9 და 10 აპრილს, 14:00 საათიდან, ღვინის ქარხანაში უკრაინის მხარდასაჭერად საქველმოქმედო ღონისძიება გაიმართება. თუ შაბათ-კვირის სასიამოვნოდ გატარება, ლამაზი ნივთების შეძენა და უკრაინელი ხალხის მხარდაჭერა გსურთ, ეს ღონისძიება არ უნდა გამოტოვოთ. „ამ მძიმე
ქვიარ აქტივისტმა ლუკა აბლოთიამ ახალი ქვიარ პლატფორმა — Paints Georgia შექმნა, რომელიც ქვიარ ადამიანების ხმების გაჟღერებას და თემის სოციალურად გაჭირვებული წევრების დახმარებას ისახავს მიზნად. ლუკა აბლოთიამ ქვიართან საუბრისას აღნიშნა, რომ პლატფორმის შექმნის იდეა ტიკტოკ აქტივობიდან დაიწყო, სადაც გამომწერებს ლგბტქი უფლებებზე
ქვიარ აქტივისტმა ლუკა აბლოთიამ ახალი ქვიარ პლატფორმა — Paints Georgia შექმნა, რომელიც ქვიარ ადამიანების ხმების გაჟღერებას და თემის სოციალურად გაჭირვებული წევრების დახმარებას ისახავს მიზნად.
ლუკა აბლოთიამ ქვიართან საუბრისას აღნიშნა, რომ პლატფორმის შექმნის იდეა ტიკტოკ აქტივობიდან დაიწყო, სადაც გამომწერებს ლგბტქი უფლებებზე ესაუბრებოდა, თუმცა გადაწყვიტა, შეექმნა ონლაინ სივრცე, რომელიც სრულად აღნიშნულ საკითხებს დაეთმობოდა.
„მიუხედავად იმისა, რომ სულ უფრო მეტი ონლაინ გვერდი თუ ორგანიზაცია საუბრობს ქვიარ ადამიანებზე, მაინც არის ბევრი, ვისაც ინფორმაცია არ აქვს, ამიტომ მიმაჩნია, რომ ამაზე უფრო და უფრო მეტი ადამიანი, ორგანიზაცია, პლატფორმა თუ სამოქალაქო მოძრაობა უნდა საუბრობდეს“ — ამბობს ლუკა.
მისი თქმით, სახელი Paints (საღებავები) იმიტომ შეარჩია, რომ „ყველა ადამიანი საღებავია ამ სამყაროში, რაც ამ სამყაროს ფერებით ღებავს და მრავალფეროვანს ხდის“.
ლუკა აბლოთია აღნიშნავს, რომ საღებავების უპირველესი მიზანი ფონდის გაკეთება იყო, რადგან ქვეყანაში მრავალი სოციალურად დაუცველი ადამიანია და ეს განსაკუთრებით მძაფრი გამოწვევაა ლგბტქი ადამიანებისა და ქალებისთვის, ამიტომ უნდოდა, მცირედი დახმარება მაინც გაეწია.
„მე და ერთმა ტრანსგენდერმა ადამიანმა გადავწყვიტეთ, გაგვეკეთებინა ასეთი ფონდი, რომელიც დახმარებას გაუწევდა ქვიარებს. თემი რამდენიმე წევრს უკვე დავეხმარეთ, ასევე, გვინდა, რომ დავეხმაროთ ქალებს. ჯერ-ჯერობით ამ ფონდს მე, დედაჩემი და ჩემი რამდენიმე ნათესავი ვაფინანსებთ, რომლებიც ქვიარების დასახმარებლად მზად არიან. გვქონდა თემის წევრების შემოწირულებებიც. ჩვენ სახალხო ორგანიზაცია ვართ, რომელიც ადამიანების საერთო იდეისთვის გაერთიანებას ისახავს მიზნად“, — აღნიშნავს ლუკა.
მისი თქმით, თემის წევრების აქტიურობა აუცილებელია, თუმცა ამას ის მოცემულობა ართულებს, რომ მრავალი ადამიანი საკუთარ იდენტობაზე ღიად არ საუბრობს, ამიტომ გადაწყვიტეს, ანონიმური facebook პოსტების სახით სხვადასხვა გამოცდილების მქონე ადამიანების სათქმელი გაეჟღერებინათ.
Paints Georgia-ის იდეის ავტორის თქმით, საახალწლოდაც აპირებენ კამპანიას, რომელიც მიზნად დაისახავს სოციალურად შეჭირვებული ქვიარ ადამიანების საკვებით ან ფულად უზრუნველყოფას.
9 და 10 აპრილს, 14:00 საათიდან, ღვინის ქარხანაში უკრაინის მხარდასაჭერად საქველმოქმედო ღონისძიება გაიმართება.
თუ შაბათ-კვირის სასიამოვნოდ გატარება, ლამაზი ნივთების შეძენა და უკრაინელი ხალხის მხარდაჭერა გსურთ, ეს ღონისძიება არ უნდა გამოტოვოთ.
„ამ მძიმე ამბების ფონზე, მნიშვნელოვანია, ჩვენი მხრიდან ჰუმანიტარულ დახმარებას სისტემატური სახე მივცეთ“ — ღვინის ქარხანა
ღონისძიების მიზანი ჰუმანიტარული ტვირთის შესაძენად თანხის შეგროვება, არსებულ რესურსებთან დაკავშირებით ინფორმაციის გავრცელება-გაცვლა, საქართველოში მყოფი უკრაინელების მხარდაჭერა და უკრაინისთვის ორგანიზაციების, ინდივიდების, ბიზნესების გაერთინებაა.
ადგილზე დაგხვდებათ საუკეთესო ქართული ვენდორები, ფუდმარკეტი, ღვინო და კოქტეილები, სახალისო აქტივობები ბავშვებისათვის და რაც მთავარია – უკრაინული მუსიკა.
შემოსული თანხა უკრაინელი ხალხისთვის ჰუმანიტარული დახმარების შეძენას მოხმარდება.
