ლგბტქი უკრაინელების ჯგუფმა და მათმა მხარდამჭერებმა კვირას თეთრი სახლის წინ აქცია გამართეს.
ლგბტქი უკრაინელების მშობლებისა და მეგობრების მხარდამჭერი ჯგუფის, Tergo-ს თანადამფუძნებელი ჰელენ გლობა და ადამიანის უფლებათა კამპანიის გლობალური პარტნიორობის დირექტორი ჟან ფრიდბერგი მათ შორის იყვნენ, ვინც სიტყვით გამოვიდა და ამერიკაში მყოფი ლგბტქი უკრაინელების შესახებ ისაუბრა.
აქციის ორგანიზატორებმა ბაიდენის ადმინისტრაციას დროებით დაცულის სტატუსის გახანგრძლივებისაკენ მოუწოდეს ლგბტქი უკრაინელებისთვის, რომლებსაც ამერიკის შეერთებულ შტატებში გამგზავრება შეუძლიათ. სხვა საკითხებთან ერთად გაჟღერდა მოწოდებაც, რომ უკრაინას უკეთესი სამხედრო მხარდაჭერა გამოუცხადონ.
ჰელენ გლობა, 2 მარტს, კიევის გარეუბან ბუჩაში მდებარე ბინიდან, შვილის, ბოგდან გლობას დახმარებით გაიქცა. ისინი რამდენიმე დღეში ბოგდან გლობას ქმართან ერთად პარიზში შეიკრიბნენ და ამის შემდეგ ნიუ-იორკში გაფრინდნენ.
კვირას უკრაინის ხელისუფლებამ რუსი ჯარისკაცები ბუჩადან გასვლის შემდეგ მშვიდობიანი მოსახლეობის გენოციდში დაადანაშაულა. ბუჩადან რუსების მიერ სასტიკად ნაწამები ადამიანების ცხედრების ფოტოები და ვიდეოები გავრცელდა, რომლებსაც ხელები ზურგზე ჰქონდათ შეკრული. გამოვლენილია წამების უფრო სასტიკი დანაშაულებიც.
წყარო: Washington Blade
