ქალთა ინიციატივების მხარდამჭერი ჯგუფი

6-9 ოქტომბერს WISG-ის ფემინისტური ფორუმი გაიმართება

2022 წლის 6-9 ოქტომბერს, ქალთა ინიციატივების მხარდამჭერი ჯგუფის (WISG) ორგანიზებით, თბილისში ფემინისტური ფორუმი გაიმართება. ფემინისტური ფორუმი უსაფრთხო სივრცისა და ინტერდისციპლინური ქსელის შექმნის ინიციატივაა, რომელიც სოციალურ თეორიასა და პრაქტიკაზე ფემინისტური რეფლექსიის მიზნით მკვლევრებს,

“როზადან სიმონამდე” — ფემინისტური ფილმების ფესტივალი

ქალთა ინიციატივების მხარდამჭერი ჯგუფი (WISG) ფემინისტური ფილმების ფესტივალს, როზადან სიმონამდე აწყობს. აღნიშნული ფესტივალის 2023 წლის გამოშვების მთავარ თემად კინოს გადაღება, როგორც ფემინისტური წინააღმდეგობა სახელდება. საფესტივალო ჩვენებები 3, 4 და 5 მარტს, კინოთეატრ ამირანის მესამე დარბაზში გაიმართება. დასწრება თავისუფალია. WISG-ის მიერ დაანონსებული ღონისძიებაში

სათემო ორგანიზაციები: გენდერის სამართლებრივად არ აღიარების გამო ტრანს ქალები ძალადობის მსხვერპლთა კომპენსაციით ვერ ისარგებლებენ

ლგბტქი სათემო ორგანიზაციების საქართველოს მთავრობის მიერ „ქალთა მიმართ ძალადობის ან/და ოჯახში ძალადობის მსხვერპლისათვის გასაცემი კომპენსაციის ოდენობის განსაზღვრისა და გაცემის წესის“ დამტკიცებას გამოეხმაურნენ, რომლით სარგებლობასაც

“როზადან სიმონამდე” — ფემინისტური ფილმების ფესტივალი

ქალთა ინიციატივების მხარდამჭერი ჯგუფი (WISG) ფემინისტური ფილმების ფესტივალს, როზადან სიმონამდე აწყობს. აღნიშნული ფესტივალის 2023 წლის გამოშვების მთავარ თემად კინოს გადაღება, როგორც ფემინისტური წინააღმდეგობა სახელდება. საფესტივალო ჩვენებები 3, 4 და 5 მარტს, კინოთეატრ ამირანის მესამე დარბაზში გაიმართება. დასწრება თავისუფალია.

WISG-ის მიერ დაანონსებული ღონისძიებაში არსებული ინფორმაციის თანახმად, ფემინისტური ეთიკისათვის ერთ-ერთი მნიშვნელოვანი საკითხია ის, თუ ვინ და როგორ ახდენს ქალთა გამოცდილების დოკუმენტირებას და რეპრეზენტაციას. ამ კონტექსტში, გამოცდილების პოლიტიკა არის წინააღმდეგობა, რომელიც, ქალთა ხმის წარმოჩენით, აზროვნების ჰეგემონიური ფორმების გადააზრებისა და მისგან გათავისუფლებისკენ არის მიმართული.

წლევანდელი კინოპროგრამა ფოკუსში აქცევს ქალი და არაბინარული რეჟისორების ნამუშევრებს, რომლებშიც ავტორები საკუთარი და პროტაგონისტების გამოცდილების უნიკალურ რეპრეზენტაციას გვთავაზობენ. ფესტივალის განმავლობაში, აუდიტორიას მონაწილე რეჟისორებთან ერთად შეეძლება იმსჯელოს ფილმის გადაღების, როგორც გამოცდილების დოკუმენტირების, ალტერნატიული მეხსიერების წარმოების, იდენტობის რეპრეზენტირების, დროსა და სივრცეში დაშორებულ ქალებს შორის დიალოგის შესახებ.
WISG-ის განმარტებით, ეს შინაარსები განსაკუთრებით წინააღმდეგობრივი ხდება მოცემულ დომინანტურ წესრიგში, რომელიც პროგრესის, განვითარებისა და თავისუფლების სწორხაზოვან, აისტორიულ და ცარიელ მნიშვნელობებს გვთავაზობს.
წლევანდელ პროგრამას ქალთა ინიციატივების მხარდამჭერი ჯგუფი კამპანიის ფარგლებში გადაკვეთის წერტილები – რატომ გვჭირდება ინტერსექციული ფემინიზმი? წარმოგიდეგენთ.
გაეცანით ფესტივალის დღის წესრიგს:
3 მარტი
ფემინისტური ფილმების ფესტივალის “როზადან სიმონამდე” 2023 წლის პროგრამა დოკუმენტალისტ ლია ჯაყელის ფილმების ჩვენებით გაიხსნება და ქვიარ საკითხებზე რეჟისორის მუშაობის მრავალწლიან პერიოდს წარმოგვიდგენს.
“ვაჩნაძის ქუჩის” (2015) რეტროსპექტიული და “დადუ და ლანას” (2022) საპრემიერო ჩვენების შემდეგ, ლია ჯაყელს კინოს გადაღების, როგორც ფემინისტური წინააღმდეგობის პრაქტიკაზე, შემოქმედებით და აქტივისტურ გამოცდილებებსა და ხედვაზე ესაუბრებიან.
17:00-17:15
ფესტივალის გახსნა და მისალმება
17:15 – 17:55
ვაჩნაძის ქუჩა – ლია ჯაყელი (2015, 40’, საქართველო)
17:55 – 18:10
შესვენება
18:10 – 18:30 – საპრემიერო ჩვენება
დადუ და ლანა – ლია ჯაყელი (2022, 20’, საქართველო)
18:30 – 19:00
საუბარი დოკუმენტალისტ ლია ჯაყელთან
4 მარტი
“როცა მსოფლიო პირდაპირ ეთერში, ონლაინ ტრანსლირებულ სიკვდილს უყურებს”, კინოს გადაღება რეალობასთან კიდევ უფრო რადიკალურ მიმართებაში დგება.
4 მარტს პირველ სეანსად წარმოდგენილი დოკუმენტური ფილმების ავტორები სვამენ კითხვებს იმაზე, თუ რისი გადაღება და ჩვენებაა საჭირო და შესაძლებელი ომის და დევნილობის გამოუთქმელ გამოცდილებაში, რომელ არქივში ვეძებთ და რომელ კადრებში ვძერწავთ იდენტობებს, რომელიც ხელიდან მუდმივად გვისხლტება.
მეორე სეანსი აერთიანებს კინოწერილებს, რომელთა ავტორებს ადრესატებთან – გარდაცვლილ და დაუბადებელ, რეალურ და ფიქციურ თანამოსაუბრეებთან – ეპოქები და ნათესაობა, სახმელეთო საზღვრები და ციხის გისოსები აშორებს და აახლოვებს.
პირველი სესია
17:00-17:10
შესავალი სიტყვა
17:10 – 17:30
თხრა – ოკსანა კაზმინა (2022, 20’, უკრაინა)
17:30 – 17:40
ამინდის პროგნოზი – კამილა იანარი (2022, 9, უკრაინა)
17:40-18:00
შესვენება
18:00 – 18:10
ძიაპშიპად ყოფნის შესახებ – ანნა ძიაპშიპა (2018, 10’, საქართველო)
18:10-18:30
საუბარი ანნა ძიაპშიპასთან
18:30-19:00
შესვენება
მეორე სესია
19:00-19:15
გუმანით გრძნობა: ჭეშმარიტების ფრაგმენტები – კატაიუნ ჯალილიპური (2021, 12′, ირანი)
19:15-19:30
ბეღურა თავისუფალია – ნიკი კოჰანდელი (2021, 14′, ირანი)
19:30-19:55
დედას გარგრის კომპოტი – ნია ფეკრი (2020, 24′, ირანი)
19:55-20:00
წერილი დაუბადებელ ბავშვს – სეფიდე ფარსი (1988/2015, 4′, ირანი)
5 მარტი
ანიმაციური და დოკუმენტური ფილმები პროგრამიდან “ფილმები ირანიდან და ირანისთვის”, შედგენილი ფემინისტური ონლაინ გამოცემა Another gaze-ის მიერ.
17:00 – 17:10
მინუეტი გაუჩინარებისთვის – მაამან რეზაე (2016, 6′, ირანი)
17:10 – 17:15
და მათი თვალები არ გვიყურებდა – მაამან რეზაე (2022, 2′, ირანი)
17:15 – 18:00
აბრეშუმის ოცნება – ნაჰიდ რეზაეი (2003, 43′, ირანი)
18:00-18:30
შესვენება
18:30 – 19:55
ჰერათი – სეფიდე ფარსი (2007, 85′, ირანი)

სათემო ორგანიზაციები: გენდერის სამართლებრივად არ აღიარების გამო ტრანს ქალები ძალადობის მსხვერპლთა კომპენსაციით ვერ ისარგებლებენ

ლგბტქი სათემო ორგანიზაციების საქართველოს მთავრობის მიერ „ქალთა მიმართ ძალადობის ან/და ოჯახში ძალადობის მსხვერპლისათვის გასაცემი კომპენსაციის ოდენობის განსაზღვრისა და გაცემის წესის“ დამტკიცებას გამოეხმაურნენ, რომლით სარგებლობასაც ტრანსგენდერი ქალები ვერ შეძლებენ. 

მთავრობის მიერ დამტკიცებული წესის თანახმად, ქალთა მიმართ ძალადობის მსხვერპლი განმარტებულია, როგორც „პირი, რომელიც საქართველოს სისხლის სამართლის საპროცესო კანონმდებლობის შესაბამისად ცნობილია დაზარალებულად საქართველოს სისხლის სამართლის კოდექსით გათვალისწინებულ გენდერული ნიშნით ქალის მიმართ ჩადენილ დანაშაულში და რომელმაც უშუალოდ მიიღო ჯანმრთელობის დაზიანება ან რომელიც გენდერული ნიშნით ქალის მიმართ ჩადენილი დანაშაულის შედეგად გარდაიცვალა“. დამტკიცებული წესის მიხედვით, ჯანმრთელობის დაზიანებად განიხილება ფსიქიკური ტანჯვით მიყენებული ფსიქოლოგიური ზიანიც. 

ლგბტქი სათემო ორგანიზაციების განცხადებაში ნათქვამია, რომ საქართველოში ტრანს ადამიანებისთვის თვითიდენტიფიკაციაზე დაფუძნებული გენდერის სამართლებრივი აღიარების მექანიზმი არ არსებობს, რაც ძალადობის მსხვერპლ ტრანსგენდერ ქალებს კომპენსაციით სარგებლობის შესაძლებლობას ართმევს. 

“დამკვიდრებული პრაქტიკის თანახმად, ტრანს ადამიანი, რომელიც სქესის დამადასტურებელ ქირურგიულ ოპერაციას ჩაიტარებს და აღნიშნულის დამადასტურებელ ცნობას სამედიცინო დაწესებულებიდან სახელმწიფო სერვისების განვითარების სააგენტოს წარუდგენს, ნებისმიერი დამატებითი ექსპერტიზის გარეშე, მარტივად იცვლის სქესის აღმნიშვნელ ჩანაწერს დაბადების სააქტო ჩანაწერში. რაც შეეხება ტრანს ადამიანებს, ვისაც ქირურგიული ოპერაციის ჩატარება არ სურთ, ან ჯანმრთელობის მდგომარეობის გათვალისწინებით ქირურგიული ოპერაციის ჩატარება არ შეუძლიათ, ან ამ ძვირადღირებული ოპერაციისთვის საჭირო მატერიალური რესურსი არ გააჩნიათ, დამკვიდრებული პრაქტიკით გენდერის სამართლებრივი აღიარების უფლება შეზღუდული აქვთ”, — აღნიშნულია განცხადებაში. 

განცხადების ხელმომწერი ორგანიზაციები: თანასწორობის მოძრაობა, ქალთა ინიციატივების მხარდამჭერი ჯგუფი, პერიფერია და თემიდა სახელმწიფოს ახსენებენ, რომ სტამბულის კონვენციის ხელმოწერისას ნაკისრი ვალდებულების 30-ე მუხლის შესრულების მიუხედავად, “არ ასრულებს სტამბულის კონვენციის მე-4 მუხლით გათვალისწინებულ შეთანხმებას იმაზე, რომ მსხვერპლთა უფლებების დამცველი ზომების მიღება ნებისმიერი (მათ შორის, გენდერული იდენტობის) ნიშნით დისკრიმინაციის გარეშე უნდა იყოს უზრუნველყოფილი“. 

განცხადების ხელმომწერები აღნიშნავენ იმასაც, რომ ქვეყანაში ტრანსგენდერ ქალებს ხელი არ მიუწვდებათ ძალადობის აღკვეთის და ძალადობის მსხვერპლთა დაცვისა და დახმარების ადმინისტრაციულ გარანტიებზეც. 

ლგბტქი სათემო ორგანიზაციები საქართველოს პარლამენტს საქართველოში მცხოვრები ტრანს ადამიანებისა და სათემო ორგანიზაციების აქტიური ჩართულობით თვითიდენტიფიკაციაზე დაფუძნებული გენდერის სამართლებრივი საკანონმდებლო მექანიზმის შემუშავებისკენ, საქართველოს მთავრობას თვითიდენტიფიცირებაზე დაფუძნებული საკანონმდებლო და ადმინისტრაციული მექანიზმის აღსრულების უწყებათა ინტერსექტორული თანამშრომლობით მხარდაჭერისკენ, ხოლო იუსტიციის სამინისტროს თვითიდენტიფიცირებაზე დაფუძნებული გენდერის სამართლებრივი აღიარების სწრაფი, გამჭვირვალე და ხელმისაწვდომი ადმინისტრაციული პროცედურების შემუშავებისა და შექმნისკენ მოუწოდებენ.

6-9 ოქტომბერს WISG-ის ფემინისტური ფორუმი გაიმართება

2022 წლის 6-9 ოქტომბერს, ქალთა ინიციატივების მხარდამჭერი ჯგუფის (WISG) ორგანიზებით, თბილისში ფემინისტური ფორუმი გაიმართება.

ფემინისტური ფორუმი უსაფრთხო სივრცისა და ინტერდისციპლინური ქსელის შექმნის ინიციატივაა, რომელიც სოციალურ თეორიასა და პრაქტიკაზე ფემინისტური რეფლექსიის მიზნით მკვლევრებს, აქტივისტებს, სტუდენტებს, სათემო და სახელოვნებო ორგანიზაციებისა და ფორმალური და არაფორმალური კოლექტივების წევრებს ერთმანეთთან დააკავშირებს.

“ფემინისტური ფორუმის მიზანს ცოდნის, გამოცდილებისა და იდეების გაზიარების, კრიტიკული ანალიზისა და მსჯელობისთვის უსაფრთხო სივრცის შექმნის გზით, ინტერსექციური და სოლიდარობაზე დაფუძნებული თანამშრომლობის ხელშეწყობა წარმოადგენს“, — ვკითხულობთ WISG-ის ღონისძიების აღწერაში.

ღონისძიების აღწერაში ასევე ნათქვამია, რომ წლევანდელი ფორუმი განსაკუთრებით საყურადღებოა “ფემინისტი და ქვიარ აქტივისტებისა და მათთვის, ვისაც აინტერესებს კულტურის კვლევების, ფსიქოლოგიის, ურბანისტიკის, ეკოლოგიის და ორგანიზაციული განვითარების მიმართულებით სოციალური კვლევის გენდერული ასპექტები”.

თუ ფემინისტურ ფორუმში მონაწილეობა გსურთ, 30 სექტემბრამდე სარეგისტრაციო ფორმა უნდა შეავსოთ. გაითვალისწინეთ, რომ შერჩევისას უპირატესობა მიენიჭებათ იმ ადამიანებს, რომლებიც ფორუმზე სრულად დასწრებას გეგმავენ.

ღონისძიება ქალთა ფონდთან თანამშრომლობით და ჰაინრიხ ბიოლის ფონდის თბილისის ოფისის მხარდაჭერით ტარდება. ფორუმის შესახებ დეტალური ინფორმაციისა და დღის წესრიგის სრულად ნახვა WISG-ის ვებგვერდზე შეგიძლიათ.