თემიდა

თემიდა — 2022 წლის დეკემბრის მიმოხილვა

თემიდა ქვიარ-აქტივისტური, ტრანს* სათემო ორგანიზაციაა, რომელიც ორგანიზდება, მუშაობს და იბრძვის ტრანს* და ქვიარ ადამიანებისთვის უსაფრთხო, თანასწორი და ღირსეული პოლიტიკური, უფლებრივი და სოციალური გარემოს მშენებლობისთვის. ორგანიზაციის  მიზანია ტრანსი ადამიანებისთვის ღირსეული, თანასწორი და სამართლიანი პოლიტიკური, უფლებრივი და სოციალური გარემოს მშენებლობა, სადაც მათი საჭიროებები, წუხილები, გამოწვევები და უფლებები აღიარებულია და მხარდაჭერილი სახელმწიფოსა და საზოგადოების მიერ.

წარმოგიდგენთ თემიდას აქტივობებს 2022 წლის დეკემბრის თვეში:

დასაქმების ვორკშოპი

დეკემბრის თვეში, 10 და 24 დეკემბერს, ქვიარ ასოციაცია თემიდამ თემის წევრებისთვის დასაქმების ხელშეწყობის მიზნით გამართა 2 ვორკშოპი.

ორგანიზაცია ყოველთვიურად მართავს ანალოგიურ ვორკშოპებს, რომლებიც განკუთვნილია ტრანს* და არაბინარული გენდერული იდენტობის მქონე პირებისთვის.

დასაქმების ვორკშოპების მიზანია, სამუშაოს მაძიებელ პირებს მიაწოდოს ინფორმაცია დასაქმების შესაძლებლობებზე, მათ შრომით უფლებებზე, ხელი შეუწყოს იმ უნარებისა და კომპეტენციების გაუმჯობესებაში, რაც მნიშვნელოვნად გაზრდის მათი დასაქმების შესაძლებლობას.

მეტი მოქნილობისა და თემის წევრების საჭიროებების გათვალისწინების მიზნით, 10 დეკემბერს ვორკშოპი გაიმართა ონლაინ ფორმატში, რათა დაინტერესებული პირების იმ ნაწილსაც შესძლებოდა ინფორმაციის მიღება, რომელიც ვერ ახერხებს ფიზიკურ შეხვედრებზე დასწრებას.

24 დეკემბერს გამართულ დასაქმების ვორკშოპს, გარდა დასაქმების კონსულტანტისა, უძღვებოდა იურისტი, რომელმაც თემის წევრებს მიაწოდა ინფორმაცია შრომითი უფლებებისა და იმ სამართლებრივი მექანიზმების შესახებ, რომლებიც დასაქმებულს იცავს ან/და უნდა იცავდეს სამუშაო ადგილზე დისკრიმინაციული მოპყრობის შემთხვევაში.

თემიდა თემის წევრებს ასევე სთავაზობს პროფესიული კონსულტირების და კარიერის დაგეგმვის ინდივიდუალურ მომსახურებას.  საქმიანობა ხორციელდება ორგანიზაციის ქალთა ფონდი საქართველოში მხარდაჭერით.

ინდივიდუალური კონსულტაციის ჩასანიშნად ან ყოველთვიურ ვორკშოპზე დასასწრებად მიმართეთ ორგანიზაციას Facebook  გვერდზე  ან დაუკავშირდით ნომერზე: +995 555 95 81 16

მედიაკამპანია

დეკემბრის თვეში ორგანიზაცია თემიდამ დაიწყო სოციალური მედიაკამპანია, რომელიც შეეხება ტრანს* და ქვიარ თემის მდგომარეობასა და გამოწვევებს დასაქმების სფეროში. კამპანიის მიზანია, წინ წამოსწიოს თემის საჭიროებები და ხელი შეუწყოს სამუშაო ადგილზე ანტიდისკრიმინაციული და თემის საჭიროებებზე მორგებული პოლიტიკის აქტუალიზებასა და დანერგვას.

სოციალურ ქსელებში თემიდას გვერდზე უკვე განთავსდა კამპანიის ფარგლებში მომზადებული პირველი ვიდეო: ლგბტქ თემის გამოწვევები შრომის ბაზარზე: არსებული მდგომარეობა და გამოსავლები. ვიდეოში ადამიანის უფლებების იურისტი, ლელა გვიშიანი საუბრობს შრომის ბაზარზე არსებულ მდგომარეობაზე და იმ ბარიერებზე, რომელსაც ქვიარ თემის წევრები აწყდებიან სამუშაო ადგილის ძიების პროცესში ან/და უშუალოდ დასაქმების ადგილზე. ლელა გვიშიანი მიმოიხილავს სახელმწიფოს პოლიტიკასა და იმ სისტემურ პრობლემებს, რომლებიც თემის წევრებისათვის წარმოქმნის მნიშვნელოვან ბარიერებს და ტოვებს მათ შრომის ბაზრის მიღმა, ან სთავაზობს მხოლოდ დაბალ ანაზღაურებად, არაფორმალურ სექტორში მუშაობის შესაძლებლობას.

აღნიშნული კამპანიის ფარგლებში ასევე მომზადდება და თემიდას Facebook და Instagram გვერდებზე განთავსდება კიდევ რამდენიმე თემატური ვიდეო და საინფორმაციო პოსტერი.

წინა

თანასწორობის მოძრაობა — 2022 წლის ანგარიში

შემდეგი

ახალი წელი — მისი აღნიშვნის მნიშვნელობა და ფსიქოლოგიური ფაქტორები

ბოლო სიახლეები

რომის პაპი ფარისევლობას უწოდებს მის მიმართ კრიტიკას ქვიარ ადამიანების დალოცვის შესახებ

FacebookTweetLinkedInEmail რომის პაპმა ფრანცისკემ განაცხადა, რომ ფარისევლობაა მისი კრიტიკა ლგბტქი წყვილების დალოცვის გადაწყვეტილებასთან დაკავშირებით. დეკემბერში პაპმა

ტრანსგენდერი ფეხბურთელისა და მისი გუნდის წარმატების რეალური ისტორია

FacebookTweetLinkedInEmail ტაიკა ვაიტიტის ახალი ფილმი “Next Goal Wins” ნამდვილ ამბავზეა დაფუძნებული და მოგვითხრობს სამოას ეროვნულ საფეხბურთო

პოლონეთის სახელმწიფო ტელევიზიის წამყვანი ბოდიშს იხდის წარსულში ანტი-ლგბტქი პროპაგანდისთვის

FacebookTweetLinkedInEmail პოლონეთის სახელმწიფო ტელევიზიის,  TVP ინფოს წამყვანმა ბოდიში მოიხადა ქვიარ ადამიანების მიმართ ნათქვამი “სამარცხვინო სიტყვებისთვის” რომელიც

საბერძნეთში გეი ქორწინება ლეგალური გახდა

FacebookTweetLinkedInEmail 15 თებერვალს საბერძნეთი გახდა პირველი მართლმადიდებელი ქვეყანა, რომელმაც აღიარა ქვიარ ადამიანების ქორწინება. 300-წევრიან პარლამენტში კანონის