ართ-თერაპია ფსიქოთერაპიის ერთ-ერთი ფორმაა, რომელიც გამოიყენება ადამიანების ფსიქიკური, მენტალური ჯანმრთელობის, ემოციური მდგომარეობის და კეთილდღეობის მხარდასაჭერად.
არტ-თერაპია სხვადასხვა ადიქციის სამკურნალო, სარეაბილიტაციო პროგრამის ერთ-ერთი მნიშვნელოვანი ნაწილია. ის ეხმარება პროგრამის მონაწილეს გამოხატოს საკუთარი თავი, გაუმკლავდეს სტრესს და რთულ ემოციებს, იყოს თავდაჯერებული და კრეატიული.
არტ თერაპიის ფარგლებში შექმნილი უსაფრთხო სივრცე უზრუნველყოფს ადამიანის კავშირს საკუთარ კომპლექსურ გრძნობებთან, რომელთა გამოხატვა მას არ შეუძლია ან არ სურს სიტყვების მეშვეობით. აღნიშნულის შედეგად შესაძლებელი ხდება რთული გამოცდილებების გააზრება და მიღება, სირთულეების დაძლევის ახალი სტრატეგიების განვითარება.
არტ-თერაპია გვაკავშირებს გარესამოყაროსთან. თერაპიის ეს ფორმატი მოსახერხებელია ინდივიდუალური, ასევე ჯგუფური თუ საოჯახი თერაპიირსთვისაც.
ადიქციის მკურნალობის ფარგლებში არტ-თერაპია გვასწავლის:
- გავიგოთ და კონსტრუქციულად გამოვხატოთ ჩვენი ემოციები
- გავუმკლავდეთ სტრესსა და შფოთვას აქამდე უცნობი გზებით
- განვავითაროთ საკუთარი თვითშეფასება და თავდაჯერებულობა
- გამოვასწოროთ ადამიანებთან კომუნიკაცია და გავაუმჯობესოთ ურთიერთობები
- დავამუშავოთ ჩვენი ტრავმები და რთული ცხოვრებისეული გამოცდილებები
- აღმოვაჩინოთ საკუთარ თავში ახალი ინტერესები და ნიჭი
- დავძლიოთ ფსიქოაქტიური ნივთიერებების მოხმარების შეწყვეტით განპირობებული აღკვეთის სინდრომი
- დავაიდენტიფიციროთ მოხმარების ტრიგერები
- გავაცნობიეროთ მოხმარების მოტივაცია
ყველაფერთან ერთად, არტ-თერაპია ძალიან სახალისოა და კარგი გუნებაგანწყობილების შენარჩნებაშიც გვეხმარება!
გამოყენებული ლიტერატურა:
სტატიის ავტორი: Nuno Albuquerque
სამედიცინო მხარდაჭერა: Dr Mateen Durrani – MBBS, DPM, MSc, BCPsych
გამოქვეყნებული: Rehab treatment July 13th, 2023
