ინდოეთის სამედიცინო მარეგულირებელმა ორგანომ, ეროვნულმა სამედიცინო კომისიამ „მოქცევის თერაპია“ (მახინჯი პრაქტიკა, რომელიც ლგბტქი ადამიანების სექსუალური ორიენტაციისა და გენდერული იდენტობის შეცვლას ისახავს მიზნად და მენტალურ თუ ფიზიკურ ჯანმრთელობას საფრთხეს უქმნის) უკანონოდ გამოაცხადა და აღნიშნა, რომ სამედიცინო მუშაკებს, რომლებიც საზიანო პრაქტიკას განახორციელებენ, ქმედება პროფესიულ გადაცდომად ჩაეთვლებათ.
უზენაესი სასამართლოს მითითებების შემდეგ, რომლის თანახმადაც, ლგბტქი ადამიანთა ცხოვრების გაუმჯობესებისთვის ნაბიჯების გადადგმა იყო საჭირო, სამედიცინო კომისიამ განაცხადა, რომ ინდოეთის სამედიცინო საბჭოს დაქვემდებარებით „მოქცევის თერაპია“ აიკრძალა.
2 სექტემბერს, უზენაესმა სასამართლომ თქვა, რომ ხელისუფლებას 12-კვირიანი ვადა აქვს, რათა ტრანსგენდერი ადამიანების უფლებათა დაცვის შინაგანაწესი შეიმუშავოს, რომელიც ოფიციალური უწყებების თქმით, საბოლოო ეტაპზეა.
უზენაესმა შინაგანაწესის მიღების გაჭიანურებული პროცედურების გამო ხელისუფლება გააკრიტიკა და მათი მოთხოვნის საპასუხოდ, რომლითაც 6-თვიან ვადას ითხოვდნენ, აღნიშნა, რომ „პროცესი წელიწადზე მეტია გრძელდება და გაუგებარია, ტრანსგენდერი ადამიანების დაცვის შინაგანაწესის მიღებისთვის დამატებით 6 თვე რა საჭიროა“.
ბოლო წლებში, ინდოეთმა ლგბტქი უფლებების განმტკიცების მიმართულებით მნიშვნელოვან პროგრესს მიაღწია. 2018 წელს ნებაყოფლობითი გეი სექსის დეკრიმინალიზება მიიღწა, სულ ცოტა ხნის წინ კი ოჯახის ცნება შეცვალეს და ჩანაწერმა ქვიარ წყვილების პარტნიორობაც მოიცვა.
წყარო: The Hindu
