სტორმე დელარვერი – ლგბტქი უფლებების დაუმორჩილებელი მცველი

ლგბტქი აქტივიზმს მდიდარი და მრავალფეროვანი ისტორია აქვს. ის შქმნილია გამორჩეული პიროვნებების მიერ, რომლებიც დაუღალავად იბრძოდნენ თანასწორობისა და სამართლიანობისთვის. მიუხედავად იმისა, რომ ზოგიერთი სახელი ცნობილი გახდა, არსებობენ უხსენებელი გმირები, რომელთა წვლილი შეუმჩნეველი რჩება. სტატიაში მოგიყვებით სტორმე დელარვერის შესახებ, მამაცი ფიგურის, რომელმაც მნიშვნელოვანი როლი შეასრულა ლგბტქი უფლებების მოძრაობაში, განსაკუთრებით სტოუნვოლის აჯანყების დროს.

ადრეული ცხოვრება და ვინაობა

სტორმე დელარვერი დაიბადა 1920 წელს შავკანიანი დედისა და თეთრკანიანი მამის ოჯახში. იზრდებოდა ნიუ ორლეანში რასობრივი სეგრეგაციის დროს. სტორმეს ადრეული ასაკიდანვე შეექმნა გამოწვევები საკუთარი იდენტობის ჩამოსაყალიბებლად. მოგვიანებით მან მიიღო საკუთარი იდენტობა, როგორც ბუჩ ლესბოსელი, იპოვა ნუგეში და საზოგადოება ნიუ-იორკის ლგბტქი წრეებში.

სტოუნვოლის აჯანყება

1969 წლის 28 ივნისის საბედისწერო ღამეს, სტოუნუოლ ინნი გრინვიჩ-ვილიჯში, ნიუ-იორკში, გახდა ისტორიული აჯანყების ადგილი პოლიციის შევიწროებისა და დისკრიმინაციის წინააღმდეგ. სტორმე, რეგულარული სტოუნუოლის კლიენტი იყო და ამ ღამესაც, როცა პოლიციამ დაარბია, იქ იმყოფებოდა. სტორმემ წინააღმდეგობა გაუწია დაპატიმრებას, რამაც გამოიწვია რამდენიმედღიანი აჯანყება და პროტესტი.

სტორმეს გადამწყვეტი როლი სტოუნვოლის აჯანყების დროს აღწერილია, როგორც კატალიზატორი, რომელმაც გააძლიერა ლგბტქი საზოგადოება. მისმა გამბედაობამ შთააგონა სხვები ხმა ამოეღოთ ჩაგვრის წინააღმდეგ და გამოიწვია მოძრაობა, რომელიც სამუდამოდ შეცვლიდა ლგბტქი აქტივიზმის ლანდშაფტი.

ლესბოსელების მცველი სოფელში

სტოუნვოლის აჯანყებაში მონაწილეობის გარდა, სტორმე დელარვერი ცნობილი იყო, როგორც სოფელში ლესბოსელების მფარველი და მცველი. სტორმე 6 ფუტის სიმაღლეზე იდგა, პატრულირებდა ქუჩებს და ზრუნავდა თავისი საზოგადოების უსაფრთხოებაზე. შტორმის ეს საქციელი შემაკავებელი ძალა იყო შესაძლო თავდამსხმელებისგან. იგი უსაფრთხოების გრძნობას უქმნიდა მათ, ვისაც ძალადობისა და დისკრიმინაციის ეშინოდა.

წვლილი ლგბტქი აქტივიზმში

სტორმე დელარვერის გავლენა ლგბტქი აქტივიზმზე ბევრად სცდება მის მონაწილეობას სტოუნვოლის აჯანყებაში. სტორმე დრეგ კინგი იყო და თავის ნიჭს იყენებდა ხილვადობის ამაღლებისთვის და დისკრიმინაციის წინააღმდეგ ბრძოლისთვს.

გარდა ამისა, სტორმე ცნობილი იყო ლგბტქი ორგანიზაციებში მონაწილეობით, როგორიცაა Stonewall-ის ვეტერანთა ასოციაცია. აქ სტორმე მუშაობდა მოძრაობის ისტორიის შესანარჩუნებლად. იგი ასევე აქტიურად უჭერდა მხარს გეებისა და ლესბოსელების წინააღმდეგ ძალადობის პროექტს, რომელიც მიეძღვნა ლგბტქი პირების მიმართ ძალადობის წინააღმდეგ ბრძოლას.

მემკვიდრეობა და აღიარება

მიუხედავად მისი გადამწყვეტი როლისა ლგბტქი ისტორიის ჩამოყალიბებაში, სტორმე დელარველი შედარებით უცნობი დარჩა ფართო საზოგადოებისთვის. თუმცა, მისი ცხოვრების შემდგომ წლებში სტორმეს ღვაწლის აღიარება დაიწყეს. 2013 წელს მას მიენიჭა ნიუ-იორკის სიამაყის აღლუმის გრანდიოზული მარშალის პატივი და მისი სახე ლგბტქი უფლებებისთვის ბრძოლასთან დაკავშირებული საკულტუო სურათი გახდა.

სტორმე დელარველი გარდაიცვალა 2014 წელს, 93 წლის ასაკში. მან დატოვა გამძლეობისა და აქტივიზმის ძლიერი მემკვიდრეობა. მისი ურყევი სული და სამართლიანობისადმი უშიშარი ერთგულება კვლავაც შთააგონებს ლგბტქი ინდივიდების თაობებს თანასწორობისთვის მიმდინარე ბრძოლაში.

 

 

 

პუბლიკაციის ავტორი ნინო ვანიშვილი

წინა

“სხვა სახლი” – დოკუმენტური ფილმი ქართველ ქვიარ ემიგრანტებზე

შემდეგი

108 ორგანიზაცია ოცნებას მოუწოდებს, კანდიდატის სტატუსის საბოტაჟი შეწყვიტოს

ბოლო სიახლეები

რუსული კანონის წინააღმდეგ დაგეგმილი აქციების განრიგი საქართველოს მასშტაბით

FacebookTweetLinkedInEmail რუსული კანონის წინააღმდეგ მოქალაქეები ყოველდღე იკრიბებიან სხვადასხვა ლოკაციებზე. უწყვეტი აქციების ფონზე გთავაზობთ სტუდენტებისა და ორგანიზაციების

არავის დავტოვებთ მარტო უსამართლობის პირისპირ

FacebookTweetLinkedInEmail წელს მსოფლიოს მასშტაბით 17 მაისის წამყვანი გზავნილი ერთობისკენ მოწოდებაა, რადგან მხოლოდ ერთმანეთის მიმართ სოლიდარობითაა შესაძლებელია

საპროტესტო აქციების განრიგი საქართველოში და ფარგლებს გარეთ

FacebookTweetLinkedInEmail მიმდინარე დღეებში რუსული კანონის წინააღმდეგ აქციებია დაგეგმილი როგორც საქართველოს სხვადასხვა ქალაქში, ასევე ქვეყნის ფარგლებს გარეთაც.

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი