პარასკევს, რუმინულმა უფლებადამცველმა ჯგუფებმა დაგმეს სენატის მიერ დამტკიცებული კანონპროექტი, რომელიც სკოლებში ე.წ ,,გეი პროპაგანდას” კრძალავს. მათ აღნიშნეს, რომ ეს ლგბტქი თემის მიმართ დისკრიმინაციის პირდაპირი ლეგიტიმაციაა, რაც უნგრეთისა და რუსეთის დღევანდელ რეალობას ასახავს.
უნგრეთი ლგბტქი საკითხებისა და მედიის თავისუფლების ამკრძალავი კანონის გამო ევროპის უზენაესი სასამართლოს წინაშე წარსდგება. ევროკავშირი უკვე ერთი წელია აქტიურად მუშაობს, რათა უნგრეთმა შეცვალოს ისეთი მასალების აკრძალვის შესახებ კანონი, რომელიც ჰომოსექსუალობის საკითხებს ასახავს. ევროკომისიის თქმით, აღნიშნული მიდგომა „ადამიანების სექსუალური ორიენტაციისა და
Human Rights Watch-ის ცნობით, 1 ოქტომბერს, უნგრელი ლესბოსელი აქტივისტები ევროცენტრალური აზიის ლესბოსელების* თემის (EL*C) კონფერენციის ბოლო დღეს, რიგით მეორე ლესბოსელთა მარშს გამართავენ. Human Rights
Human Rights Watch-ის ცნობით, 1 ოქტომბერს, უნგრელი ლესბოსელი აქტივისტები ევროცენტრალური აზიის ლესბოსელების* თემის (EL*C) კონფერენციის ბოლო დღეს, რიგით მეორე ლესბოსელთა მარშს გამართავენ. Human Rights Watch წერს, რომ წლევანდელი კონფერენცია სახელწოდებით “ლესბოსელთა წინააღმდეგობა” სერბეთის მხრიდან ევროპრაიდი 2022-ის აკრძალვის მცდელობისა და იმ უკანასკნელი ორწლიანი პრაიდ მარშების თავდასხმების შემდეგ გაიხსნება, რომლებიც საქართველოში, ბულგარეთში, რუმინეთში, სერბეთში, თურქეთსა და უკრაინაში მოხდა.
Human Rights Watch-ის განცხადებაში აღნიშნულია, რომ უნგრეთში ევროცენტრალური აზიის ლესბოსელების* თემის კონფერენცია ხელისუფლების მხრიდან ლესბოსელთა აქტივიზმის მუდმივი შევიწროების ფონზე ტარდება. თებერვალში, სააპელაციო სასამართლომ ლაბრისის ლესბოსელთა ასოციაციის წინააღმდეგ გადაწყვეტილება მიიღო და დაადგინა, რომ პროსამთავრობო გაზეთში გამოქვეყნებული სტატია, რომელშიც ლესბოსელი აქტივისტები პედოფილებს შეადარეს, მათ რეპუტაციას არ აზიანებს.
2021 წლის ივნისში, უნგრეთის კანონის მიხედვით, ბავშვებისთვის “ნებისმიერი შინაარსის ჩვენება, რომელიც ხელს უწყობს, ან ასახავს სქესის შეცვლას ან ჰომოსექსუალობას” კრიმინალიზებული იყო. ის მოსაზრება, რომ პედოფილია დაკავშირებულია ლგბტქი უფლებებთან, მცდარია. 2021 წლის აგვისტოში მთავრობის დადგენილებამ მომხმარებელს შეუზღუდა წვდომა საბავშვო წიგნებზე “ზღაპარი ყველასთვის”, რომელიც 2020 წელს ლაბრისის ლესბოსელთა ასოციაციის მიერ გამოქვეყნდა და მასში გადმოცემულია ტრადიციული ქვიარ ზღაპრები ფემინისტი პერსონაჟებით. ახალი მოთხოვნის შესაბამისად, წიგნები, რომლებიც ჰომოსექსულაობასთან იყო დაკავშირებული, “დახურულ შეფუთვაში” იყიდებოდა.
“ბუდაპეშტში კონფერენციის ჩატარება ჩვენთვის ბევრს ნიშნავს. 1999 წლიდან ლაბრისი სექსუალური უმცირესობის წარმომადგენელი ქალების პოლიტიკური ჩაგვრის წინააღმდეგ იბრძვის. ამჟამინდელი ხელისუფლების პირობებში მეტი შრომა გვიწევს, ვიდრე ოდესმე. ვიმედოვნებთ, კონფერენცია სიგნალს გაუგზავნის მთავრობას, რომ ლესბოსელთა წინააღმდეგობა ძლიერია და არასდროს დადუმდება“, — განაცხადა ლაბრისის აქტივისტმა, დოროტია რედაიმ.
ევროცენტრალური აზიის ლესბოსელების* თემის კონფერენცია და ლესბოსელთა მარში მიგრანტების, ლტოლვილების, ბოშათა თემებისა და უმცირესობების უფლებების წინ წამოწევას ისახავს მიზნად. 2018 წელს, უნგრეთის მიერ მიგრანტებისა და ლტოლვილების უფლებების დამცველთა კრიმინალიზების პირობებში, შესაძლოა, ორგანიზატორები რისკის ქვეშ აღმოჩნდნენ. ეს კანონი, რომელიც გაეროს რამდენიმე სპეციალურმა მომხსენებელმა და ევროკავშირის იუსტიციის სასამართლომ ევროკავშირის კანონმდებლობის დარღვევად დაადგინა, დღემდე ძალაში რჩება.
“ქვიარების, ფემინისტების, მიგრანტებისა და უმცირესობების უფლებების დაცვასთან დაკავშირებული შეტევების გათვალისწინებით, ხელისუფლებამ უნდა უზრუნველყოს შეკრების, გაერთიანებისა და გამოხატვის თავისუფლების დაცვა კონფერენციისა და ლესბოსელთა მარშის მიმდინარეობისას და გააუქმოს კანონები, რომლებიც აქტივისტებისა და უფლებადამცველების მუშაობის კრიმინალიზებას ახდენს”, — აღნიშნულია Human Rights Watch-ის განცხადებაში.
უნგრეთი ლგბტქი საკითხებისა და მედიის თავისუფლების ამკრძალავი კანონის გამო ევროპის უზენაესი სასამართლოს წინაშე წარსდგება.
ევროკავშირი უკვე ერთი წელია აქტიურად მუშაობს, რათა უნგრეთმა შეცვალოს ისეთი მასალების აკრძალვის შესახებ კანონი, რომელიც ჰომოსექსუალობის საკითხებს ასახავს. ევროკომისიის თქმით, აღნიშნული მიდგომა „ადამიანების სექსუალური ორიენტაციისა და გენდერული იდენტობის ნიშნით დისკრიმინაციას ეწევა“.
„კომისია მიიჩნევს, რომ კანონი შიდა ბაზრის წესებსა და ინდივიდის (კონკრეტულად კი ლგბტქი ადამიანების) ფუნდამენტურ უფლებებს არღვევს, რომელსაც ევროკავშირი აღიარებს“, — ნათქვამია განცხადებაში.
აღნიშნული გადაწყვეტილება იმ ხანგრძლივი პოლიტიკური დაპირისპირების ბოლო ეპიზოდია, რომელშიც ოფიციალური ბრიუსელის თქმით, უნგრეთის პრემიერ მინისტრმა ვიქტორ ორბანმა შეგნებულად გადაუხვია დასავლური დემოკრატიის ღირებულებებს, უნგრეთის ლიდერი კი თვლის, რომ ევროკომისიის მიდგომა, რომლითაც საერთაშორისო პოლიტიკის წარმოებისას ხელმძღვანელობს ზედმეტად ლიბერალურია.
გასულ წელს, უნგრეთის მემარჯვენე მმართველმა ძალამ მედიით ჰომოსექსუალობისა და სქესის კვლავ მინიჭების საკითხების გაჟღერება აკრძალა, აღნიშნული ცვლილების სამიზნე 18 წლამდე მოზარდები იყვნენ. გარდა ამისა, ჰომოსექსუალობის შესახებ ინფორმაცია სასკოლო სქესობრივი განათლების პროგრამიდან და იმ ფილმებიდან თუ რეკლამებიდანაც ამოიღეს, რომელიც არასრულწლოვნებისთვის ხელმისაწვდომია.
ახალ კანონს ქვეყნის დედაქალაქში მასშტაბური საპროტესტო აქციები მოჰყვა. უფლებადაცვითი ორგანიზაციები აცხადებდნენ, რომ ცვლილება ლგბტქი ადამიანების საზიანოდ სტიგმის გაძლიერებას უწყობს ხელს.
ევროკომისიის პრეზიდენტმა, ურსულა ფონ დერ ლაიენმა კანონს დაუყოვნებლივ უწოდა — „სამარცხვინო“ და პრაიდის თვეში განაცხადა, რომ აღნიშნულ გადაწყვეტილებას სამართლებრივ პასუხს გასცემდნენ.
წყარო: NBC News
პარასკევს, რუმინულმა უფლებადამცველმა ჯგუფებმა დაგმეს სენატის მიერ დამტკიცებული კანონპროექტი, რომელიც სკოლებში ე.წ ,,გეი პროპაგანდას” კრძალავს. მათ აღნიშნეს, რომ ეს ლგბტქი თემის მიმართ დისკრიმინაციის პირდაპირი ლეგიტიმაციაა, რაც უნგრეთისა და რუსეთის დღევანდელ რეალობას ასახავს.
ჯგუფებმა პარლამენტის ქვედა პალატას, რომელსაც საბოლოო სიტყვა ეკუთვნის, კანონპროექტის უარყოფისკენ მოუწოდეს. კანონპროექტი სკოლებში ჰომოსექსუალობისა და გენდერული ცვლილებების ხელშეწყობის მასალების გამოყენებას კრძალავს.
რამდენიმე უნგრელმა დეპუტატმა უმცროსი მმართველი კოალიციური პარტიიდან, რომლებიც კანონპროექტის ინიციატორები იყვნენ, ამბობდნენ, რომ ეს ბავშვებზე ძალადობის თავიდან აცილებას შეუწყობდა ხელს. ამას მწვავე კრიტიკა მოჰყვა ევროკომისიის მხრიდან და საქმე სასამართლომდე მივიდა.
„ბუდაპეშტის განათლების სისტემაში არსებული ცენზურა არ უნდა განმეორდეს ბუქარესტში, რუმინეთმა თავი უნდა აარიდოს არალიბერალურ პროპაგანდას, რაც მკაცრად კონტროლდება ევროკავშირის მიერ. სექსუალური ორიენტაციისა და გენდერული იდენტობის შესახებ ინფორმაციის ცენზურის გზით მიღება რუმინეთის სირცხვილია, ამიტომ ქვედა პალატამ მხარი უნდა დაუჭიროს დისკრიმინაციის წაქეზების შეჩერებას“, — განაცხადა ლგბტქი უფლებების ჯგუფმა ACCEPT.
ACCEPT და ადგილობრივი ლგბტქი უფლებების დამცველი ჯგუფი MozaiQ შიშობენ, რომ ცვლილებები ლგბტქი თემის შესახებ ფილმებისა და სიახლეების ცენზურასა და საჯარო მსვლელობების და ღონისძიებების შეზღუდვას გამოიწვევს.
