Safe You აპლიკაციაა, რომელიც კრიტიკულ სიტუაციებში ქალების დასახმარებლადაა განკუთვნილი. პროექტი ქალთა უფლებების დაცვის ორგანიზაცია საფარმა ევროკავშირის მხარდაჭერით შექმნა. აპლიკაციას ბევრი სხვადასხვა ფუნქცია აქვს, თუმცა მთავარი ალბათ მოძალადის წინააღმდეგ დარჩენილი ქალის დახმარებაა. Safe
ქალთა უფლებადამცველი ორგანიზაცია საფარის ცნობით, თავდაცვის სამინისტროს თანამშრომელი, რომელიც თანამშრომელ ქალს სექსუალურად ავიწროებდა, თანამდებობიდან გაათავისუფლეს. ორგანიზაცია წერს, რომ ეს არის პირველი შემთხვევა, როცა თავდაცვის სამინისტროს გენერალურმა ინსპექციამ სექსუალური შევიწროების ფაქტი დაადგინა. საფარმა თავდაცვის სამინისტროს გენერალურ ინსპექციას 25 აგვისტოს მიმართა და
Safe You აპლიკაციაა, რომელიც კრიტიკულ სიტუაციებში ქალების დასახმარებლადაა განკუთვნილი. პროექტი ქალთა უფლებების დაცვის ორგანიზაცია საფარმა ევროკავშირის მხარდაჭერით შექმნა.
აპლიკაციას ბევრი სხვადასხვა ფუნქცია აქვს, თუმცა მთავარი ალბათ მოძალადის წინააღმდეგ დარჩენილი ქალის დახმარებაა. Safe You შესაძლებლობას გაძლევთ აირჩიოთ სანდო პირები, მაგალითად, მეგობრები, რომლებსაც თქვენი SOS შეტყობინება მიუვათ, გამოიძახოთ პოლიცია ან დასახმარებლად არასამთავრობო ორგანიზაციების იურისტებს მიმართოთ. თუ არ გსურთ, სამართალდამცავ ორგანოებს შეატყობინოთ მომხდარის შესახებ, შეტყობინებას მხოლოდ თქვენ მიერ არჩეული სანდო პირები და ორგანიზაციები მიიღებენ.
აპლიკაცია აუდიოჩანაწერის შექმნის საშუალებასაც გაძლევთ, რომელიც შეიძლება მოძალადის წინააღმდეგ სასამართლო დავის დროს ან პოლიციაში წარსადგენად გამოგადგეთ. გარდა ამისა, Safe You-ს აქვს ფორუმი, რომელიც ქალთა მიმართ და ოჯახში ძალადობის თემაზე მომუშავე სხვადასხვა დარგის სპეციალისტსთან კითხვების დასმის საშუალებას იძლევა.
ამ ეტაპზე აპლიკაციას 20 000-მდე მომხმარებელი ჰყავს და 7 ფორუმს აერთიანებს:
აპლიკაციით სარგებლობისთვის საჭიროა დარეგისტრირდეთ ქართული ნომრით, ჩართული გქონდეთ ინტერნეტი და აპლიკაციას მისცეთ წვდომა ლოკაციასა და აუდიო/ფოტო გალერეაზე.
აღსანიშნავია ისიც, რომ საქართველოში მცხოვრებ უკრიანელ ქალებს შეუძლიათ მშობლიურ ენაზე ისარგებლონ აპლიკაციის ყველა სერვისით – დაწყებული SOS ღილაკით, დასრულებული თემატური ფორუმებით.
აპლიკაცია Safe You-ს გადმოსაწერად სულ რამდენიმე მარტივი ნაბიჯია საჭირო:
აპლიკაციის ჩამოტვირთვა შეგიძლიათ შემდეგი ბმულებითაც:
Android: https://bit.ly/318nSsl
ქალთა უფლებადამცველი ორგანიზაცია საფარის ცნობით, თავდაცვის სამინისტროს თანამშრომელი, რომელიც თანამშრომელ ქალს სექსუალურად ავიწროებდა, თანამდებობიდან გაათავისუფლეს. ორგანიზაცია წერს, რომ ეს არის პირველი შემთხვევა, როცა თავდაცვის სამინისტროს გენერალურმა ინსპექციამ სექსუალური შევიწროების ფაქტი დაადგინა.
საფარმა თავდაცვის სამინისტროს გენერალურ ინსპექციას 25 აგვისტოს მიმართა და რეაგირება მოსთხოვა. მომხდარის შესახებ ინფორმაცია სახალხო დამცველსაც მიაწოდეს. 9 სექტემბერს, გენინსპექციის პასუხის დაგვიანების შემდეგ, ორგანიზაციამ პრეკსონფერენცია გამართა და მომხდარი ფაქტის დეტალებზე ისაუბრა.
“საუბარია კაცზე, რომელიც მის დაქვემდებარებაში მყოფ ქალებს დისკრიმინაციულად ექცეოდა, შეურაცხმყოფელად მიმართავდა, სამუშაო სივრცეში შეუფერებელ, საფრთხის შემცველ და ღირსების შემლახველ გარემოს უქმნიდა. გარდა ამისა, არსებობს ერთ-ერთი თანამშრომელი ქალის სექსუალური შევიწროების დამადასტურებელი არაერთი მტკიცებულება. ამ ქალის მიმართ გენდერული ნიშნით დისკრიმინაცია გამოიკვეთა კიდევ 2 მაღალჩინოსნის მხრიდანაც”, — ნათქვამია განცხადებაში.
გათავისუფლების შესახებ განცხადება 22 სექტემბერს თავდაცვის სამინისტროს სტრატკომმა გაავრცელა.
