არგენტინა პირველი ქვეყანა გახდა სამხრეთ ამერიკაში, რომლესაც გენდერულად ნეიტრალური ეროვნული პასპორტები ექნება.
არგენტინის პრეზიდენტმა ალბერტო ფერნანდესმა განაცხადა -”ჩვენ უნდა გავიაზროთ, რომ კაცისა და ქალის გარდა სხვა იდენტობებიც არსებობს და მათ პატივი უნდა ვცეთ, ისინი სულ არსებობდნენ, უბრალოდ, აქამდე დამალვა უწევდათ.”
არგენტინა შეუერთდება ისეთი ქვეყნების სიას, როგორიცაა – ავსტრალია, ბანგლადეში, დანია, ნეპალი და ახალი ზელანდია, სადაც ეროვნულ პასპორტში მესამე სქესის მითითება არის შესაძლებელი.
არგენტინას რეგიონში ტრანსგენდერების უფლებების დაცვის კუთხით დიდი ხნის ისტორია აქვს. ჯერ კიდევ 2012 წელს, 44-მილიონიანმა ქვეყანამ მიიღო კანონი გენდერული უფლებების შესახებ, რომელიც ტრანს ადამიანებს საშუალებას აძლევს, ექიმის მითითების გარეშე, ლეგალურად, შეიცვალონ სქესი დოკუმენტებში. კანონმდებლობაში ასევე შევიდა ცვლილება, რომ არგენტინის ჯანდაცვის სისტემაში შესულიყო ტრანს საჭიროებების უზრუნველყოფა ჰორმონული და ქირურგიული ოპერაციების ჩათვლით.
ინოვაციური კანონმდებლობის მიღებიდან ცხრა წლის განმავლობაში, არგენტინა აგრძელებს მუშაობას ტრანს-თანასწორობისკენ და ახორციელებს ცვლილებებს დასაქმების სფეროშიც. მაგალითად, არგენტინის უმსხვილესმა სახელწიფო ბანკმა Banco de la Nación-მა 2020 წელს გამოაცხადა დასაქმების 5%-იანი კვოტა ტრანს ადამიანებისთვის. ასევე, არგენტინას უნდა განახორციელოს უფრო გლობალური კანონპროექტი, რომელიც ითვალისწინებს 1%-იან კვოტას ტრანს ადამიანებისთვის საჯარო სექტორში.
წყარო: them.us
ფოტო: Getty Images
