+ ადვოკატირების ჯგუფის – “Time for Inclusive Education”-ს (TIE) ძალისხმევამ, რომელიც შოტლანდიის პარლამენტში ინკლუზიური სწავლებას წარმატებით ლობირებდა. 2017 წელს შოტლანდიის მთავრობამ შექმნა ე.წ. ,,ლგბტ ინკლუზიური განათლების სამუშაო ჯგუფი”, რომელიც შედგებოდა TIE-სა და რამდენიმე სხვა ლგბტქ+ ადვოკატირების ჯგუფისგან, რომლის მიზანი იყო, ხელი შეეწყო სკოლებში ინკლუზიის გაღრმავებისთვის.
შოტლანდიამ ბოლო თვეების განმავლობაში სხვა მნიშვნელოვანი ნაბიჯებიც გადადგა ლგბტქ+ სტუდენტების მდგომარეობის გასაუმჯობესებლად. მთავრობამ შეიმუშავა რეკომენდაციების სახელმძღვანელო, რომლის მიხედვითაც სკოლებმა უნდა მიიღონ გენდერულად ნეიტრალური ჩაცმის წესები და ნება დართონ ტრანს მოსწავლეებს, გამოიყენონ მათ მიერ არჩეული სახელები, ნაცვალსახელები და საპირფარეშოები. ეს რეკომენდაციები არ არის სავალდებულო და ნებაყოფლობითია.
შოტლანდიის მაგალითს სხვა ქვეყნებიც მიჰყვებიან. 2018 წელს უელსმა გამოაცხადა, რომ 2022 წლისთვის შეიმუშავებს ლგბტქ+ თემზე მორგებულ განათლების სასწავლო გეგმას. აშშ-ში შვიდმა შტატმა (კალიფორნია, ნიუ ჯერსი, ნევადა, ილინოისი, ორეგონი, კონექტიკუტი და კოლორადო) მიიღო შოტლანდიის მსგავსი სასწავლო გეგმა, რომელიც განამტკიცებს ლგბტქ+ ადამიანების უფლებებს სკოლებში და ხელს შეუწყობს ბულინგის შემცირებას.
წყარო: them.us
