თავგადასავლებით სავსე ზაფხულის პერიოდში, როდესაც სიცხე თავის ზენიტს აღწევს, განტვირთვა და დასვენება არც ისეთი რთულია, თუ გავიხსენებთ, რომ საღამოს სიგრილეში საინტერესო ფილმის ამორჩევა და მეგობრებთან ერთად მათი ნახვა შეგვიძლია. გთავაზობთ ლესბოსური ფილმების
სპარსეთის ყურის საბჭომ, რომელიც კატარს, საუდის არაბეთსა და არაბეთის გაერთიანებულ საამიროებს წარმოადგენს, ამ ქვეყნებისთვის ნეტფლიქსისგან ლგბტქი შინაარსის კონტენტის წაშლა მოითხოვა. საბჭოს თქმით, მსგავსი კონტენტი “ისლამურ და საზოგადოებრივ ღირებულელებს” ეწინააღმდეგება.
BBC-ის ცნობით, საუდის არაბეთის სახელმწიფო ტელევიზიამ Al Ekhbariya ნეტფლიქსი ლგბტქი ადამიანებზე გადაჭარბებული ყურადღების გამახვილების გამო “ჰომოსექსუალობის ხელშეწყობაში” დაადანაშაულა.
“ყველა კანონიერ ზომას მივმართავთ, რათა დავიცვათ საუდის არაბეთის სუვერენიტეტი, მოქალაქეები და მაცხოვრებლები ნებისმიერი ინტელექტუალური თავდასხმისგან, რომელიც საზოგადოებაზე, მის ღირებულებებზე და მათი თაობების აღზრდის უსაფრთხოებაზე ზეგავლენის მოხდენას ისახავს მიზნად“, — განაცხადა აუდიოვიზუალური მედიის გენერალური კომისიის დირექტორმა, ესრა ასერმა.
ტელევიზია Al Ekhbariya-ს კრიტიკის ქვეშ მოექცა ნეტფლიქსის ფილმი Cuties და საბავშვო შოუ Jurassic World: Camp Cretaceous . სპარსეთის ყურის საბჭოს თქმით, ამორალური გზავნილების კინემატოგრაფიაში გაშუქება საფრთხეს უქმნის ბავშვების ჯანსაღ აღზრდას.
BBC-ის ცნობით, საუდის არაბეთის კინოთეატრებში არ გაუშვეს მარველის ბოლო ფილმიც – Doctor Strange in the Multiverse of Madness, რადგან დისნეიმ საუდის არაბეთის რეგულაციური ორგანოს დავალებით ფილმიდან ლგბტქი საკითხების ამოღებაზე უარი თქვა.
“არაბეთის გაერთიანებულ საამიროებში, საუდის არაბეთსა და სხვა მუსლიმურ ქვეყნებში ანალოგიურად უარი თქვეს Disney Pixar-ის ანიმაციური საბავშვო ფილმის Lightyear გაშვებაზე, რადგან მასში ერთი და იგივე სქესის წყვილის ურთიერთობა იყო წარმოდგენილი”, — იტყობინიება Reuters.
როგორც სპარსეთის ყურის საბჭომ განაცხადა, ამიერიდან მედიის დამკვირვებელი ნეტფლიქსის კონტენტს მონიტორინგს გაუწევს და ადგილობრივი კანონების დარღვევის შემთხვევაში, საჭირო ზომებს მიმართავს.
ისლამური კანონმდებლობით საუდის არაბეთში ჰომოსექსუალური ქცევა სიკვდილით ან გაროზგვით ისჯება. სასჯელი ერთმანეთისგან “შემთხვევის სიმძიმის” მიხედვით განსხვავდება.
Don't Miss
5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი ფსიქიკური ჯანმრთელობის მდგომარეობას პერინატალურ პერიოდში.
სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43 წლის კაცი დააკავეს. ის დაკავებულია
6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში” ჩაიშალა. კრებული ქართველი მხატვრების მიერ მე-20 საუკუნის დასაწყისიდან დღემდე
28 თებერვალს ამერიკის ფსიქოლოგთა ასოციაციამ (APA) მიიღო მნიშვნელოვანი გადაწყვეტილება, მხარი დაუჭიროს ტრანსგენდერი და არაბინარული ადამიანების გენდერის დადასტურების პროცედურას, რაც მოიცავს
ნეტფლიქსის 8 საუკეთესო ლესბოსური ფილმი
თავგადასავლებით სავსე ზაფხულის პერიოდში, როდესაც სიცხე თავის ზენიტს აღწევს, განტვირთვა და დასვენება არც ისეთი რთულია, თუ გავიხსენებთ, რომ საღამოს სიგრილეში საინტერესო ფილმის ამორჩევა და მეგობრებთან ერთად მათი ნახვა შეგვიძლია.
გთავაზობთ ლესბოსური ფილმების ჩამონათვალს, რომლებსაც შეგიძლიათ ნეტფლიქსზე უყუროთ:
The Half of It
ელი დავალებებს წერს სხვა სტუდენტებისთვის, რათა მამას გადასახადების გადახდაში დაეხმაროს. ის საეჭვო მეგობრობას იწყებს სპორტსმენ პოლთან, მას შემდეგ, რაც პოლი თავისი შეყვარებულისთვის, ასტერისთვის, სასიყვარულო წერილების დაწერას სთხოვს. მალე ელიც იწყებს ასტერის შეყვარებას.
A Secret Love
რაიან მერფის მიერ გადაღებული ეს ორიგინალური დოკუმენტური ფილმი ხანდაზმული წყვილის შესახებ მოგვითხრობს, რომლებმაც ერთად 65 წელი გაატარეს. ისინი მოგვიანებით დაქამინგაუთდნენ ამერიკის შეერთებული შტატების ანტი-ლგბტქი კანონმდებლობის გამო და შეძლეს დაემტკიცებინათ, რომ მათ სიყვარულს ნებისმიერი გამოწვევის დამარცხება შეეძლო, რაც გზაზე შეხვდებოდათ.
The Prom
რაიან მერფის მორიგი პროდუქტი “The Prom” – მიუზიკლი, რომლის მოქმედებაც ინდიანას პატარა ქალაქში ვითარდება. ბროდვეის დიდი ვარსკვლავები საშუალო სკოლის მოსწავლეს, ემას ეხმარებიან, რადგან მას გამოსაშვებ საღამოზე შეყვარებულთან ერთად დასწრება აუკრძალეს.
I Care A Lot
მარლა გრეისონი თავისი მიზნებისთვის ხანშიშესული ქალის გამოყენებას ცდილობს, რომელსაც კავშირი აქვს გავლენიან განგსტერთან. მარლა არ არის ფილმის ყველაზე საყვარელი გმირი, მაგრამ ფრენთან მისი რომანი ამ პერსონაჟსაც შეგაყვარებთ.
Duck Butter
ქალები, რომლებიც დანგრეული ურთიერთობებისგან დაიღალნენ, დადებენ შეთანხმებას, რომ 24 საათი უწყვეტად ერთად გაატარონ და საბოლოოდ მიაღწიონ ურთიერთობის ახალ სიმაღლეებს.
Tig
ეს გულწრფელობით სავსე დოკუმენტური ფილმია, რომელსაც მაყურებელი კომიკოს თიგ ნოტაროს სამყაროში მას შემდეგ გადაჰყავს. თიგმა 2015 წელი მძიმედ გადაიტანა, თუმცა დაამარცხა სიცოცხლისთვის საშიში ინფექცია. ის კვლავ დარდობს დედის უეცარი გარდაცვალების გამო. ამასთანავე, თიგს სარძევე ჯირკვლის კიბოს დიაგნოზი დაუსვეს. მან თავისი ტკივილის ძალად გადაქცევა შეძლო და კომედიურ საზოგადოებასა და მის ფარგლებს გარეთ მხარდამჭერები აღმოაჩინა.
Let It Snow
როდესაც შობის ღამეს პატარა ქალაქს თოვლის ქარიშხალი ატყდება, საშუალო სკოლის უფროსკლასელების ჯგუფი შემთხვევით აღმოაჩენს, რომ მათი მეგობრობა და სასიყვარულო ცხოვრება ერთმანეთს კვეთს. ერთ-ერთი სიუჟეტური ხაზი ორი გოგოს სასიყვარული ისტორიას მოიცავს. ერთი დაქამინგაუთებულია, მეორე კი – არა.
Ride or Die
იაპონური ფილმი “Ride or Die” გვიყვება ქალზე სახელად რეი, რომელსაც წლების განმავლობაში უყვარდა თავისი მეგობარი. მის დასაცავად რეი მოძალადე ქმარს კლავს. მეგობრები ერთად ცდილობენ გაექცნენ კანონს, რა დროსაც ერთმანეთის მიმართ ძლიერი გრძნობები გაუჩნდებათ.
Don't Miss
ამარი American Idol-ის მონაწილეა, რომელმაც უამრავი მსმენელი მოხიბლა მსოფლიოს მასშტაბით. 28 წლის მომღერალი წარმოშობით ამერიკელია, ინდიანას შტატიდან. მუშაობს კაფეში მიმტანად
მარიო ალკალდე წარმოშობით ესპანელი, 31 წლის მატადორია. ცოტა ხნის წინ მან ცნობილ ესპანურ გამოცემა El Mundo-სთან ინტერვიუში ქამინგ აუთი გააკეთა,
კრისტენ სტიუარტმა ცოტა ხნის წინ ჟურნალ Variety-თან ინტერვიუში განაცხადა, რომ არ აპირებს გააგრძელოს კინო ინდუსტრიაში მუშაობა მანამ, სანამ არ ექნება შესაძლებლობა
სერაილების მოყვარულები 2024 წელს მეტ ქვიარ პერსონაჟებს და ახალ სეზონებს უნდა ველოდეთ, ასეთია პროგნოზი. გადავავალოთ თვალი ჩვენთვის საყვარელ და მომლოდინე