2022 წლის ნობელის პრემია ფიზიოლოგიის ან მედიცინის დარგში შვედ გენეტიკოსს, ბისექსუალ მეცნიერ სვანტე პააბოს გადაეცა. მისი აღმოჩენები გადაშენებული ჰომინინების გენომისა და ადამიანის ევოლუციის შესწავლას შეეხება და „კაცობრიობის ისტორიის შესახებ ახალ გაგებას გვთავაზობს“.
2022 წლის ნობელის პრემია ფიზიოლოგიის ან მედიცინის დარგში შვედ გენეტიკოსს, ბისექსუალ მეცნიერ სვანტე პააბოს გადაეცა. მისი აღმოჩენები გადაშენებული ჰომინინების გენომისა და ადამიანის ევოლუციის შესწავლას შეეხება და „კაცობრიობის ისტორიის შესახებ ახალ გაგებას გვთავაზობს“.
პააბომ შეძლო და ერთი შეხედვით შეუძლებელი აღმოჩენა გააკეთა. მან ადამიანის გადაშენებული ნათესავის, ნეანდერტალელის გენომი გაშიფრა.
„იმ გენეტიკური განსხვავებების მიგნებით, რომლებიც ადამიანებს გადაშენებული ჰომინინებისგან გამოარჩევს, მისი აღმოჩენები იმის საფუძველს იძლევა, რომ შევისწავლოთ, რა გვხდის ადამიანებს უნიკალურს“, — აღნიშნულია ნობელის პრემიის კომიტეტის განცხადებაში.
მისი საკაცობრიო მნიშვნელობის კვლევამ დასაბამი მისცა ახალ სამეცნიერო მიმართულებას, პალეოგენომიკას, ანუ დარგს, რომელიც გადაშენებული სახეობების დნმ-ის რეკონსტრუქციას მოიცავს.
პააბომ საკუთარი ბისექსუალობის შესახებ ღიად 2014 წლის წიგნში, “ნეანდერტალელი კაცი: დაკარგული გენების ძიებაში” ისაუბრა. მეცნიერმა საკუთარი სექსუალური ორიენტაციის შესახებ აღმოჩენა კალიფორნიის უნივერსიტეტში გააკეთა, იქამდე კი ფიქრობდა, რომ გეი იყო. მისი თქმით, უნივერსიტეტში სწავლისას გენეტიკურმა მეცნიერმა, ლინდა ვიგილანტმა მიიზიდა, თუმცა ამის მიზეზი მისი „ბიჭური შარმი“ იყო.
Don't Miss
5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი ფსიქიკური ჯანმრთელობის მდგომარეობას პერინატალურ პერიოდში.
სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43 წლის კაცი დააკავეს. ის დაკავებულია
6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში” ჩაიშალა. კრებული ქართველი მხატვრების მიერ მე-20 საუკუნის დასაწყისიდან დღემდე
28 თებერვალს ამერიკის ფსიქოლოგთა ასოციაციამ (APA) მიიღო მნიშვნელოვანი გადაწყვეტილება, მხარი დაუჭიროს ტრანსგენდერი და არაბინარული ადამიანების გენდერის დადასტურების პროცედურას, რაც მოიცავს