მომღერალმა, ქველმოქმედმა და ქვიარ თემის აქტიურმა მხარდამჭერმა, დოლი პარტონმა ჯეფ ბეზოსისგან Bezos courage & civility Award-ის ფარგლებში 100 მილიონი დოლარი მიიღო. დაჯილდოების ცერემონიისას დოლიმ მისთვის დამახასიათებელი იუმორით წამოიძახა: “ვაუ! 100 მილიონი დოლარი
მომღერალმა, ქველმოქმედმა და ქვიარ თემის აქტიურმა მხარდამჭერმა, დოლი პარტონმა ჯეფ ბეზოსისგან Bezos courage & civility Award-ის ფარგლებში 100 მილიონი დოლარი მიიღო.
დაჯილდოების ცერემონიისას დოლიმ მისთვის დამახასიათებელი იუმორით წამოიძახა:
“ვაუ! 100 მილიონი დოლარი თქვით? როცა ადამიანებს დახმარება შეუძლიათ, უნდა დაეხმარონ და მე ვიცი, რომ ყოველთვის ვცდილობ იქ ჩავდო ჩემი ფული, სადაც ჩემი გულია. მაქსიმალურად ვეცდები, რომ კარგი საქმეები ვაკეთო ამ ფულით.”
აღნიშნული ჯილდო Amazon-ის დამფუძნებელმა, ჯეფ ბეზოსმა 2021 წელს დააწესა. ის ყოველწლიურად გაიცემა ლიდერებსა და არაკომერციულ ორგანიზაციებზე. თითოეულ ჯილდოს ათწლიანი ფანჯარა აქვს, რომელშიც ბიუჯეტი გონივრულად უნდა გადანაწილდეს და შესრულდეს ყველა გეგმა, რომელიც გაწერილი იყო.
დოლი პარტონი ცნობილია, როგორც წარმატებული მუსიკოსი, ასევე, როგორც ქველმოქმედი. ის მუდმივად იყენებს საკუთარ ავტორიტეტს მოწყვლადი ჯგუფების დასახმარებლად. პარტონის მიმდინარე საქველმოქმედო პროექტებს შორის პრიორიტეტული განათლების სფეროა. მათ შორისაა პროექტი Imagination Library, რომელიც წიგნიერების ამაღლების ეგიდით, 5 სხვადასხვა ქვეყნის მცირე ასაკის ბავშვებს 200 მილიონ უფასო წიგნს გაუგზავნის.
Don't Miss
5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი ფსიქიკური ჯანმრთელობის მდგომარეობას პერინატალურ პერიოდში.
სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43 წლის კაცი დააკავეს. ის დაკავებულია
6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში” ჩაიშალა. კრებული ქართველი მხატვრების მიერ მე-20 საუკუნის დასაწყისიდან დღემდე
28 თებერვალს ამერიკის ფსიქოლოგთა ასოციაციამ (APA) მიიღო მნიშვნელოვანი გადაწყვეტილება, მხარი დაუჭიროს ტრანსგენდერი და არაბინარული ადამიანების გენდერის დადასტურების პროცედურას, რაც მოიცავს