2004 წლიდან იაპონიაში ტრანსგენდერი ადამიანებისგან კანონი ითხოვდა სტერილიზაციისა და გენიტალიებზე ქირურგიულ ოპერაციას იმ შემთხვევაში თუ მათ სურდათ გენდერის აღმნიშვნელი მარკერის შეცვლა იურიდიულ დოკუმენტებში. თუმცა, მიმდინარე წლის 17 ოქტომბერს, იაპონიის სასამართლომ პირველად დაადგინა, რომ ტრანსგენდერ მოსარჩელეს არ დასჭირდება ასეთი ოპერაციის გაკეთება, საბუთებში სქესის აღმნიშვნელი ჩანაწერის შესაცვლელად.
სარჩელი ჯენ სუძუკის მიერ წარდგენილ იქნა საოჯახო საქმეების განმხილველ სასამართლოში 2021 წელს. მოსარჩელე ამტკიცებდა, რომ სახელმწიფო მას აიძულებდა გაეკეთებინა ოპერაცია მისი სურვილის საწინააღმდეგოდ. სასამართლომ დაუჭირა მხარი მოსარჩელეს და განმარტა, რომ ასეთ სამედიცინო პროცედურას აქვს მნიშვნელოვანი, შეუქცევადი შედეგები რეპროდუქციული ფუნქციის დაკარგვის სახით.
მიმდინარე პერიოდში, იაპონიის უზენაესი სასამართლო განიხილავს საქმეს, რომლის შედეგად შესაძლოა სტერილიზაციის მოთხოვნა ცნობილი იყოს არაკონსტიტუციურადაც. მოსარჩელე ტრანსგენდერი ქალია, რომელიც ამტკიცებს, რომ მიმდინარე კანონმდებლობა არღვევს ადამიანის ფუნდამენტურ უფლებას აღიარებული იყოს მისი გენდერული იდენტობა. სასამართლო საქმის დასრულებას წლის ბოლოსკენ გეგმავს.
სხვა საქმეზე, მიმდინარე წლის ივლისში, იაპონიის უზენაესმა სასამართლომ დაადგინა დისკრიმინაცია ტრანსგენდერი თანამშრომლის მიმართ, რომელსაც აუკრძალეს ქალის საპირფარეშოთი სარგებლობა. ეს იყო პირველი შემთხვევა, როდესაც იაპონიის სასამართლომ მიიღო გადაწყვეტილება ლგბტქი ნიშნით დისკრიმინაციის დადგენასთან დაკავშირებით.
წყარო: https://www.them.us/story/japan-gender-change-document-surgery-ruling
