კაფე მზიური

კაფე მზიურთან ლგბტქი დროშის ჩამოხსნის მოთხოვნით ულტრა-მემარჯვენე ჯგუფის აქცია მიმდინარეობს

კაფე მზიურმა პრაიდ კვირეულის მხარდაჭერის მიზნით კაფეს ვიტრინაში ლგბტქი დროშა გამოფინა, რასაც ორგანიზებული ძალადობრივი ჯგუფის აქცია მოჰყვა. 30-მდე შეკრებილი, მღვდლების ხელმძღვანელობით, დროშის ჩამოხნსას მოითხოვდა. კაფე მზიურის დამფუძნებლის, ანა გოგუაძის თქმით, ადგილზე ასობით პოლიციელია მობილიზებული და კაფეს ტერიტორიასა და მომსახურე პერსონალის უსაფრთხოებას იცავენ.

„ახლა მზიურთან 300-მდე პოლიციელია მობილიზებული, ფაქტობრივად ჯარია ერთი დროშის გამო. მეუბნებიან, რომ მოვხსნა დროშა, თუმცა ამას არ ვიზამ, პრინციპის ამბავია და დროშა ადგილზე იქნება 3 დღის განმავლობაში. პოლიცია მეუბნება, რომ შემიძლია ტერიტორიის დატოვება. იმედი მაქვს, რომ კაფე მშვიდობით დამხვდება. ძალადობრივი აქციის მონაწილეები ისევ ადგილზე არიან და მღვდლები ქადაგებენ, თუ როგორი გარყვნილების ბუდეა კაფე მზიური“, — აღნიშნავს ანა გოგუაძე.

ანა გოგუაძე ჩვენთან საუბარში იმასაც ამბობს, რომ „ადგილზე დაპირისპირებას ადგილი არ ჰქონია, რადგან კაფეს სტუმრები შეკრებილებს ყურადღებას არ აქცევდნენ და მათთან პოლემიკაში არ შესულან, თუმცა სტუმრების უსაფრთხოების გარანტიებისთვის, ვთხოვე მომხმარებლებს, რომ ტერიტორია დროზე ადრე დაეტოვებინათ. იყო სპეკულაციები, რომ მოხდებოდა შეხლა-შემოხლა, თუმცა სტუმრები ადგილზე აღარ არიან, დროშა ისევ აღმართულია და ასობით პოლიციელია მობილიზებული“.

კაფე მზიურის დამფუძნებელი ამბობს, რომ დროშის ჩამოხსნას არ აპირებენ, „კაფე მზიური ყოველთვის სოლიდარული იყო ნებისმიერი ადამიანის მიმართ“ და ეს ადგილი ყოველთვის იქნება ყველასთვის.

წინა

ალტ-ინფოს საკანონმდებლო ცვლილების მიზნით შექმნილი საინიციატივო ჯგუფი რეგისტრაციაში არ გაატარეს

შემდეგი

თავისუფლებისთვის ბრძოლა არ დასრულებულა — თურქი აქტივისტები პრაიდის მონაწილეთა დაკავებას გმობენ

ბოლო სიახლეები

ჰარი ნეფმა ახალ ფილმში – „BARBIE” მის პერსონაჟს თავად მოუფიქრა გეი ისტორია

FacebookTweetLinkedInEmail ახალ ინტერვიუში, რომელიც ბლოკბასტერული ფილმს Barbie-ის პოპულარიზაციას უწევს, ჰარი ნეფმა მის პერსონაჟზე ისაუბრა. ჰარი ნეფი

სამოქალაქო ორგანიზაციები ბრატისლავის ფორუმზე ღარიბაშვილის განცხადებას გმობენ

FacebookTweetLinkedInEmail სამოქალაქო საზოგადოების ორგანიზაციები GLOBSEC-ის ბრატისლავის ფორუმზე 30 მაისს, საქართველოს პრემიერ-მინისტრის, ირაკლი ღარიბაშვილის მიერ გაკეთებულ განცხადებას

GDI: შსს უხეშად არღვევს ლაზარე გრიგორიადისის მამის შეკრებისა და გამოხატვის უფლებას

FacebookTweetLinkedInEmail საქართველოს დემოკრატიული ინიციატივის (GDI) განცხადებით, შინაგან საქმეთა სამინისტრო მარტის აქციების დროს დაკავებული ლაზარე გრიგორიადისის მამის,