საქართველოში საზოგადოების ჰომოფობიური განწყობებიდან გამომდინარე, იშვიათად, მაგრამ მაინც შეხვდებით ცისარტყელას დროშებს, რომლებიც შეიძლება შენობების, ბარების აივნებიდან იყოს გადმოფენილი, ან თუნდაც, გამოსახული იყოს მაისურებსა და სტიკერებზე. ეს ხაზს უსვამს იმ ფაქტს, რომ სიყვარული
ტესტი — გამოიცანი ლგბტქი დროშები
ბრაზილიელ ჟურნალისტს, რომელიც კატარში მიმდინარე ფეხბურთის მსოფლიო ჩემპიონატს აშუქებდა, ბრაზილიის შტატის დროშა წაართვეს. ვიქტორ პერეირას განცხადებით, ეს მატჩის შემდეგ, სტადიონის დატოვებისას მოხდა. მისი თქმით,
ბრაზილიელ ჟურნალისტს, რომელიც კატარში მიმდინარე ფეხბურთის მსოფლიო ჩემპიონატს აშუქებდა, ბრაზილიის შტატის დროშა წაართვეს. ვიქტორ პერეირას განცხადებით, ეს მატჩის შემდეგ, სტადიონის დატოვებისას მოხდა. მისი თქმით, ადგილობრივებს შტატის დროშა ლგბტქი დროშაში აერიათ.
ვიქტორ პერეირა იხსენებს, რომ მას თეთრკაბიანი კაცი მიუახლოვდა, პერნამბუკუს დროშა გამოჰგლიჯა, ძირს დააგდო და ფეხით შედგა. მას შემდეგ, რაც ჟურნალისტმა ტელეფონი ამოიღო და ვიდეოს გადაღება სცადა, ადგილობრივმა ტელეფონიც წაართვა და უთხრა, რომ ტელეფონს მხოლოდ ვიდეოს წაშლის შემთხვევაში დაუბრუნებდა.
“შემდეგ ოფიცერი მოვიდა და ჩარევა სცადა. მან ბიჭს ტელეფონი გამოართვა და ვიდეოს წაშლა მიბრძანა”, — ამბობს პერეირა.
პერეირა პოლიციელის ბრძანებას დაემორჩილა. მისი თქმით, საჭირო იყო, დარწმუნებულიყო, რომ ტელეფონს დაიბრუნებდა და მუშაობის გაგრძელებას შეძლებდა.
Chegaram a pegar a bandeira de Pernambuco, jogaram no chão e pisaram. Quando algumas pessoas intervieram e amenizaram a situação.
O vídeo em que eu registro o que fizeram com a bandeira fui OBRIGADO a deletar! pic.twitter.com/WUti5vyL9D
— Victor Pereira (@ovictorpereira) November 22, 2022
ინციდენტის შესახებ ცნობილი სამშაბათს, 22 ნოემბერს გახდა, მას შემდეგ, რაც პერეირამ მომხდარის შესახებ ვიდეო ტვიტერზე განათავსა. ვიდეოს გამოქვეყნების შემდეგ, პერეირას მხარდაჭერა პერნამბუკუს გუბერნატორმა, პაულო კამარამ გამოუცხადა.
აღსანიშნავია, რომ კატარში ლგბტქი ურთიერთობები კრიმინალიზებულია და 7 წლამდე თავისუფლების აღკვეთას ითვალისწინებს. ისლამური შარიათის კანონით კი, ჰომოსექსუალ ადამიანებს, რიგ შემთხვევაში, სიკვდილით სჯიან.
საქართველოში საზოგადოების ჰომოფობიური განწყობებიდან გამომდინარე, იშვიათად, მაგრამ მაინც შეხვდებით ცისარტყელას დროშებს, რომლებიც შეიძლება შენობების, ბარების აივნებიდან იყოს გადმოფენილი, ან თუნდაც, გამოსახული იყოს მაისურებსა და სტიკერებზე. ეს ხაზს უსვამს იმ ფაქტს, რომ სიყვარული სიყვარულია და სხვა დანარჩენს ნაკლები ყურადღება ენიჭება.
საინტერესოა, ვინ შექმნა ცისარტყელას დროშა და როგორ გადაიქცა ის ლგბტქი თემის მთავარ სიმბოლოდ.
ცისარტყელას დროშა 1978 წელს სანფრანცისკოში შეიქმნა. მისი ავტორია მხატვარი, დიზაინერი, ვიეტნამის ომის ვეტერანი და დრეგ შემსრულებელი გილბერტ ბეიკერი. მოგვიანებით გაირკვა, რომ ლგბტქი საზოგადოების სიამაყის სიმბოლოს შექმნის იდეა გილბერტს გამოჩენილმა გეი პოლიტიკოსმა, ჰარვი მილქმა მიაწოდა, თუმცა დროშის შექმნაზე ის 2 წლით ადრე ფიქრობდა. გილბერტი შთაგონებული იყო 1976 წელს ამერიკის 200 წლის იუბილეს აღნიშვნის დღესასწაულებით და 2015 წლის ინტერვიუში თანამედროვე ხელოვნების მუზეუმთან თქვა, რომ დროშაზე გამოსახული ვარსკვლავებისა და ზოლების (აშშ-ს დროშა) ცქერამ, გააცნობიერებინა მსგავსი კულტურული საჭიროება გეი საზოგადოებისთვის.
როგორც დრეგ შემსრულებელი, რომელიც საკუთარი სამოსის დამზადებას იყო მიჩვეული, საკულტო სიმბოლოს შექმნა არ გასჭირვებია. იმ დროისთვის ყველაზე ხშირად ლგბტქი მოძრაობის სიმბოლოდ ვარდისფერ სამკუთხედს იყენებდნენ, რომლითაც ნაცისტები ჰომოსექსუალებს აიდენტიფიცირებდნენ. ბნელი და მტკივნეული წარსულის მქონე სიმბოლოს გამოყენება ბეიკერის არჩევანი არასდროს ყოფილა, ამიტომ საკუთარი შთაგონების წყაროდ ცისარტყელა აქცია.
თავდაპირველად, დროშა 8 ფერისგან შედგებოდა: ვარდისფერი, წითელი, სტაფილოსფერი, ყვითელი, მწვანე, ფირუზისფერი, ინდიგო და იასამნისფერი. მოგვიანებით რვაფერიან დროშას 2 ფერი გამოაკლდა. დროშის სხვადასხვა ფერი ერთიანობას ქმნიდა, რადგან ლგბტქი ადამიანები ყველა რასის, ასაკისა და სქესის წარმომადგენლები არიან, ხოლო ცისარტყელა ბუნებრივი და ლამაზია. თითოეული ფერი განსხვავებული მნიშვნელობის მატარებელი იყო:
30-მდე მოხალისესთან ერთად, რომლებიც სანფრანცისკოში, გეი საზოგადოების ცენტრის სხვენში მუშაობდნენ, ბეიკერმა ახლა უკვე მსოფლიოში ცნობილი ცისარტყელას დროშის პირველი ესკიზის შექმნა შეძლო. ის პირველად 1978 წლის 25 ივნისს, სანფრანცისკოს გეი აღლუმზე გამოჩნდა. დროშის გამოჩენის შემდეგ აღლუმის მონაწილეებმა ახალი სიმბოლო სოლიდარობის ნიშნად ამაყად ააფრიალეს.
გილბერტ ბეიკერმა დროშის დიზაინი Paramaount Flag Company-ში მიიტანა, რომელმაც დროშის ახალი ვერსია – ვარდისფერისა და ფირუზისფერის გარეშე, ლურჯი ფერის დამატებით გაყიდა.
1978 წლის 27 ნოემბერს, ჰარვი მილქის მკვლელობის შემდეგ, ცისარტყელას დროშებზე მოთხოვნა უფრო გაიზარდა. პოპულარობამ 10 წლის შემდეგაც იმატა, როდესაც დასავლეთ ჰოლივუდის მკვიდრმა თავის მემამულეს მისი რეზიდენციის გარეთ დროშის დაკიდების უფლებაზე უჩივლა.
ცისარტყელას დროშაზე მოთხოვნა წლების განმავლობაში იზრდებოდა და დიდი პოპულარობით სარგებლობდა, ახლა კი, ის მთელს მსოფლიოში ლგბტქი თემის პოზიტიურ სიმბოლოდ აღიქმება. მისი კილომეტრიანი ვერსია 2 მნიშვნელოვანი მოვლენის 25 წლის იუბილეს აღსანიშნად შექმნეს: სთოუნვოლის აჯანყებისა და ბეიკერის მიერ დროშის შექმნის დღეს.
გილბერტ ბეიკერი 2017 წლის 31 მარტს, 65 წლის ასაკში გარდაიცვალა, 2 წლის შემდეგ, რაც ამერიკის შეერთებულ შტატებში ერთი და იგივე სქესის წყვილთა ქორწინება ლეგალური გახდა. მისი დატოვებული მემკვიდრეობა ექვსფერიან დროშაში ცოცხლობს, რომელიც ლგბტქი პრაიდებზე ყოველ წელს ამაყად ფრიალებს.
