1974 წელს დონა დირი, სამხედრო მოსამსახურე ქალი შეხვდა პაულეტ გრინს, მის სახლში, ნიუ იორკში და ეს იყო საბედისწერო შეხვედრა. მიუხედავად იმისა, რომ ამ პერიოდში ორივე ურთიერთობაში იმყოფებოდა, დიდი დრო არ დასჭირვებიათ ერთად ყოფნისთვის. მათ იცხოვრეს წლების განმავლობაში ჯერ აზიაში, შემდეგ კი კვლავ შეერთებულ შტატებში, მერილენდში.
წყვილი ამჟამად მერილენდის ფერმაში ცხოვრობს, სახლში, სადაც ოდესღაც პაულეტის ბებია-ბაბუა ცხოვრობდა. სახლს დიდი ხნის ისტორია აქვს. ზუსტად ამ სახლში ოდესღაც ცნობილმა შავკანიანმა აქტივისტმა ქალმა – ჰარიეტ ტაბმენმა მისი ოჯახი და მეგობრები მონობიდან იხსნა.
ამჟამად დონა და პაულეტის ცხოვრების ისტორიაზე მოკლემეტრაჟიან დოკუმენტურ ფილმს იღებენ. რეჟისორები პაულეტის დისშვილები არიან, ფერმერი, აქტივისტი და არტისტი Jeannine Kayembe-Oro და არტისტი Charlyn Griffith-Oro. ფილმში მოთხრობილია როგორც წყვილის ისტორია და ჰარიეტ ტაბმენის მემკვიდრეობა, ასევე ფერმაში წყვილის მიერ მიმდინარე მნიშვნელოვანი სამუშაოები, რაც კლიმატის ცვლილებების შემცირებისკენ არის მიმართული. ფილმის სახელწოდებაა “The Aunties: From the North Star to the Poplar.”
“შავკანიან ქვიარებზე და მითუმეტეს, შავკანიან ქვიარ კლიმატის აქტივისტებზე არც თუ ისე ბევრი ისტორიაა ცნობილი”- ამბობს რეჟისორი. Jeannine Kayembe-Oro მიიჩნევს, რომ დონა და პაულეტის შესახებ დოკუმენტური ფილმი ბევრი ქვიარისთვის იქნება ინსპირაცია. “ვინც ხშირად ეკითხება საკუთარ თავს – როგორი შეიძლება იყოს ჩემი მომავალი, ვფიქრობ, იპოვის პასუხებს” – ამბობს რეჟისორი.
წყარო: https://www.them.us/story/the-aunties-doc-harriet-tubmans-farm
