გუშინ, 19 ივლისს, საერთაშორისო კონფერენციის ფარგლებში ბათუმს ევროპული საბჭოს პრეზიდენტი, შარლ მიშელი, მოლდოვის პრეზიდენტი, მაია სანდუ და უკრაინის პრეზიდენტი ვოლოდიმირ ზელენსკი ესტუმრნენ.
კონფერენციის პარალელურად, მიმდებარე ტერიტორიაზე მდუმარე აქცია მიმდინარეობდა. აქციის მონაწილეები 5 ივლისს და ზოგადად, ქვეყანაში მიმდინარე პროცესებს აპროტესტებდნენ, ამასთან, პრემიერი ღარიბაშვილის გადადგომასა და მომხდარში დამნაშავე პირების დასჯას ითხოვდნენ.
აქციაზე იმყოფებოდნენ ქვიარ თემის წარმომადგენლებიც.
”დავხვდით შარლ მიშელს, რომელიც ბათუმის კონფერენციისთვის ესტუმრა საქართველოს. ბოლო პერიოდის სოციალურ- პოლიტიკური ფონის გამო, ვიფიქრე, რომ მნიშვნელოვანი იყო იქ ვყოფილიყავი. აქციაზე ჩემთან ერთად იყვნენ ”სირცხვილიას” აქტივისტები, სამოქალაქო საზოგადოების წარმომადგენლები, ჟურნალისტები და უბრალოდ, მოქალაქეები. ჩემი იქ დგომით, ღარიბაშვილსა და მის მთავრობას კიდევ ერთხელ შევახსენე, რომ არაკონსტიტუციური, ანტისახელმწიფოებრივი მთავრობა უნდა წავიდეს და დაისაჯონ დამნაშავეები. მეორე მხრივ, შარლ მიშელს და ჩვენს ევროპელ პარტნიორებს სიმბოლურად დავხვდით და შევახსენეთ, ჩვენი ხელისუფლების უუნარობა და ქართველი ხალხის უმრავლესობის სურვილი, ვიყოთ ევროპული ოჯახის ნაწილი. აქციაზე რაიმე სერიოზულ ინციდენტებს ადგილი არ ჰქონია. გაიხსნა დროშები საქართველოს, ევროკავშირის, უკრაინისა და ბელარუსის.” – თამაზ სოზაშვილი
ციაზე
