ბოლო რამდენიმე ათწლეულის განმავლობაში სულ უფრო და უფრო მეტი ლგბტ ადამიანი გამოვიდა კარადიდან და ხმამაღლა დაიწყეს საუბარი თავიანთ სურვილებზე, ოცნებებზე და მიზნებზე. ადამიანები აღარ უშინდებიან სექსუალურ იდენტობებზე საჯაროდ საუბარს.
გთავაზობთ 10 ცნობილ LGBT წყვილს, რომლებიც არ მალავენ თავიანთ სიყვარულს და უამრავ ადამიანს აძლევენ იმედს, რომ ლგბტ ადამიანების მდგომარეობა აუცილებლად შეიცვლება უკეთესობისკენ:
Elton John & David Furnish
ლეგენდარულმა მომღერალმა ელტონ ჯონმა, თავისი მეუღლე, კანადელი რეჟისორი დეივიდ ფურნიში, 1993 წელს გაიცნო. მომღერალმა გადაწყვიტა, რომ შეეცვალა ცხოვრების წესი, თავი დაენებებინა ალკოჰოლისა და ნარკოტიკებისთვის, გაეცნო ახალი ადამიანები და სწორედ ამ გადაწყვეტილებას მოჰყვა დეივიდ ფურნიშის გაცნობა, ბედნიერი მრავალწლიანი ქორწინება და ორი შვილი.
Rupaul & Georges LeBar
Rupaul-ის დრეგ ქვინების შოუს ლეგენდარული წამყვანი RuPaul-ი თავის ქმარს 1994 წელს, ნიუ-იორკის ერთ-ერთი პრესტიჟული კლუბის დენს ფლორზე შეხვდა, წყვილმა 2017 წელს იქორწინა და როგორც სხვადასხვა ამერიკულ გამოცემასთან ამბობს, მათ ღია ურთიერთობა აქვთ, რაც უფრო მეტად უწყობს ხელს წყვილის გრძელვადიან და მშვიდ თანაცხოვრებას.
Ellen DeGeneres & Portia De Rossi
ამერიკელი ტელეწამყვანი თავის პარტნიორს, პორტია დე როსს, 2004 წელს შეხვდა, თავიდან პორტიას საჯარო ქამინგაუთი არ ჰქონდა გაკეთებული, თუმცა ეს მალევე შეიცვალა და წყვილმა 2008 წელს ოფიციალურად გააფორმა პარტნიორობა.
Lilly Tomlin & Jane Wagner
ლილი ტომლინი ლეგენდარული ამერიკელი მსახიობი, მწერალი, კომედიანტი და პროდიუსერია, რომლის კარიერაც გასული საუკუნის სამოციან წლებში დაიწყო. მსახიობი თავის ამჟამინდელ ცოლს, სცენარისტ ჯეინ უაგნერს 70-იან წლებში შეხვდა და მას შემდეგ ერთად არიან.
Neil Patrick Harris & David Burtka
ნილ პატრიკ ჰარისი თავის მომავალ ქმარს ნიუ-იორკის ერთ-ერთ ქუჩაზე შემთხვევით შეხვდა და იფიქრა, რომ დეივიდ ბურტკა ჰეტეროსექსუალი იყო, თუმცა მსახიობი შეცდა. რამდენიმე წლის შემდეგ, დეივიდ ბურტკამ იმავე ქუჩაზე თხოვა ხელი ნილ პატრიკ ჰარისს. წყვილს დღეს ტყუპი შვილი ჰყავს.
Cynthia Nixon & Christine Marinoni
„სექსი დიდ ქალაქში“-ის მსახიობი სინტია ნიქსონი თავის მომავალ მეუღლეს, ქრისტინე მარინონის 2004 წელს შეხვდა, მანამადე სინტიას არასდროს ჰქონია ქალთან რომანტიკული ურთიერთობა და შიშობდა, რომ ეს ცუდად იმოქმედებდა მის კარიერაზე. თუმცა ყველაფერი პირიქით მოხდა და დღეს წყვილი ბედნიერ ქორწინებაში იმყოფება.
Sarah Paulson & Holland Taylor
ამერიკელი მსახიობი და სატელევიზიო ეკრანების ვარსკლავი სარა პაულსონი თავის ამჟამინდელ პარტნიორ ჰოლანდ ტეილორს 2005 წელს შეხვდა, თუმცა იმ დროს ორივე ურთიერთობაში იმყოფებოდა. წყვილს, 10 წლის შემდეგ, 2015 წელს ისევ მოუწია ერთად მუშაობა, რის შემდეგაც მათი ურთიერთობა შედგა. მათ შორის 32-წლიანი ასაკობრივი სხვაობაა.
Jodie Foster & Alexandra Hedison
ოსკაროსანი ამერიკელი მსახიობი და „კრავთა დუმილის“ ვარსკლავი ჯოდი ფოსტერი თავის ამჟამინდელ ცოლს, ფოტოგრაფ და მსახიობ ალექსანდრა ჰედისონს 2013 წელს შეხვდა და წყვილმა 1 წლის შემდეგ იქროწინა. მსახიობი ძალიან უფრთხილდება თავის პირად ცხოვრებას და ცდილობს, არ გაასაჯაროვოს ყველა დეტალი თავისი ქორწინებიდან.
Billy Porter & Adam Smith
Pose-ის მსახიობი ბილი პორტერი თავის მეუღლეს, ადამ სმიტს პირველად 2009 წელს შეხვდა და 5-წლიანი ერთგული მეგობრობის შემდეგ, მათ შორის რომანტიკული ურთიერთობა ჩამოყალიბდა. წყვილმა 2017 წლის ივნისში იქორწინს და დღემდე ბედნიერად ცხოვრობს.
Ricki Martin & Jwan Yosef
რიკი მარტინის სექსუალური ორიენტაციის შესახებ მრავალი წლის განმავლობაში საუბრობდა ყვითელი პრესა, მსახიობმა ჭორები ოფიციალურად 2010 წელს დაადასტურა. მომღერალი თავის მომავალ ქმარს 2016 წელს შეხვდა და მომდევნო წელს, ელენ დეჯენერესის შოუში თქვა, რომ ისინი დაქორწინებას აპირებენ. წყვილს ორი საერთო შვილი ჰყავს.
