მსახიობმა ჯენა ორტეგამ Harper’s Bazaar-თან ინტერვიუში ისაუბრა, როგორ უჭირდა როლების მიღება იმის გამო, რომ არ შეესაბამებოდა ჰოლივუდში დამკვიდრებულ სილამაზის სტანდარტებს. მისი სამსახიობო კარიერა პატარა ასაკიდან დაიწყო და მსახიობის თქმით, ჰოლივუდში ბევრი არჩევანი არ ჰქონდა. ან კინოგმირის შვილის, ან მისი ბავშვობის როლი უნდა შეესრულებინა. ლათინური წარმოშობის მსახობისთვს კი ეს ორი არჩევანიც შეზღუდული იყო.
მიუხედავად ჯენა ორტეგას ამჟამინდელი პოპულარობისა, მსახიობი ამბობს, რომ ბავშვობიდან დღემდე სამსახიობო კარიერის შექმნაში ბევრი შრომა დასჭირდა და ამ გზაზე მენტალური ჯანმრთრელობის შენარჩუნებაზე მუდმივი ზრუნვა უწევდა. ასევე თვლის, რომ არაფერს შეცვლიდა მის გარეგნობაში მხოლოდ იმიტომ, რომ მეტად ადვილად დაემტკიცებინათ ამათუიმ როლზე, ჰოლივუდში. “არ მინდა ახალგაზრდა გოგოებმა ფილმის ყურებისას იფიქრონ, რომ საჭიროა მათ გარეგნობაში ცვლილება, რათა თავი ლამაზად ან ღირებულად იგრძნონ”- ამბობს მსახიობი.
გამოყენებული წყარო:
https://www.thepinknews.com/2023/11/15/jenna-ortega-hollywood-beauty-standards/
