დღეს ვალენტინობაა და ალბათ, ყველანი ვფიქრობთ, საყვარელ ადამიანებთან ერთად, როგორ და სად გავატაროთ ეს დღე. ვალენტინობის სახლში აღნიშვნა ზოგისთვის არჩევანია და ზოგს ასე მოგვიწევს სავალდებულო იზოლაციისა თუ სხვა მიზეზების გამო. სახლში გატარებულ ვალეტინობას კი ერთი-ორი ქვიარ მელოდრამა ნამდვილად მოუხდებოდა.
ამიტომ წარმოგიდგენთ 10 ქვიარ ფილმს, რომელიც შეიძლება არ გინახავთ ან შეგიძლიათ, თავიდან უყუროთ.
Carol (2015) – ქეროლი (2015)
2015 წლის ცნობილი ფილმი “Carol ” ერთ-ერთ საკულტო ქვიარ ფილმად ითვლება და ამ სიაში მისი არყოფნა წარმოუდგენელიც კია. სიუჟეტი ქეროლისა და ტერეზის ურთიერთობის გარშემო 1950-იანი წლების ამერიკაში ვითარდება და ერთ-ერთი პირველი ქვიარ ავტორის, პატრისია ჰაისმიტის 1952 წლის რომანის – ,,მარილის ფასის’’ ეკრანიზაციაა. მელოდრამებისა და საინტერესო პლოტის მოყვარულებს ან უბრალოდ, ქეით ბლანშეტის ფანებს, თუ ფილმი ჯერ არ გინახავთ, ნამდვილად მოგეწონებათ.
Tru Love (2013) – ნამდვილი სიყვარული (2013)
“Tru Love” 2013 წლის კანადური ფილმია, რომელიც თრუსა და ელისის ულამაზესი ურთიერთობის შესახებ მოგვითხრობს და კიდევ ერთხელ დაგვანახებს, რომ სიყვარული უსაზღვრო ცნებაა, რომელიც არანაირ ჩარჩოს, მათ შორის, ასაკობრივ განსხვავებას, არ ცნობს.
Maurice (1987) – მაურისი (1987)
“Maurice” 1987 წლის ბრიტანული მელოდრამაა, რომელიც 1988 წელს კინოაკადემიის დაჯილდოებაზე იყო წარდგენილი. სიუჟეტი 1971 წლის ამავე სახელწოდების მოთხრობაზეა დაფუძნებული, მთავარ როლებს კი ცნობილი ბრიტანელი მსახიობები ჯეიმს უილბი და ჰიუ გრანტი ასრულებენ. ამიტომ თუ 80-იანი წლების ფილმები ან ინგლისური რომანტიკული დრამა გიზიდავთ, “Maurice” აუცილებლად მოგეწონებათ.
კომეტები (2019) – Comets (2019)
2019 წელს გამოსული თინათინ შავგულიძის ფილმი “კომეტები” ერთ-ერთი პირველი ქართული ქვიარ ფილმია. მთავარი როლის შემსრულებლებს, ნინო კასრაძესა და ქეთევან გეგეშიძეს ქართველი მაყურებელი კარგად იცნობს. სიუჟეტი სწორედ ამ ორი პერსონაჟის სიყვარულის გარშემო ვითარდება და ძალიან კარგი არჩევანია ვალენტინობის საღამოს სასიამოვნოდ გასატარებლად.
Cloudburst (2011) – თავსხმა (2011)
“Cloudburst” 2011 წლის ულამაზესი ამერიკული ფილმია, რომელიც ორი ქალის, სტელასა და დოტის სიყვარულის შესახებ მოგვითხრობს და მაყურებელს მათთან ერთად ამოგზაურებს ამერიკა-კანადის გზაზე, სადაც წყვილი ქორწინების დაკანონებას ცდილობს. ულამაზესი კადრები, საუნდტრეკები და ამაღელვებელი სიყვარულის ამბავი ვალეტინობის საღამოს აუცილებლად სასიამოვნოდ გაგატარებინებთ და ვინ იცის, შეიძლება, ერთი-ორჯერ აგატიროთ კიდეც.
God’s Own Country (2017) – ღვთის მიწა (2017)
God’s Own Country კიდევ ერთი ბრიტანული მელოდრამაა, რომელიც 2017 წელს გამოვიდა. სიუჟეტი იორკშირელი ჯონისა და რუმინელი ემიგრანტის, გეორგეს ურთიერთობის შესახებ მოგვითხრობს და ვალენტინობის საღამოს მშვიდად გატარებაში დაგეხმარებათ.
The Incredibly True Adventures of Two Girls in Love (1995) – ორი გოგონას ამაღელვებელი სიყვარულის ნამდვილი ამბავი (1995)
“The Incredibly True Adventures of Two Girls in Love” ამერიკული ფილმია, რომელიც 1995 წელს გამოვიდა. სიუჟეტი ორი თინეიჯერის სიყვარულის გარშემო ვითარდება და კლასიკურ 90-იანების ფილმებს ბევრჯერ მოგაგონებთ.
Holding the Man (2015) – არ გაუშვა (2015)
2015 წლის ავსტრიული მელოდრამა “Holding the Man” ავსტრიელი მსახიობისა და აქტივისტის, ტიმოთრი კონიგრეივის მემუარებზე არის დაფუძნებული. სიუჟეტი ტიმოთისა და ჯონის ურთიერთობის გარშემო ვითარდება და ბევრ სხვა მნიშვნელოვან საკითხთან ერთად, 1980-იანების აივ/შიდსის ეპიდემიას ეხება და საკმაოდ ემოციური საყურებელია, ამიტომ თუკი ცრემლების არ გეშინიათ, “Holding the Man” ველენტინობის საღამოსთვის საუკეთესო არჩევანი იქნება.
The Kids Are All Right (2010) – ბავშვები კარგად არიან (2010)
“The Kids Are All Right ” 2010 წლის ოჯახური დრამაა, რომელშიც მთავარ როლებს ჯულიანა მური და ანეტ ბენინგი ასრულებენ. ფილმი იმ სირთულეებზე ფოკუსირდება, რომლებსაც ქვიარ ოჯახები აწყდებიან ხოლმე და პარალელურად ნიკოლისა და ჯულსის ულამაზეს და დაბრკოლებებით სავსე ურთოერთობაზეც გვიამბობს.
Imagine me and you (2015) – წარმოიდგინე ჩვენი თავი ერთად (2015)
“Imagine me and you” 2015 წლის ბრიტანული ფილმია, რომელშიც მთავარ როლებს ლინა ჰედი და პაიპერ პერადო ასრულებენ. ფილმი რეიჩელისა და ლუსის ურთიერთობის შესახებ მოგვითხრობს, რომელსაც წინ არაერთი სირთულე ხვდება. ვალენტინობის საღამოს მშვიდად და მსუბუქად გასატარებლად “Imagine me and you” ნამდვილად საუკეთესოა არჩვენია.
ავტორი: ანამარია
