პროდიუსერმა ორინ ვოლფმა ცოტა ხნის წინ განაცხადა, რომ აპირებს 1984 წლის საკულტო როკ მიუზიკლის – “Purple Rain-ის” სასცენო ვარიანტის დადგმას. ინფორმაციას ამის შესახებ გამოცემა NRP ავრცელებს.
ფილმი “Purple Rain” 1984 წელს გამოვიდა, რომელიც პრინსის ბიოგრაფიული მიუზიკლია. ფილმში მთავარ როლს თავად მომღერალი ასრულებს. აღნიშნულმა ფილმმა პრინსს საერთაშორისო აღიარება მოუტანა, ის ოსკარისა და გრემის ჯილდო მფლობელი გახდა. 2024 წელს მიუზიკლის 40 წლის იუბილეა.
ახალი მიუზიკლის რეჟისორია ლილეანა ბრეინ-კრუსი, რომელიც ამჟამად ლინკოლნის თეატრალური ცენტრის რეჟისორია. ჯერჯერობით უცნობია, ზუსტად სად გაიმართება მიუზიკლის პრემიერა, თუმცა პროდიუსერები საუბრობენ ბროდვეის თეატრთან მოლაპარაკებებზე.
ორგანიზატორების თქმით, მიუზიკლის შესახებ დეტალები მომდევნო თვეში გახდება ცნობილი.
