გარდაქმნის თერაპია

საფრანგეთში გარდაქმნის თერაპია აიკრძალა

საფრანგეთში გარდაქმნის თერაპია კანონის ძალით აიკრძალა. იმ ადამიანებს, რომლებიც ქვიარ ადამიანების გარდაქმნის პროცესში არიან ჩართული პატიმრობა და ფულადი ჯარიმის გადახდა დაეკისრებათ. კანონის ძალით უფლებადამცველებსაც შეეძლებათ საჩივრის მომზადება, რაც იმ ადამიანების კეთილდღეობის დაცვას

ტიკტოკმა ტრანსფობიური და გარდაქმნის თერაპიის მხარდამჭერი მასალის აკრძალვისთვის წესდება შეიმუშავა

სოციალური მედიის პლატფორმა ტიკტოკი გენდერული ნაცვალსახელებისა და მიმართვის ფორმის არასწორი გამოყენების, ტრანსგენდერი ადამიანისთვის დაბადებისას მინიჭებული სახელის გამოყენების, მიზოგინიის და ,,გარდაქმნის თერაპიის” მხარდამჭერი კონტენტის წინააღმდეგ ბრძოლას იწყებს და ამისთვის საიტის წესდება განაახლა. ტიკტოკმა აღნიშნული გადაწყვეტილება გენდერული სამართლიანობის დაცვის ჯგუფ – UltraViolet-ისა

ახალ ზელანდიაში „გარდაქმნის თერაპია“ აიკრძალა

ახალი ზელანდიის პარლამენტმა „გარდაქმნის თერაპიის“ აკრძალვის შესახებ კანონი მიიღო. კანონდამრღვევებს 3 წლამდე თავისუფლების აღკვეთა ემუქრებათ. „ეს ახალი ზელანდიის ლგბტქი თემისთვის შესანიშნავი დღეა. გარდაქმნის თერაპიის

მსოფლიოში პირველი ღიად გეი მონარქი ინდოეთში „გარდაქმნის თერაპიის“ აკრძალვისთვის იბრძვის

ინდოეთის პრინცი მანვენდრა სინგ გოჰილი, რომელიც სამეფო ოჯახის მსოფლიოში პირველ ღიად გეი წარმომადგენლად ითვლება, „გარდაქმნის თერაპიის“ წინააღმდეგ იბრძვის. 56 წლის პრინცი 2006 წელს „დაქამინგაუთდა“,

მსოფლიოს მნიშვნელოვანი ქვიარ მოვლენები 2022 წელს

2022 წელი იწურება და დროა, თვალი გადავავლოთ, რა შეიცვალა მსოფლიოში ლგბტქი უფლებებისა და ადამიანთა თანასწორობის კუთხით, ასევე რა მნიშვნელოვანი მოვლენები მოხდა ქვიარ ადამიანების ხილვადობის თვალსაზრისით ხელოვნებასა და სპორტში.

ქორწინების თანასწორობა

Alex Wong/Getty Images
  • სლოვენიაში თანასწორი ქორწინება და შვილად აყვანა დაკანონდა. სლოვენია აღმოსავლეთ ევროპის პირველი ქვეყანა გახდა, რომელმაც თანასწორი ქორწინება და შვილად აყვანის შესაძლებლობა დააკანონა. სლოვენია, რომელიც იუგოსლავიის დაშლის შედეგად ჩამოყალიბდა, ევროპის პირველი ყოფილი კომუნისტური ქვეყანაა, სადაც აღნიშნული გადაწყვეტილება მიიღეს. სლოვენიის მეზობელი ქვეყნების დიდი ნაწილი სამოქალაქო პარტნიორობასა და ერთი და იმავე სქესის წყვილების ქორწინებას არ ცნობს.
  • კუბამ ერთი და იმავე სქესის წყვილების ქორწინება დააკანონა. კუბამ ისტორიულ რეფერენდუმზე ერთი და იმავე სქესის მქონე წყვილების ქორწინება დააკანონა. 27 სექტემბერს, ქვეყნის ეროვნულმა საარჩევნო საბჭომ განაცხადა, რომ კუბელებმა მხარი დაუჭირეს საოჯახო კოდექსს, რომელიც კუნძულზე უმცირესობების დაცვის გაძლიერებას ისახავს მიზნად.
  • ანდორა 33-ე ქვეყანა გახდა, რომელმაც თანასწორი ქორწინება აღიარა. სახელმწიფომ ერთი და იმავე სქესის წყვილებს სამოქალაქო ქორწინების უფლება ფარული კენჭისყრის შედეგად მიანიჭა. ანდორაში სამოქალაქო პარტნიორობის ფორმირება 2014 წლიდან იყო შესაძლებელი, ქორწინების თანასწორობის საკანონმდებლო ინიციატივა კი პარლამენტმა პირველად 2020 წელს განიხილა, თუმცა კანონის მიღებას ათი უშედეგო მცდელობა უძღოდა წინ.
  • აშშ-ის სენატმა ქორწინების თანასწორობის დასაცავად ახალი კანონპროექტი მიიღო. 29 ნოემბერს, აშშ-ის სენატმა მიიღო კანონპროექტი, რომელიც დაიცავს ერთი და იმავე სქესის ადამიანების ქორწინების ფედერალურ აღიარებას. ეს კანონპროექტი შტატებს ერთი და იმავე სქესის ადამიანების და რასებსშორისი ქორწინებების შეზღუდვას ვერ უკრძალავს, თუკი უზენაესმა სასამართლომ მათ ამის უფლება მისცა, თუმცა ის დაავალდებულებს ფედერალურ მთავრობას, აღიაროს ქორწინება, თუკი ის კანონიერი იყო იმ შტატში, რომელშიც შესრულდა.
  • გარდა ამისა, ქორწინების თანასწორობა ძალაში შევიდა მექსიკაში (გარდა გერეროს შტატისა, სადაც ის მხოლოდ ზოგიერთ მუნიციპალიტეტშია ხელმისაწვდომი), ჩილეში (2022 წლის 10 მარტიდან) და შვეიცარიაში (2022 წლის 1 ივლისიდან).

ჰომოსექსუალობის დეკრიმინალიზაცია

Andrea de Silva / Reuters
  • 2022 წელს ჰომოსექსუალობის დეკრიმინალიზაცია მოხდა ანტიგუა და ბარბუდაში, სენტ-კიტსი და ნევისში, ბარბადოსსა და სინგაპურში:
    • 5 ივლისს, აღმოსავლეთ კარიბის უზენაესმა სასამართლომ დაადგინა, რომ კანონმდებლობისის ის სექციები, რომლებიც ერთი და იმავე სქესის პარტნიორებს შორის თანხმობაზე დაფუძნებულ ინტიმურობას არალეგალურად ცნობდა, იყო არაკონსტიტუციური. ამ დადგენილებით, სასამართლომ შექმნა პრეცედენტი, რომ კონსტიტუციით განსაზღვრული სქესის ნიშნით დისკრიმინაციის საწინააღმდეგო კანონები ასევე ფარავს სექსუალურ ორიენტაციასა და გენდერულ იდენტობას, ამიტომაც ხელისუფლებას არ შეუძლია ისეთი კანონების გატარება, რომლებიც ამ ნიშნებით ახდენს დისკრიმინაციას. შედეგად, ჰომოსექსუალობის დეკრიმინალიზაცია მოხდა ანტიგუა და ბარბუდაში.
    • 29 აგვისტოს, აღმოსავლეთ კარიბის უზენაესმა სასამართლომ გააუქმა „პიროვნების წინააღმდეგ დანაშაულების აქტის“ 56-ე და 57-ე სექციები, რომლებიც კრძალავდა „მამათმავლობის საზარელ დანაშაულს“. შედეგად,  სენტ-კიტსი და ნევისში ზრდასრულ კაცებს შორის თანხმობის საფუძველზე შემდგარი სქესობრივი აქტი აღარ არის არალეგალური.
    • 2022 წლის დეკემბერში, ბარბადოსში არაკონსტიტუციურად გამოცხადდა კანონები „მამათმავლობისა“ და „უხამსი ქცევის“ შესახებ და ისინი „სქესობრივი დანაშაულების აქტიდან“ ამოიღეს. მანამდე ბარბადოსში ერთი და იმავე და სხვადასხვა სქესის პარტნიორებს შორის ანალური და ორალური სექსი კრიმინალიზებული იყო. „მამათმავლობა“ ისჯებოდა სამუდამოდ თავისუფლების აღკვეთით, ხოლო „უხამსი ქცევის“ მაქსიმალური სასჯელი იყო 10 წლით თავისუფლების აღკვეთა, თუკი აქტი 16 წელს გადაცილებულ ადამიანთან იქნებოდა.
    • 2022 წლის ნოემბერში სინგაპურმა ოფიციალურად გააუქმა ქვეყნის კანონმდებლობის სექცია 377A, რომელიც კრძალავდა ერთი და იმავე სქესის კაც პარტნიორებს შორის სექსუალურ აქტივობას.

ანტიდისკრიმინაციული კანონი

  • 2022 წლის 30 ივნისს ესპანეთის პარლამენტმა მიიღო ანტიდისკრიმინაციული კანონი, რომელიც „ზეროლოს კანონის“ სახელითაა ცნობილი. ამ კანონამდე, ესპანეთში დასაქმებისას სექსუალური ორიენტაციის საფუძველზე დისკრიმინაცია არალეგალური იყო 1995 წლიდან, თუმცა აქამდე გენდერული იდენტობის ნიშნით დისკრიმინაცია არ იყო აკრძალული ქვეყნის მასშტაბით.

გარდაქმნის თერაპია

  • 2022 წელს ე.წ. „გარდაქმნის თერაპია“ — ფსევდომეცნიერული პრაქტიკა, რომელიც ცდილობს ადამიანის სექსუალური ორიენტაციის, გენდერული იდენტობისა და გენდერული ექსპრესიის შეცვლას, რათა ის ჰეტეროსექსუალურ და სისგენდერულ ჩარჩოებს მოერგოს — აიკრძალა კანადაში, საფრანგეთში, საბერძნეთში (მხოლოდ არასრულწლოვანების ჩართულობა), ახალ ზელანდიაში, ისრაელში (აეკრძალათ სამედიცინო მუშაკებს), ვიეტნამსა და მექსიკის დედაქალაქ მეხიკოში. გარდა ამისა, პარაგვაიში აიკრძალა მენტალური ჯანმრთელობის საკითხების დიაგნოსტირება მხოლოდ სექსუალურ იდენტობაზე დაყრდნობით. ამ დროისთვის „გარდაქმნის თერაპია“ აკრძალულია 22 ქვეყანაში, მათგან 7-ში კი ამ პრაქტიკით დაკავება ეკრძალება უკლებლივ ყველას.

სერბეთში ევროპრაიდი 2022 ჩატარდა

EuroPride 2022 სერბეთის დედაქალაქ ბელგრადში გაიმართა. ძალადობრივი, ჰომოფობიური ჯგუფების საპროტესტო გამოსვლების, ეკლესიის წინააღმდეგობისა და ხელისუფლების მხრიდან ევროპრაიდის მარშის აკრძალვის არაერთი მცდელობის მიუხედავად, ღონისძიებამ მშვიდობიანად ჩაიარა.

მსვლელობა დაგეგმილ დროს, პოლიციის გაძლიერებული დაცვითა და სხვადასხვა ქვეყნის ლგბტქი ორგანიზაციების ჩართულობით დაიწყო. მარშს წარმომადგენლები საქართველოდანაც ესწრებოდნენ, მათ შორის, Tbilisi Pride.

ხელოვნება და კულტურა

  • არიანე დებოუზი გახდა პირველი ფერადკანიანი ქვიარ ქალი და პირველი აფრო-ლათინოამერიკელი, რომელმაც ოსკარი მოიგო. მან ეს ჯილდო სტივენ სპილბერგის West Side Story-ში ანიტას როლის შესრულებისთვის გადაეცა.
  • უილოუ ფილი გახდა პირველი ღიად ტრანსგენდერი ადამიანი, რომელმაც RuPaul’s Drag Race-ის რეგულარული სეზონი მოიგო აშშ-ში.
  • ანიმაციურ სერიალ Peppa Pig-ში პირველად გამოჩნდა ერთნაირსქესიანი წყვილი — პოლარულ დათვ პენის დედები.
  • გამოვიდა ფილმი Bros — დიდი სტუდიის მიერ გადაღებული პირველი გეი რომანტიკული კომედია, რომელიც მთლიანად ლგბტქი მსახიობებისგან შედგება.
  • უოლტ დისნეის ანიმაციურმა სტუდიამ შექმნა პირველი ღიად ლგბტქი მთავარი გმირიStrange World-ის პერსონაჟი ითან კლეიდი, რომელიც ღიად გეი კაცია.
  • სიმღერით Unholy კიმ პეტრასი გახდა პირველი ღიად ტრანსგენდერი ქალი, სემ სმიტი კი — პირველი ღიად არაბინარული ადამიანი, რომელებმაც Billboard-ის „ყველაზე ცხელ 100-ეულში“ პირველი ადგილი დაიკავეს.

იხილეთ აგრეთვე: 15 საუკეთესო სიმღერა, რომელიც ქვიარ მუსიკოსებმა 2022 წელს გამოსცეს

სპორტი

  • მოცურავე ლია თომასი გახდა პირველი ღიად ტრანსგენდერი სპორტსმენი, რომელმაც აშშ-ის National Collegiate Athletic Association-ის I დივიზიის ეროვნული ჩემპიონატი მოიგო სპორტში — მან ქალების 500 ფრისტაილში პირველი ადგილი დაიკავა დროით 4:33.24.
  • იგორ ბენევენუტო გახდა FIFA-ს დონის პირველი საფეხბურთო მსაჯი, რომელიც გეიდ დაქამინგაუთდა.
  • ნადეჟდა კარპოვა გახდა რუსეთის ეროვნული გუნდის პირველი ღიად გეი სპორტსმენი.
  • ელია გრინი გახდა პირველი ოლიმპიელი, ვინც ტრანს* კაცად დაქამინგაუთდა.

მექსიკის დედაქალაქ მეხიკოში “მოქცევის თერაპია” აიკრძალა

მექსიკის დედაქალაქ მეხიკოში კანონი მიიღეს, რომლითაც “მოქცევის თერაპია” აიკრძალა. ეს არის სიცოცხლისთვის საშიში ცრუ პრაქტიკა, რომელიც სექსუალური ორიენტაციისა და გენდერული იდენტობის “გარდაქმნას” ისახავს მიზნად. 

სექსუალური და გენდერული იდენტობის “გარდაქმნის” ფსიქოლოგიურ, რელიგიურ თუ ელექტროშოკის თერაპიაში ჩართულ ადამიანებს 5 წლამდე პატიმრობა დაემუქრებათ, არასრულწლოვანი ლგბტქი ადამიანების “მოქცევის” პრაქტიკაში ჩართულებს კი კიდევ უფრო მკაცრი სასჯელი.

ახალი კანონის თანახმად, “მოქცევის თერაპია” განისაზღვრა, როგორც ადამიანის გენდერული იდენტობისა და სექსუალური ორიენტაციის გამოხატვასთან “ბრძოლის, გარდაქმნის, დამცრობის” მცდელობა.

აღნიშნული გადაწყვეტილებით მეხიკო ქვეყნის პირველი რეგიონი გახდა, რომელმაც ისტორიული მნიშვნელობის ცვლილება განახორციელა. აღსანიშნავია, რომ თანასწორი ქორწინების დაკანონება მექსიკაში თავდაპირველად მეხიკოში მიიღწა, ჯერ კიდევ 2009 წელს.

წყარო: Reuters

საბერძნეთმა „გარდაქმნის თერაპიაში“ არასრულწლოვანთა ჩართვა აკრძალა

საბერძნეთმა „გარდაქმნის თერაპიაში“ არასრულწლოვანთა (თემის წევრებისა და სამედიცინო ექსპერტების მიერ მკაცრად დაგმობილი პრაქტიკა, რომელიც ადამიანის სექსუალური ორიენტაციისა და გენდერული იდენტობის შეცვლას ისახავს მიზნად) ჩართვა და სარეკლამო მასალების გავრცელება აკრძალა.

ახალი კანონის თანახმად, რომელიც საბერძნეთის პარლამენტმა მიიღო, ფსიქოლოგებსა და სამედიცინო მუშაკებს საზიანო პრაქტიკის ჩასატარებლად ადამიანის ცხადი და გაცნობიერებული თანხმობა დასჭირდებათ, წინააღმდეგ შემთხვევაში პატიმრობა და ფულადი ჯარიმა ელით.

„ყალბი მკურნალობის მეთოდები ამტკიცებდა, რომ არასრულწლოვანთა სექსუალური ორიენტაციის შეცვლა შესაძლებელი იყო და მშობლების მიმართვის შემთხვევაში, ბავშვების „განკურნება“ შეეძლოთ. ამ პრაქტიკას არც თერაპიასთან აქვს რაიმე საერთო და არც მეცნიერულად გამართლებულია“, — აღნიშნა ჯანდაცვის მინისტრმა, თანოს პლევრისმა პარლამენტში გამოსვლისას.

საბერძნეთის ხელისუფლებამ ეროვნული სამოქმედო გეგმა შეიმუშავა, რომელიც 2025 წლამდე გენდერული თანასწორობის მიმართულებით ცვლილებებს ისახავს მიზნად.

პლევრისის თქმით, საბერძნეთი ინტერსექსი და ატიპური ქრომოსომებით დაბადებული ბავშვებისთვის ოპერაციის ჩატარებასაც აკრძალავს, რადგან მსგავსი ჩარევა რეპროდუქციულ ანატომიაზე გავლენას ახდენს.

წყარო: Reuters

მსოფლიოში პირველი ღიად გეი მონარქი ინდოეთში „გარდაქმნის თერაპიის“ აკრძალვისთვის იბრძვის

ინდოეთის პრინცი მანვენდრა სინგ გოჰილი, რომელიც სამეფო ოჯახის მსოფლიოში პირველ ღიად გეი წარმომადგენლად ითვლება, „გარდაქმნის თერაპიის“ წინააღმდეგ იბრძვის.

56 წლის პრინცი 2006 წელს „დაქამინგაუთდა“, იმ დროისთვის ინდოეთში ჰომოსექსუალობა კრიმინალიზებული იყო და პრინცის თქმით, ელექტროშოკით და სხვა მეთოდებით ცდილობდნენ მისი ორიენტაციის შეცვლას.

„ჩემმა მშობლებმა ჩათვალეს, რომ შეუძლებელი იყო, გეი ვყოფილიყავი, რადგან კულტურით მდიდარ გარემოში გავიზარდე. მათ წარმოდგენაც არ ჰქონდათ, რომ სექსუალობა და აღზრდა ერთმანეთთან კავშირში არაა. მათ ექიმებს მიმართეს და ჩემს ტვინზე ზემოქმედება განიზრახეს, რათა ჰეტეროსექსუალად ვექციე, რამაც ელექტროშოკის თერაპიამდე მიმიყვანა“, — აღნიშნა პრინცმა იმ მომენტის გახსენებისას, როცა მშობლებს სექსუალური ორიენტაცია გაუმხილა.

„გარდაქმნის თერაპიის“ მრავალწლიანი გამოცდილების შემდეგ მშობლებმა პრინცზე საჯაროდ თქვეს უარი და წოდება ჩამოართვეს. მედიასაშუალებებში იწერებოდა, რომ პრინცის წოდება „საზოგადოებისთვის მიუღებელი“ ქმედებების გამო ჩამოერთვა.

პრინცმა არასამთავრობო ორგანიზაცია, Lakshya Trust დააფუძნა, რომელიც ლგბტქი უფლებების კუთხით არსებული მდგომარეობის გაუმჯობესებას ისახავს მიზნად. BBC-ის თანახმად, 2018 წელს პრინცმა წინაპრების სახლი მხარდამჭერ ოფისად გარდაქმნა, რომელიც თემის წევრებს სოციალურ და ფინანსურ მხარდაჭერას უწევს.

მიუხედავად იმისა, რომ რამდენიმე წელია ინდოეთში ქვიარ ურთიერთობები ლეგალურია, „გარდაქმნის თერაპია“ აკრძალული ჯერაც არაა. ამიტომ, პრინცი მანვენდრა არაეთიკური პრაქტიკის აკრძალვას ითხოვს და აღნიშნავს, რომ აუცილებელია იმ ადამიანებმა, რომელთაც საჯარო პლატფორმა აქვთ, „გარდაქმნის თერაპიის“ წინააღმდეგ საუბარი დაიწყონ. მისი თქმით, ლგბტქი უფლებებისთვის ბრძოლა დაუსრულებელი ციკლია, ამიტომ გაჩერებას არ აპირებს.

წყარო: news24

კვიპროსელი კანონმდებლები და აქტივისტები „გარდაქმნის თერაპიის“ აკრძალვისთვის იბრძვიან

„გარდაქმნის თერაპიის“ შუა საუკუნეებისთვის დამახასიათებელი ფორმები, მათ შორის, ეგზორციზმი, კვიპროსში დღემდე გამოიყენება, რაც ლგბტქი ადამიანებისთვის განსაკუთრებით ტრავმული გამოცდილებაა.

ახალი ანგარიშის მიხედვით, რომლის ფარგლებშიც დაახლოებით 100 ადამიანი გამოიკითხა, კუნძულზე კვლავ აქტიურად მუშაობენ ჯგუფები, რომლებიც ამტკიცებენ, რომ სექსუალური ორიენტაციისა და გენდერული იდენტობის შეცვლა შეუძლიათ.

„მღვდელმსახურმა მსხვერპლს აიძულა, რომ „ჩადენილი ცოდვებისთვის“ მუხლებზე დაჩოქილს ეთხოვა პატიება ღმერთისთვის. ერთ-ერთ გამოკითხულს ენდოკრინოლოგმა ტესტოსტერონის კურსის ჩატარება აიძულა, რადგან, მისი თქმით, პაციენტი „ზედმეტად ფემინური“ იყო“, – ამბობს სტეფანოს ევანგელიდისი, ადვოკატი და ორგანიზაცია Accept-ის წევრი.

გამოკითხულთა შორის არის ადამიანი, რომელსაც „მღვდელმსახურმა ეგზორციზმის [ეშმაკის განდევნის] რიტუალი ჩაუტარა“. მსგავსი მეთოდების გამო, ლგბტქი ადამიანების ნაწილმა თვითმკვლელობაც კი სცადა.

კვიპროსში ჰომოსექსუალობის დეკრიმინალიზაცია 1998 წელს მოხდა, დაშვებულია ერთი და იმავე სქესის წყვილების სამოქალაქო პარტნიორობაც, თუმცა არა თანასწორი ქორწინება. ქვეყანაში კი კვლავ დიდი გავლენით სარგებლობს მართლმადიდებელი ეკლესია, რომელიც „გარდაქმნის თერაპიას“ მიმართავს.

აქტივისტების მიერ მომზადებულმა ანგარიშმა დიდი გამოხმაურება გამოიწვია, რამაც საპარლამენტო განხილვებს ხელი შეუწყო. პარლამენტის ერთ-ერთმა წევრმა საკანონმდებლო ინიციატივა წარადგინა, რომლითაც „გარდაქმნის თერაპიაში“ მონაწილე ადამიანებს 2 წლამდე პატიმრობა, არასრულწლოვანი ქვიარ ადამიანების წინააღმდეგ მიმართული პრაქტიკის შემთხვევაში კი, 3 წლამდე პატიმრობა ემუქრებათ.

„ახალგაზრდები თუ ზრდასრულები შუა საუკუნეების მიდგომებისგან, დამცირებისა და არაკანონიერი პრაქტიკისგან უნდა დავიცვათ. ლგბტქი თემის წევრები ჯანმრთელობის პრობლემების მქონე ადამიანები არ არიან, რომელთაც მკურნალობა სჭირდებათ. სწორედ ეს გზავნილი უნდა მივიტანოთ საზოგადოებამდე“, – აღნიშნა გიორგოს კუკუმასმა, ინიციატივის ავტორმა.

საკანონმდებლო ინიციატივას მხარს უჭერენ კვიპროსის ფსიქიატრთა ასოციაცია და ქვეყნის პრეზიდენტის მრჩეველი მრავალფეროვნების საკითხებში, კოსტა გავრელიდისი.

გამოკითხული ლგბტქი ადამიანები მართლმადიდებელი ეკლესიის „გარდაქმნის თერაპიაში“ მონაწილეობას ადასტურებენ, თუმცა ეკლესია პრაქტიკაში მონაწილეობას უარყოფს.

წყარო: France24

დიდი ბრიტანეთი ტრანსგენდერი ადამიანებისთვის გარდაქმნის თერაპიას არ აკრძალავს

გაერთიანებულ სამეფოში ლგბტქი გარდაქმნის თერაპიის დასრულების მრავალწლიანი დაპირების შემდეგ, პრემიერმინისტრმა ბორის ჯონსონმა წინა კვირაში გამოაცხადა, რომ თერაპია აიკრძალებოდა, მაგრამ არა ტრანსგენდერი ადამიანებისთვის. Keep Reading

ახალ ზელანდიაში „გარდაქმნის თერაპია“ აიკრძალა

ახალი ზელანდიის პარლამენტმა „გარდაქმნის თერაპიის“ აკრძალვის შესახებ კანონი მიიღო. კანონდამრღვევებს 3 წლამდე თავისუფლების აღკვეთა ემუქრებათ.

„ეს ახალი ზელანდიის ლგბტქი თემისთვის შესანიშნავი დღეა. გარდაქმნის თერაპიის ადგილი თანამედროვე ახალ ზელანდიაში არ არის.“ – აღნიშნა კრის ფაფოიმ, ახალი ზელანდიის იუსტიციის მინისტრმა.

ახალი კანონის შესაბამისად,  ყველა არასრულწლოვანი ადამიანის გენდერული იდენტობისა და სექსუალური ორიენტაციის წინააღმდეგ მიმართული „გარდაქმნის თერაპია“ იკრძალება, ასევე, განურჩევლად ასაკისა, აღნიშნული პრაქტიკის გამოყენება 5 წლამდე პატიმრობით დაისჯება იმ შემთხვევებში, როცა ქმედებებს ადამიანის ჯანმრთელობის გართულებები მოჰყვა.

„გარდაქმნის თერაპიის“ აკრძალვის დაპირება ახალი ზელანდიის პრემიერ მინისტრმა, ჯასინდა არდერნმა მეორე ვადით არჩევის შემდეგ, შარშან მიიღო.

წყარო: Reuters

ისრაელში სამედიცინო მუშაკებს „გარდაქმნის თერაპიაში“ მონაწილეობა აეკრძალებათ

ისრაელის ჯანდაცვის მინისტრის, ნიცან ჰოროვიცის გადაწყვეტილებით, სამედიცინო მუშაკებს „გარდაქმნის თერაპიასთან“ დაკავშირებულ პრაქტიკაში მონაწილეობა აეკრძალებათ, რაც იმ პრაქტიკის წინააღმდეგ მიმართული გადაწყვეტილებაა, რომელიც „სულს ანადგურებს“. შესაძლოა, კანონდამრღვევებს ლიცენზიის გაუქმება და პატიმრობაც კი დაემუქროთ.

„მკურნალობა ის ქმედებაა, რომელიც ადამიანს უნდა ეხმარებოდეს, გარდაქმნის თერაპია მკურნალობა კი არ არის – ბოროტებაა. მსგავსი პრაქტიკა სულს ანადგურებს და სიცოცხლის მოსპობასაც კი იწვევს.“ – აღნიშნა ჰოროვიცმა და გადაწყვეტილებას „გამარჯვება“ უწოდა.

 

ტიკტოკმა ტრანსფობიური და გარდაქმნის თერაპიის მხარდამჭერი მასალის აკრძალვისთვის წესდება შეიმუშავა

სოციალური მედიის პლატფორმა ტიკტოკი გენდერული ნაცვალსახელებისა და მიმართვის ფორმის არასწორი გამოყენების, ტრანსგენდერი ადამიანისთვის დაბადებისას მინიჭებული სახელის გამოყენების, მიზოგინიის და ,,გარდაქმნის თერაპიის” მხარდამჭერი კონტენტის წინააღმდეგ ბრძოლას იწყებს და ამისთვის საიტის წესდება განაახლა. ტიკტოკმა აღნიშნული გადაწყვეტილება გენდერული სამართლიანობის დაცვის ჯგუფ – UltraViolet-ისა და GLAAD-ის რეკომენდაციების შემდეგ მიიღო.

„სიძულვილის შემცველი, აკრძალული იდეოლოგიების წინააღმდეგ მეტად ცხადი წესდების შემოღება გადავწყვიტეთ, რაც ტრანსგენდერი ადამიანისთვის დაბადებისას მინიჭებული სახელის გამოყენებას, გენდერული მიმართვის არასწორ გამოყენებას, მიზოგინიასა და „გარდაქმნის თერაპიის“ მხარდამჭერი მასალების აკრძალვას გულისხმობს. ისიც უნდა ითქვას, რომ მსგავსი იდეოლოგია ტიკტოკზე დიდი ხანია დაუშვებელია, თუმცა კონტენტის შემქმნელებისა და სამოქალაქო ორგანიზაციებისგან გავიგეთ, რომ ამ ყველაფრის სამოქმედო წესდებაში გაწერა აუცილებელია. ამავდროულად, ვიმედოვნებთ, რომ უკვე ხელმისაწვდომი ფუნქცია, რომელიც ადამიანებს ნაცვალსახელის მითითების შესაძლებლობას აძლევს, ურთიერთპატივისცემაზე დამყარებულ ინკლუზიურ დიალოგს ხელს უწყობს.“ – ვკითხულობთ ტიკტოკის განცხადებაში.

GLAAD-ის აღმასრულებელი დირექტორის, სარა ქეით ელისის თქმით, „ქსელში ტრანსფობიური კომენტარების გამოყენება ან „გარდაქმნის თერაპიის“ მხარდაჭერა რეალურ სივრცეებშიც საფრთხეს ქმნის. ტიკტოკის განახლებული წესდება ლგბტქი ადამიანების ონლაინ უსაფრთხოებას ბევრად გაზრდის, რაც სხვა სოციალური ქსელებისთვისაც მაგალითი უნდა იყოს“.

წყარო: GLAAD

საფრანგეთში გარდაქმნის თერაპია აიკრძალა

საფრანგეთში გარდაქმნის თერაპია კანონის ძალით აიკრძალა. იმ ადამიანებს, რომლებიც ქვიარ ადამიანების გარდაქმნის პროცესში არიან ჩართული პატიმრობა და ფულადი ჯარიმის გადახდა დაეკისრებათ.

კანონის ძალით უფლებადამცველებსაც შეეძლებათ საჩივრის მომზადება, რაც იმ ადამიანების კეთილდღეობის დაცვას უზრუნველყოფს, რომელთაც საკუთარი უფლებების  სამართლებრივი დაცვის ბერკეტებით სარგებლობა ნაკლებად შეუძლიათ.

საფრანგეთის თანასწორობისა და მრავალფეროვნების მინისტრმა ელიზაბეთ მორენომ აღნიშნა, რომ გარდაქმნის თერაპია „ბარბაროსული“ პრაქტიკაა, რომელიც ადამიანების „გონებაზე და სხეულზე წარუშლელ კვალს ტოვებს“.

კანონდამრღვევებს 2 წლამდე პატიმრობა და 30 ათასი ევროს გადახდა დაეკისრებათ, რაც შეიძლება 3-წლიან საპატიმრო დრომდე და 45 ათასი ევროს ოდენობის ჯარიმამდე გაიზარდოს.

კანონი ძალაში ოფიციალურად მომდევნო ორ კვირაში, პრეზიდენტ მაკრონის ხელმოწერის შემდეგ შევა, რომელმაც აკრძალვასთან დაკავშირებით განაცხადა: „უნდა ვიამაყოთ, რადგან დანაშაული არაა იყო საკუთარი თავი“.

წყარო: France24