ლგბტქი არასამთავრობო ორგანიზაცია თანასწორობის მოძრაობა აღმასრულებელი დირექტორის პოზიციაზე ვაკანსიას აცხადებს. ამ დროისთვის ორგანიზაციის აღამსრულებელი დირექტორი დავით კახაბერია. თანასწორობის მოძრაობის ახალი აღმასრულებელი დირექტორი მუშაობას 2023 წლის ივლისიდან, 6-თვიანი გამოსაცდელი ვადით დაიწყებს, განაცხადების გაგზავნის ბოლო ვადა კი 10 მარტამდეა.
ვაკანსიის ტექსტის მიხედვით, ორგანიზაციის აღმასრულებელი დირექტორობის კანდიდატები ცოდნის, გამოცდილებისა და უნარ-ჩვევების შესაბამისად შეირჩევიან. კანდიდატებს მოეთხოვებათ:
- მენეჯერულ პოზიციაზე მუშაობის მინიმუმ 2-წლიანი გამოცდილება;
- საერთაშორისო დონორებთან მუშაობის გამოცდილება (დონორების მოძიება, საპროექტო განაცხადების მომზადება, ანგარიშგება და სხვა);
- ლგბტქი+ თემებზე მუშაობის გამოცდილება და თემის საჭიროებების ცოდნა;
- საქართველოსა და საერთაშორისო პოლიტიკური მდგომარეობისა და ლგბტქი+ ადამიანების უფლებრივი მდგომარეობის შესახებ ინფორმირებულობა;
- ინგლისური და რუსული ენის მაღალ დონეზე ცოდნა;
- საოფისე კომპიუტერული პროგრამების ცოდნა;
- ლგბტქი+ აქტივიზმში მოღვაწეობის გამოცდილება;
- კონკრეტული და ნათელი დავალებების გაცემა;
- პრიორიტეტების განსაზღვრა და მათი სწორი დელეგირება;
- სწორი და დროული გადაწყვეტილებების მიღება და მოქნილობა;
- თანამშრომლების პროფესიულ თუ კარიერულ განვითარებაზე ზრუნვა;
- გუნდის საქმიანობის მკაფიო ხედვა და მისი განვითარების სტრატეგია;
- ლგბტქი+ თემის საჭიროებებისა და მდგომარეობის შესახებ სპიკერობა.
თანასწორობის მოძრაობის მიერ გამოქვეყნებული ვაკანსიის მიხედვით, ორგანიზაციის აღმასრულებელი დირექტორის ფუნქცია-მოვალეობებში იქნება:
- ორგანიზაციის წარდგენა დაინტერესებულ მხარეებთან/მესამე პირებთან ურთიერთობისას;
- საჭიროების შემთხვევაში ეროვნულ და საერთაშორისო ღონისძიებებში მონაწილეობა;
- ორგანიზაციის თანამშრომლების მართვა და მათი საქმიანობის მონიტორინგი;
- დირექტორთა საბჭოსთან ერთად ორგანიზაციის თანამშრომლების დანიშვნა/გათავისუფლება;
- დირექტორთა საბჭოსთან ერთად დონორების მოძიება და საპროექტო განაცხადების მომზადება;
- ორგანიზაციის საქმიანობის შესახებ ანგარიშების მომზადება და საპროექტო ანგარიშგების პროცესში ჩართულობა;
- პროექტების ფარგლებში განსაზღვრული აქტივობების წარმატებით განხორციელების მონიტორინგი;
- ორგანიზაციის გამგეობასა და დონორებთან ანგარიშგება.
განცხადებების გადარჩევის შემდეგ, შერჩეული კანდიდატები გასაუბრების ეტაპზე გადავლენ. აღმასრულებელი დირექტორის ვაკანსიის სრულად ნახვას თანასწორობის მოძრაობის საიტზე შეძლებთ.
