Morgan Hill-Murphy

ქვიარ ძალით შთაგონებული სასიყვარულო წერილი — ქვიარ კამპანია This is Love

სოციალური მედიის მენეჯერი და მსახიობი იელიტა ალი, რომელიც ცნობილია ფილმებიდან Weirdos და The Whole Truth, ქვიარ კამპანიაში „ეს არის სიყვარული“ ჩაერთო, რომელიც კელვინ კლაინის პარტნიორობით Gay Times-თან ერთად ხორციელდება. იელიტამ ჟურნალის წერილების ბოლო სერიაში, სახელწოდებით “შეძენილი ოჯახი”, ბავშვობის საუკეთესო მეგობარს, ემილის სასიყვარულო წერილი მიუძღვნა.

„შეძენილი ოჯახის მნიშვნელობით შთაგონებული, Gay Times მწერლებზე, მხატვრებსა და მეოცნებეებზე ფიქრობდა, რომლებიც განუყოფელ როლს ასრულებენ იმ მშვენიერი კონტენტის შექმნაში, რომელსაც ქვიარ საზოგადოებას ყოველდღიურად ვაწვდით“ — წერს მსახიობი საკუთარ ინსტაგრამზე და მადლობას იხდის, რომ შესაძლებლობა მიეცა, ამ კამპანიის ნაწილი ყოფილიყო.

Morgan Hill-Murphy

Gay Times ლგბტქი ონლაინ ჟურნალია, რომელშიც 2021 წელს იელიტა ალი უმცროს კრეატიულ დირექტორად მუშაობდა.

„იელიტა ალი ენერგიული და შემოქმედებითი ინტელექტია. მასთან ერთად გუნდურ შეხვედრებზე ყოფნა კომფორტისა და თავდაჯერებულობის შესუნთქვას ჰგავდა“ — წერს Gay Times იელიტას შესახებ.

Morgan Hill-Murphy

იელიტა ალი სასიყვარულო წერილში წერს:

„ძვირფასო ემილი,

ბევრი თვალსაზრისით, ვფიქრობ, რომ შენ იყავი პირველი ადამიანი, რომელიც შემიყვარდა. მიუხედავად იმისა, რომ მაშინ ამას ვერ ვამჩნევდი, ჩემმა ნაწილმა იცოდა, რომ ერთმანეთთან ყოველთვის ვიქნებოდით დაკავშირებულნი. ბავშვობაში დიდი ხნის განმავლობაში ვიცოდი ჩემი განსხვავებულობის შესახებ, მაგრამ როგორც ჩვენს მოზარდობაში იყო მიღებული, მთელი ძალით ვცდილობდი, შიშის გამო ჩემი ეს ნაწილები შემეკუმშა და ჩემში დამემარხა. ვაღიარებ, პირველად რომ შეგვხვდი, შენი განსაცვიფრებელი ენერგიით, საკუთარი თავის ურყევი შეგრძნებითა და შიშისმომგვრელი სილამაზით შემაშინე. როცა 14 წლის ხარ, ასეთი შიში თითქოს ყოველთვის ცუდ დამოკიდებულებად ითარგმნება. დიდი ხნის განმავლობაში ვფიქრობდი, რომ ასეც მოხდა, მაგრამ სიმართლე ისაა, რომ ეს ურწმუნოებაში გახვეული მკრთალად დაფარული შური იყო. ვერ ვიჯერებდი, რომ ვინმეს, ასე ახალგაზრდას, იმ დაუცველობისა და მწუხარების გამო, რომელიც ახალგაზრდობასა და დაბნეულობას თან ახლავს, შეეძლო ასეთი უშიშარი ყოფილიყო.

შენ იყავი ერთ-ერთი იმ მცირერიცხოვან ადამიანთაგან, რომელმაც მართლა დამინახა. დაინახა არა ჩემი პროექცია, რომლის არსებობასაც საკუთარ თავს ვაჯერებდი, არამედ ის, ვინც სინამდვილეში ვიყავი. შენ მამაცი ხარ და არა ისე, როგორც ამას ადამიანები არადამაჯერებელი კომპლიმენტივით გამოთქვამენ, არამედ შენი გამბედაობის გამო, რომელიც დამეხმარა, მეც გავმხდარიყავი საკმარისად გამბედავი, საკუთარი თავის ერთგული და ნელ-ნელა გამეადვილებინა იმ ნაწილის მიღება, რომლისაც მრცხვენოდა, მრცხვენოდა მიმეღო და შემეყვარებინა ის. ჩემში, როგორც ზრდასრულ ქვიარში, უამრავი ასპექტია, რომელმაც შენამდე მომიყვანა და წარმოუდგენელი გზა, რომლითაც ჩემი ცხოვრების ტრაექტორია შეცვალე. ვნატრობ, რომ ყველა ქალს ჰქონდეს შეყვარების დაუჯერებელი შესაძლებლობა, შესაძლებლობა შეიყვაროს შენნაირი ადამიანი. სიყვარულით მახსენდება და ვნატრობ შენს სახლში ყოველკვირეულ ვახშამს, ჩვენ მიერ მოკლედ გადმოცემულ ლედი მაკბეტის ეპოქას, ვიხსენებ, როგორ ვატერორებდით სამეცნიერო გაკვეთილებს, რომლებზეც ჩვენი ხმამაღალი ხმებით და უფრო ხმამაღალი მოსაზრებებით შევდიოდით, როგორ ცვიოდა და ცვიოდა შენი გრძელი ყავისფერი თმა, როცა ვიცინოდით. ყველაფერი შენ შესახებ მარადიულია ჩემთვის.

სიყვარულით,

იელიტა“.

წინა

ქვიარ მეგობრული ორგანიზაციები საქართველოში — სია

შემდეგი

15 ქვიარ მწერალი, რომელმაც მსოფლიო ლიტერატურაზე წარუშლელი კვალი დატოვა

ბოლო სიახლეები

სექსტინგი, ანუ ინტიმური სექს-მიმოწერა — რა უნდა ვიცოდეთ?

FacebookTweetLinkedInEmail ტერმინი „სექსტინგი“ არის სიტყვების „სექსი“ და „ტექსტინგი“ (ანუ „მიმოწერა“) გაერთიანება. სექსტინგი (ასევე „კიბერსექსი“ ან „ვირტუალური სექსი“) არის

რას ნიშნავს „პანსექსუალი“? — განმარტება, ისტორია და ქამინგაუთი

FacebookTweetLinkedInEmail „პანსექსუალი“ არის ტერმინი, რომელიც აღნიშნავს ადამიანს, რომელსაც რომანტიკული, სექსუალური ან ემოციური მიზიდულობა აქვს სხვა ადამიანების