‘სოლიდარობის მარში დღეს არ დაწყებულა და არც ამ კვირეულით დასრულდება. ეს უბრალოდ კვირეული არაა, საზოგადებას მეტი ინფორმაცია სჭირდება ჰუმანური პრიორიტეტების აღიარებისთვის. ეს კვირეული არაა ვინმეს წინააღმდეგ მიმართული – სიტყვის თავისუფლების და გამარჯვებისაა.
საჯაროდ გამოსვლის უფლება ყველას აქვს და არ შეიძლება, ძალმომრეობა ტრადიციის ნაწილად იქცეს! სამწუხაროდ, ულტრამემარჯვენე ძალები გასაქანს არ გვიტოვებენ, მათ ჰუმანური საზოგადოება არ აწყობთ. პრორუსულმა მენტალობამ წარმოუდგენელი ზიანი მოგვაყენა.
თუკი პრაიდი სოციალურ ადაპტაციას გაივლის, იქ ყველა მხარის აზრი იქნება გათვალისწინებული და მრავალფეროვნება შენარჩუნდება, ადამიანებს ექნებათ განცდა, რომ ჯანსაღი გარემო არც ისე შორსაა ამ ქვეყანაში. მგონია, რომ ამით გენდერული იდენტობა თუ ორიენტაცია დანაშაულის იარლიყს მოიშორებს.
მნიშვნელოვანია, რომ პრაიდში ქვიარ წრეების გარდა, ყველა სფეროს წარმომადგენელი იყოს ჩართული. განსაკუთრებით, მწერლები და ხელოვანები.
მთავარია, გავიზროთ, რომ უფრო ჰუმანურ გარემოში უნდა ვიცხოვროთ, სხვის პირად ცხოვრებაში ჩარევის უფლება არავის აქვს. თითოეული ადამიანი გაუმჯობესების მომხრე უნდა იყოს და არა ძალმომრეობისა და უკანონობის.”
