ჯგუფური თერაპია – თერაპიის მეთოდია, რომლის მეშვეობით ადიქციის მქონე ადამიანები დაისწავლიან აღდგენისა და სარეაბილიტაციო სტრატეგიებს, აუმჯობესებენ ინტერპერსონალური ურთიერთობების უნარებს, ანვითარებენ მხარდამჭერ სოციალურ კავშირებს. თერაპიული ჯგუფი, როგორც წესი, 6-12 ადამიანისგან შედგება და 1-2 თერაპევტს ხვდება.
ამერიკის შეერთებული შტატების ნივთიერებათა ავადმოხმარების და მენტალური ჯანმრთელობის სერვისების ადმინისტრაცია განმარტავს, რომ ნივთიერებების მოხმარების აშლილობის Substance Use Disorder (SUD) სამკურნალო პროგრამების 93% მოიცავენ ჯგუფურ თერაპიას (Substance Abuse and Mental Health Services Administration [SAMHSA], 2020). აღნიშნული უწყების მიერ შემუშავებულია პროტოკოლი SAMHSA’s Treatment Improvement Protocol (TIP), რომელიც მოიცავს ჯგუფური თერაპიის მიზნებს, მიდგომებს, პროცესებს და სასურველ შედეგებს.
ჯგუფური თერაპია უზრუნველყოფს ძლიერ სოციალურ მხარდაჭერას, ამცირებს იზოლაციასა და სტიგმას, ხელს უწყობს მონაწილეებში სირთულეების დაძლევის სტრატეგიების დასწავლას (Wendt & Gone, 2017; Wenzel et al., 2012).
ჩნდება სულ უფრო მეტი მტკიცებულება, რომ ჯგუფური თერაპია ხარჯთეფექტურია, აღწევს დასახულ მიზნებს, ამცირებს მონაწილეებში ფსიქოსომატურ სიმპტომებს და დისტრესს, ხელს უწყობს ნივთიერებების მოხმარებისგან თავშეკავებას, ამცირებს ნივთიერებების მოხმარების სიხშირეს და სარისკო მოხმარების პრაქტიკას (Burlingame et al., 2016; LoCoco et al., 2019; Olmstead et al., 2019; Sobell & Sobell, 2011; Sobell et al., 2009).
გამოყენებული ლიტერატურა: GROUP THERAPY IN SUBSTANCE
USE TREATMENT (SAMSA Advisory)
