კვირას, 15 ოქტომბერს, 19:00 საათზე იმართება ღონისძიება “რკინის თეატრში”.
ღონისძიების აღწერაში მითითებულია შემდეგი:
“პოსტდრამატული სამყარო იწყება მტრის განსაზღვრით. მტერი ის კი არაა, ვინც პოსტდრამატულ სამყაროს ემტერება, არამედ ვისი ამოცნობაც თავად ამ სამყაროს აჩენს. ამოცნობილი მტერი არც კლასობრივია და არც რასობრივი, არც ექსპლუატატორია და არც დამპყრობელი, არამედ თავად რეალობაა, თავისი ყველა წესითა და წახნაგით, რომელშიც ყველა ანტაგონისტი მისთვის განსაზღვრულ როლს თამაშობს. ჰაინერ მიულერი ხელოვნების ამოცანად „რეალობის შეუძლებლად ქცევას“ სახავდა. პოსტდრამატულ სამყაროში რეალობის კანონები შეჩერებულია და სცენას ქთონური ძალები იკავებენ, რომლებისთვისაც ნორმა და კანონი უცნობია. სამყარო ანომიის კანონებს მიჰყვება, რომლებიც რეალობას ისეთად აჩვენებენ, როგორიც ის საკუთარ კანონებს მიღმაა.
პოსტდრამატული სამყარო მოიცავს არა მხოლოდ თეატრს, რომელთან მიმართებაშიც ტერმინი „პოსტდრამატული“ გაჩნდა, არამედ ხელოვნების და სააზროვნო რეფლექსიის ყველა იმ სფეროს, რომელიც ხედვისა და გამოსახვის ტრადიციულ და ტრადიციით დადგენილ საზღვრებს არღვევს, აუქმებს ჩვეულ დაყოფას თეორიასა და პრაქტიკას, პროცესსა და პრეზენტაციას, შემოქმედებასა და პროტესტს შორის, თვითონვე ქმნის საკუთარ წესებს და შემდეგ თვითონვე ანგრევს.
ისაუბრებენ:
გიორგი მაისურაძე, ფილოსოფოსი, მწერალი გიორგი ჯამბურია, თეატრის რეჟისორი, დრამატურგი დიმიტრი მამულია, კინოს რეჟისორიეს ღონისძიება ვერ შედგებოდა ხალხის უდიდესი მხარდაჭერის გარეშე, რომელთა დახმარებითაც, „რკინის თეატრი“ მოწესრიგდა. დიდი მადლობა ყველას და გელით სასაუბროდ, აზრთა გასაცვლელად და სასიამოვნო დროის გასატარებლად.
დასწრება თავისუფალია.” – ნათქვამია განცხადების ტექსტში.
