ევროპის საბჭოს საპარლამენტო ასამბლეამ აბორტის უფლების დაცვის შესახებ, მათ შორის, ქალთა უფლებადამცველთა, სერვისით მოსარგებლე მოქალაქეთა და ჯანდაცვის სერვისის მიმწოდებელი ორგანიზაციების დასაცავად რეზოლუცია მიიღო. რეზოლუციაში ნათქვამია, რომ ის ადამიანები, რომლებიც აბორტის უფლებით სარგებლობის
7 ივლისს, ევროსაბჭომ ახალი ანგარიში გამოაქვეყნა, რომელიც გენდერის სამართლებრივი აღიარების მიმართულებით ევროპის სახელმწიფოებში მიღწეულ შედეგებს აფასებს. ანგარიშში ნათქვამია, რომ „პროგრესი ნელია და დამატებითი ნაბიჯების გადადგმაა საჭირო“, ამასთან ახსნილია, რომ სახელმწიფოს აქვს პასუხისმგებლობა, საზოგადოებას, ოჯახის წევრებს მიაწოდოს ინფორმაცია, რომ გენდერის სამართლებრივ აღიარებას მათზე გავლენა არ აქვს და მოზარდის ინტერესები უპირატესია.
აღნიშნული ანგარიში 2010 წელს გაცემული რეკომენდაციების იმპლემენტაციის 10-წლიან გზას აფასებს და აღნიშნულია, რომ ევროპის ცალკეულ ქვეყნებში გენდერის სამართლებრივ აღიარებასთან დაკავშირებით განსხვავებული მდგომარეობაა.
„ევროსაბჭოს 38 წევრ ქვეყანას სამართლებრივი ან ადმინისტრაციული პროცედურები აქვს, რაც გენდერის სამართლებრივი აღიარების შესაძლებლობას იძლევა, 9 მათგანს კი ინდივიდუალურ გადაწყვეტილებაზე დაფუძნებული სისტემა აქვს. თუმცა, ქვეყნების ნაწილში გამართული პროცედურები არ არსებობს, ზოგიერთმა კი უკვე არსებული გარანტიების შეზღუდვით გენდერის სამართლებრივი აღიარება შეუძლებელი გახადა. ეს მდგომარეობა ტრანსგენდერ, ინტერსექს და არაბინარულ ადამიანებს ისეთი დოკუმენტების ქონას აიძულებს, რომელიც მათ დისკრიმინაციისა და ძალადობის წინაშე მეტად მოწყვლადს ხდის. ყოველივეს ზურგს უმაგრებს ზოგიერთ ქვეყანაში ტრასნგენდერი ადამიანების უფლებების საწინააღმდეგო მოსაზრებების გააქტიურება და საზოგადოების ნაკლებად ინფორმირება მათ წინაშე არსებული გამოწვევების შესახებ. ევროსაბჭოს 26 წევრ ქვეყანაში სამედიცინო დიაგნოზი გენდერის სამართლებრივი აღიარების წინაპირობაა, 13 სახელმწიფო კი სტერილიზაციას ითხოვს“, — ნათქვამია ევროსაბჭოს განცხადებაში.
ანგარიში საზიანო სამედიცინო წინაპირობების უარყოფისა და გენდერის სამართლებრივ აღიარებასთან დაკავშირებით დისკუსიის (მათ შორის, მოზარდთა ინტერესებთან დაკავშირებით) გააქტიურების რეკომენდაციას იძლევა.
Don't Miss
28 თებერვალს ამერიკის ფსიქოლოგთა ასოციაციამ (APA) მიიღო მნიშვნელოვანი გადაწყვეტილება, მხარი დაუჭიროს ტრანსგენდერი და არაბინარული ადამიანების გენდერის დადასტურების პროცედურას, რაც მოიცავს
1921 წლის 21 თებერვალს საქართველოს დამფუძნებელთა კრებამ ქვეყნის პირველი ძირითადი კანონი დაამტკიცა. ქვეყნის უზენაესი კანონი სახელმწიფოს პოლიტიკურ წყობად დემოკრატიულ რესპუბლიკას
არ გაგიკვირდეთ თუ ამ პუბლიკაციაში ზოგიერთი ტერმინის განმარტება ან ჟღერადობა კარგად ნაცნობისგან განსხვავებული აღმოჩნდება. ადამიანის სექსუალობის, სქესის და გენდერის შესახებ
მიმდინარე წლის ნოემბრის თვეში შპს “პოლიგრაფი”-ს დირექტორმა გოჩა კამკამიძემ დისკრიმინაციული მოტივით უარი თქვა ჟურნალ „ქვიარი“-ს ბეჭდვაზე. მან განაცხადა რომ
ევროპის საბჭოს საპარლამენტო ასამბლეამ აბორტის უფლების დაცვის შესახებ, მათ შორის, ქალთა უფლებადამცველთა, სერვისით მოსარგებლე მოქალაქეთა და ჯანდაცვის სერვისის მიმწოდებელი ორგანიზაციების დასაცავად რეზოლუცია მიიღო.
რეზოლუციაში ნათქვამია, რომ ის ადამიანები, რომლებიც აბორტის უფლებით სარგებლობის შესახებ საუბრობენ ან იყენებენ და სხვა ადამიანებისთვის უფლებით სარგებლობის შესაძლებლობას ქმნიან, თავდასხმის სამიზნეები არიან. ამასთან, არჩევანის თავისუფლების მოწინააღმდეგე ინდივიდები და ორგანიზაციები თავდამსხმელის როლში გვევლინებიან და საკუთარი საქმიანობის არჩევანის თავისუფლების მხარდამჭერ ქმედებად გასაღებას ცდილობენ.
რეზოლუციის თანახმად, „თავდასხმის ფორმები სტიგმატიზებას, მიკერძოებული, არასწორი ინფორმაციის მიწოდებას, ფსიქოლოგიურ ზეწოლას, მანიპულაციას, სირცხვილისა და დანაშაულის შეგრძნების გაღვივებას, მათ შორის, იმ კლინიკების მხრიდან ზეწოლას მოიცავს, რომლებსაც ქალები აბორტისთვის მიმართავენ. ეს ქმედებები არჩევანის თავისუფლების მოწინააღმდეგე იმ ინდივიდებისა და ორგანიზაციების მიერ არის წახალისებული, რომლებიც თავს სახელმწიფო უწყების თუ თავისუფალი არჩევანის უფლების დამცველებად ასაღებენ. ამასთან, თავისუფალი არჩევანის მხარდამჭერი აქტივისტები და ჯანდაცვის სფეროს წარმომადგენლები მუქარის, ონლაინ და რეალური შეურაცხყოფის, ცილისწამების კამპანიების, სამართლებრივი დევნის სამიზნე არიან“.
ასამბლეა შეშფოთებას გამოთქვამს იმ თავდასხმებისა და ძალადობის გამო, რომელიც აბორტის უფლებით მოსარგებლე ადამიანების, ჯანდაცვის პროფესიონალების, ასევე ქალთა უფლებადამცველებისკენ არის მიმართული და „კიდევ ერთხელ ამბობს, რომ ქალების სქესობრივი და რეპროდუქციული ჯანმრთელობისა და უფლებების დაცვა ადამიანთა უფლებების განუყოფელი ნაწილია და გენდერული თანასწორობის მიმართულებით ერთ-ერთი უმნიშვნელოვანესი პრიორიტეტი უნდა იყოს“.
ასამბლეა გმობს არჩევანის თავისუფლების წინააღმდეგ მიმართულ თავდასხმებს და ადამიანის ფუნდამენტური უფლებების შელახვას, მათ შორის, პირადი და ოჯახური ცხოვრების ხელშეუხებლობის უფლებების შელახვას, გამოხატვისა და შეკრების თავისუფლების შელახვას და რეზოლუციაში ნათქვამია, რომ „შესაძლოა, ეს თავდასხმა ქალთა უფლებებისა და გენდერული თანასწორობის წინააღმდეგ მიმართული ზოგადი ზეწოლის ნაწილიც იყოს, რასთან გამკლავებაც გლობალურ ამოცანად უნდა იქცეს“.
საპარლამენტო ასამბლეა ევროსაბჭოს წევრ ქვეყნებს მოუწოდებს, რომ კანონიერ აბორტზე ხელმისაწვდომობა და სწორი ინფორმაციის მიწოდება უზრუნველყონ, ამ გარანტიის შესაქმნელად კი სისხლის სამართლის ან სხვა სახის სანქციები დააწესონ. ამასთან, რეზოლუციაში ნათქვამია, რომ აუცილებელია ონლაინ აქტივობები, არჩევანის თავისუფლების მოწინააღმდეგე ჯგუფების მხრიდან არასწორი თვითრეპრეზენტაციის აღკვეთა, ჯანდაცვის დაწესებულებებში ბუფერული ზონების შექმნა, რომლებიც სანდო ინფორმაციის მიწოდებაზე აიღებენ პასუხისმგებლობას, რათა ჯანდაცვის სერვისების მხრიდან ზეწოლა გამოირიცხოს. გარდა ამისა, ევროსაბჭოს წევრმა ქვეყნებმა რეპროდუქციულ უფლებებსა და სერვისებზე, მათ შორის, აბორტის უფლების შესახებ, სანდო ინფორმაციის გავრცელება უნდა უზრუნველყონ და მოქალაქეებს, მათ შორის, სქესობრივი განათლებით, ხელი შეუწყონ, რომ ინფორმირებული გადაწყვეტილება მიიღონ. ასევე, ეფექტურად გამოიძიონ სიძულვილის ენის გამოყენებისა და მუქარის შემთხვევები, რომლებიც უფლებადამცველებს მიემართებათ, ასევე, კანონდამცველთათვის შესაბამისი ტრენინგები ჩაატარონ და სწორი ინფორმაცია მიაწოდონ.
Don't Miss
5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი ფსიქიკური ჯანმრთელობის მდგომარეობას პერინატალურ პერიოდში.
სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43 წლის კაცი დააკავეს. ის დაკავებულია
6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში” ჩაიშალა. კრებული ქართველი მხატვრების მიერ მე-20 საუკუნის დასაწყისიდან დღემდე
28 თებერვალს ამერიკის ფსიქოლოგთა ასოციაციამ (APA) მიიღო მნიშვნელოვანი გადაწყვეტილება, მხარი დაუჭიროს ტრანსგენდერი და არაბინარული ადამიანების გენდერის დადასტურების პროცედურას, რაც მოიცავს