კატო მიქელაძის სახელობის პრემია ქალი უფლებადამცველებისთვის „ქალთა ფონდმა საქართველოში“ 2013 წელს დააწესა. კონკურსი ყოვეწლიურია და მიზნად ისახავს საქართველოში მომუშავე ქალი უფლებადამცველების, განსაკუთრებით კი მოწყვლადი თემის უფლებების დამცველი ქალების შრომისა და თავდადების აღნიშვნას.
პრემიის პირველი გამარჯვებული გახდა ქვიარ ორგანიზაცია ქალთა ინიციატივების მხარდამჭერი ჯგუფის დირექტორი ეკა აღდგომელაშვილი გახდა.
2014 წლის კატო მიქელაძის პრემიის გამარჯვებული გახდა ქალთა ფონდი “ტასო”-ს გენერალური დირექტორი, მარინა თაბუკაშვილი.
2015 წლის კატო მიქელაძის პრემიის ლაურეატი გახდა ლია უკლება – ფემინისტი მხატვარი-აქტივისტი.
2016 წელს პრემია გადაეცა ეკატერინე სხილაძეს, საქართველოს სახალხო დამცველის მოადგილეს და სახალხო დამცველის აპარატის გენდერული თანასწორობის დეპარტამენტის უფროსს.
2017 წლის კატო მიქელაძის პრემიის გამარჯვებული გახდა ქეთევან ხიდაშელი, გურიის რეგიონიდან, არასამთავრობო ორგანიზაცია „ქალები რეგიონის განვითარებისთვის“ გამგეობის თავმჯდომარე.
2018 წლის კატო მიქელაძის სახელობის პრემიის მფლობელი იდა ბახტურიძე გახდა, ხოლო ტრანს* აქტივისტს ნატა ტალიკიშვილს სპეციალური ჯილდო გადაეცა სამომავლო საქმიანობის მხარდაჭერისთვის.
2019 წლის კატო მიქელაძის სახელობის ჯილდოს მფლობელი ჟურნალისტი ხატია ღოღობერიძე გახდა.
2020 წლის კატო მიქელაძის პრემიის მფლობელი ფემინისტი აქტივისტი მარიამ ქაჯაია გახდა.
2021 წლის კატო მიქელაძის პრემიის გამარჯვებულები გახდნენ ბაია პატარაია, თოზუ გულმამედლი და ელისო რუხაძე, კავშირი “საფარი”-ს გუნდის წევრები.
2022 წელს ღონისძიებამ დაჯილდოებისა და ნომინანტების გარეშე ჩაიარა. ქალთა ფონდის გადაწყვეტილებით, ეს წელი დაჯილდოების შინაარსობრივი თუ ტექნიკური ნაწილის გადასინჯვას, რეფლექსიასა და განახლებას დაეთმო.
2023 წელს კატო მიქელაძის პრემიის გამარჯვებული გახდა ქვიარ და ფემინისტი აქტივისტი, ქვიარ ორგანიზაცია „თანასწორობის მოძრაობის“ თანამშრომელი ალა პარუნოვა.
